اقبل الصيف ...ومانرحم المواتر .....حنا الخسرانين ....لكن ادخل وشف ....

[مواسي الطعوس]

بسم الله الرحمن الرحيم


_ السلام عليكم ورحمة الله وبركاته :


- من خلال روحاتي وجياتي ((ابن بطوطه...ههههههه)) لاحظت على الناس عدم رحمة السيارات وهذا اكيد رايح يتعبهم في التصليح ....لكن عندي بعض الملاحظات اللي تفيد ان شاء الله وعملها بسيط وهي : كل الكلام على السفر الطويل .


1/ قبل ماتوصل مكان التوقف عليك بتقليل السرعه اذا تمشي 140 ((وهو الغالب للناس)) عليك بالتقليل الى 100 او 80 ان حصل قبل الوقوف بدقائق . للماكينه والقير والكارونه ((الزيوت تبرد))

2/ لاتطفي الموتر اتركه يشتغل ((دامك تتمغط ههههه))

3/ افتح الكبوت فور الوقوف . لتخرج الحراره .
4/ اجعل وجه الموتر جهة الهواء . ولاتصير مثل اللي يوقفه تحت جدار حتى يصدمه .

_ اذا بغيت تشوف قوة الحراره بعد السفر اذا اطفيت الموتر تعال بعد 5 دقائق وشغله .

_ تسلم حتى من خرابات القزوز ..

--- لاتبخلون علينا بخبراتكم لنستفيد ويستفيد النش الجديد .

((والسلام ختام ))

--

[سيوف الدهناء]

كلام جميل

وياليتنا نتقيد بالي يحافظ على السيارة

بس اننا شعب مستعجلين جداً ههههههه

[التميمي 6]

موضوع جيد وبصراحة انا افكر اخترع شي يبرد على الموتر والتحكم من داخل السيارة مثل رش الموية للمساحات تكون رش الموية على الاديتر او على خرقة (قطعة قماش)للتبريد على الاديتر مثلا وشكرا

[ابو العز بلس]

وعليكم السلام ورحمة الله وبركاته

افضل شيء وانا مجربة وهو
بعد ماتوصل بالسلامة
خل السيارة تشتغل اقل شيء من 5 -10 دقائق
وبعدها اطفئ المحرك
اعتقد هذا يوفر كل اللي الامور الاخرى مثل التهدئة وغيرها

[مواسي الطعوس]

- الناس مارايح تنتظر 10 دقائق يكون متعب من السفر .

- افضل شي فتح الكبوت . وان حصل ناحية الهواء افضل ..

[كاشت وحداني]

الف شكر لك على الافكار الجميله
وايضا هناك كتاوت بالامكان تركيبها تخلي المراوح تشتغل فتره بسيطه بعد ما تطفي الموتر


Sent from my iPhone using Tapatalk

[أبوعذااب707]

2/ لاتطفي الموتر اتركه يشتغل ((داكم تتمغط ههههه))


انا من ناحيتي ما اطفي الموتر اخليه تقريبا 5 دقائق

كثير يقولون لي طفي الموتر خل المكينه تبرد ؟
كييف ارد على كلامهم اني ما اطفي الموتر على طول؟

[التعـ King ـديل]

الالمان ابدعو في هذا الشي .. ونلاحظ سيارات المرسيدس لمن تطفي السياره سواء بعد سفر او بعد مشوار تبقى المرواح شغاله وبعدين تطفى

اخوي مواسي الطعوس الله لايحرمنا من مواضيعك

[السومر]

انا اشوف ما فيها شي اذا طفيت السياره على طول عند وصولك

لو فيها مشكله كان ما طفينا السيارات عند المحطه لتزود بالوقود

[مخاوي دابذريع]

ماشاء الله نصائح مفيده شكرا لك اخونا مواسي

[ماون ماركز]

للأسف كل اللي ذكرتها لا تقدم او تأخر بالمحافظة ع السيارة بالصيف
وبعدين .. السيارات اللي تشتغل بالبنزين ما يحتاج تنتظر لأطفائها



بالنسبة للمحافظة على السيارة .. أثناء الصيف

@حافظ على مستويات ماء الرديتر وعلبة الماء الزائد

@أفحص أماكن دخول الهواء للسيارة في مقدمتها

@أفحص المراوح الكهربائية للتأكد من عملها بشكل صحيح

@أفحص المروحة الميكانكية للتأكد من عملها الصحيح

@أفحص خراطيش الماء للتأكد من أنها لا تنغلق عند السير

@أفحص طرمبة الماء وأنها تعمل بشكل صحيح

@تأكد من عدم وجود تسربات وتنسيم بنظام التبريد للسيارة

@تأكد من غطاء الرديتر أنه يقوم بعمله على أكمل وجه

@لا تسرع .. أمش عاقل حسب السرعات المحددة

@لا تدوس للسيارة وتسوي نفسك أنك أحسن واحد وتقدر تتجاوز الأخرين

@عند الوقف بالزحمات .. أتبع نظام التوقف خلف الأخرين .. وهو ترك مسافة بحيث أنك تشوف كفرات اللي قدامك مو تلصق باللي قدامك ..


أما كلمة أنك مسرع وتهدي السرعة .. و تنتظر 5 او 10 دقائق عشان تطفيء الموتر
فهذه غير صحيحة يالغالي .. لا تسرع من الأساس ..

المحافظة تبداء من الصيانة الوقائية والقيادة الراكدة .. وفحص السيارة بشكل شبه يومي

وشكرا لك

[مواسي الطعوس]

انا اشوف ما فيها شي اذا طفيت السياره على طول عند وصولك

لو فيها مشكله كان ما طفينا السيارات عند المحطه لتزود بالوقود

****************************************

- لو ماطفيت وش فرقت ؟؟؟؟ يقولون البنزين يتحرك في التانكي ....قلت واثناء القياده يضرب فوق تحت ....ملفات ومطباااااااات .

__ البنزين التعبئه اقل من دقيقه ((اذا طفيت للتعبئه)) بعدين تشغل وتبرد المراوح وتكون الماكينه واقفه ماعليها دوس وضغط قوي .

-- المشكله من انك تطفي الموتر وهو قزوزه وماكينته تطبخ من السرعه ((هنا لايجيها هواء __ولايدخلها ماء بارد من الاديتر )) فهنا تكمن المشكله والحراره .

[الباشاء]

كلامك على متمه فعلن مواسي الطعوس .. ترك السيارة تشتغل لبعض الوقت تطول عمر المكينة .. مجربها على سيارة فورد ومشاء الله ستة سنوات لا تنقص زيت ولا يطلع دخان مثل باقي الفورد

[بدوي جنوبي]

1/ قبل ماتوصل مكان التوقف عليك بتقليل السرعه اذا تمشي 140 ((وهو الغالب للناس)) عليك بالتقليل الى 100 او 80 ان حصل قبل الوقوف بدقائق . للماكينه والقير والكارونه ((الزيوت تبرد))

كلام غير صحيح ولا يستند الى أدلة ،،،


2/ لاتطفي الموتر اتركه يشتغل ((دامك تتمغط ههههه))

تكون حرارة المحرك مركزة في الجزء الاوسط أسفل الراس وأعلى السلندر
المنطقه اللى يحصل فيها الأحتراق ،،، فالأفضل ترك المحرك شغال فترة دقيقتين كافيه
لكي يهدأ .

3/ افتح الكبوت فور الوقوف . لتخرج الحراره .
4/ اجعل وجه الموتر جهة الهواء . ولاتصير مثل اللي يوقفه تحت جدار حتى يصدمه .

هذا في حال الانتظار مطولا والمحرك شغال مع التكييف
بالرغم ما أنصح بعمل المحرك والوقوف مطولا .

أذا فتحت الكبوت الاهم هو :
فحص سير المحرك
البحث عن وجود تهريبات بعد التوقف (ماء او زيت او وقود )
فحص الاطارات من وجود تشققات مع ضغط الهواء
تنظيف الزجاج الامامي
التزود بماء كافى .

[مواسي الطعوس]

- الجزء الذي عارضت عليه يامشرفنا : هذا اخذته من ((ابو عبد الله الصمعاني)) وهو مشهور في القصيم في الكوارين خاصه . والدفرنسات يعدلها ..لان الوكالات تغيرها . وبعد الاجازات الشتويه تحصل ورشته مليانه جيوب يعدلون الدفرنس .

يقول هذا عن تجربه له ومن يعرفهم . وهو شخص ناصح . واذا ما اعجبك او غيرك لاتسويه ماانت مجبور .