مشورهـ من أهل الشورى

[سهم الجزيرة]

السلام عليكم ورحمة الله و بركاته

موتري هايلكس غماره دبل خمس شناكر , و ابي احمل عليه ( خيل ) << مدري كم وزن الخيل
لكن كيف بالنسبة للدبل ؟ لازم اشغل الدبل ولا اخليه مطفي ؟ و ان شغلته اخليه على الخفيف ولا الثقيل ؟

و ابي اركب له على الجوانب سور حديد << مدري وش يسمونه
وين افضل محل بالشرقية ؟

و كفرات الوكالة سخيفة مهنا عرض , و أبي شي يصمل بالخطوط و البران << خصوص اني بحمل عليه , تشوفون العريض افضل و أرسى ولا اخليه على كفرات الوكالة ؟

ايه ابي انجد الأسيات احفظ لها و اركب بلاستك على الأرضية , ابي افضل محل بالشرقية ولو بالخبر ولا الدمام يكون مضبوطيشن

و ألي تقدرون تفيدوني فيه تكفون لا تخلون

و صلوا على النبي
اللهم صلي و سلم على نبينا محمد

[قناص 28 عفيف]

تقدر تشيل الخيل مافي مشاكل ولا تشغل الدبل
الناس شالو جمال على الهلي والددسن والوضع عادي

[أطلال نجد]

ما أنصحك تشيل الخيل على سيارة مثل الهايلكس، لأنها حيوانات سريعة الحركة والقفز وممكن تسبب لك وللأخرين مشاكل
الخيول لها عربات مخصصة لنقلها

[العنابي 616]

خطأ إنك تشيل الحصان بالحوض
يتعب الحصان
إلا كان مشوار قصير ما عندك مشكله
و ما يحتاج تشغل الدبل

[الدوسري2010]

الهايلوكس تشيل ما عندها اي مشكله لكن خطر انها تنط من الحوض

[Magellan]

الخيل ماتعقله (تربطه) مثل البعير
الخيل يظل واقف
فما انصحك بالهايلوكس خصوصا الجديدة لأنها لايتحمل جسم السيارة فممكن الخيل يضرب الجوانب وتتعفط السيارة،،
لكن الأفضل ان تستخدم عربه وهناك من يأجرها عليك وتقدر تسحبها بسيارتك
اما السور الحديدي يسمى (شّد)
والله اعلم

[سهم الجزيرة]

قناص 28 عفيف / بيض الله وجهكـ وماقصرت .
أطلال نجد / الخيل بأربطه و بنقل عليه خيول خاصه ومعسوفه يعني ماعليها خوف ان شاء الله , شكرا ً لكـ .
العنابي 616 / بكون حذر إن شاء الله , شكراً لكـ .
الدوسري 2010 / يعطيكـ العافية وشكرا ً لك .
مجلان / ايه اكيد الخيل بيكون واقف و ببربطه من رشمته الله يعافيكـ وشكراً لكـ .

عذرا ً على تأخيري فالرد
والله يتقبل منا ومنكم صالح الأعمال