تجربتي بتعديلات على اكسبلورر 2006

[mad_4u]

السلام عليكم
مثل ما انتو عارفين الصيف بداء وصيفكم بارد ان شاء الله بس مع الاكسبلورر بداء صوت الحنة تبع المروحة تطلع وتزعج
انا استعديت للامر هذا بعدة خطوات ومشت معاي شهر والحمد لله اعتبرها تجربة ناجحة وحبيت اشارككم فيها
حنة المروحة صار شبة منقرض + الرديتر يبرد بسرعة وبعز الظهر والحر اقدر افتح غطى الرديتر وتكون المكينة مرتاحة وبدون حرارة عالية

المهم ما اطول عليكم
مثل مايعلم ملاك الاكسبلورر الامريكي تجي مروحة وحدة الي هي الرئيسيه وماتجي تبع المكيف مثل الخليجي فاول شيء سويته اضفت مروحة المكيف بنفس مكان وجود مروحة المكيف في الخليجي وتلقى اسلاكة جاهزة فربطته بها وانتهيت من اول خطوة

المروحة الثانية شوية كبيرة وركبتها قدام المروحة الرئيسيه في مساحة كافية تسمح تركب لك مروحة اضافية وبهذا الحال تكون مثل حال الكراون فكتوريا
ركبت المروحة وتاكدت ان مافي تلامس وفي مساحة بينهم
ربطت المروحة بالكمبروسر تبع المكيف + سويت له مفتاح اقدر اطفيه الوقت الي ابغى امسك خط

نتيجة التجربة الايجابية
الحمد لله حرارة السيارة ثابته بعز الظهر مايتحرك + حنة المروحة الرئيسيه اختفت وخففت الحمل على المروحة الرئيسيه
الضغط الي ينتج عن الحرارة على الرديتر والي يتسبب في مشكلة بالرديتر سلمت منه
المكيف بعز الظهر بارد ماشاء الله ثلاجة

نتيجة التجربة السلبية
لما امسك خط ثلاجة المكيف يثلج بسبب البرودة لذالك عملت مفتاح افصل المروحة لما امسك خط طويل لاكن اتركة شغال بشكل دائم داخل المدينة والخطوط الداخلية

تكلفة تجربتي
مروحة صغيرة بعد الشبك 50 ريال
مروحة كبيرة مقابل المروحة الرئيسيه ب 50 ريال
اجور كهربائي وتوصيلات ومفتاح للمروحة 150 ريال

اجمالي 250 ريال

في حال رغبت بمروحة الصغيرة الي بعد الشبك تبع المكيف مثل الخليجي وكالة تكلفك 700 الى 800 ريال اصلية
لاكن انا كان لي رغبة في التجربة قبل لا اخسر مبلغ كبير والحمد لله اشوف النتيجة ايجابية جداً
حبيت اعرض عليكم تجربتي وهي تنفع لموديلات 2006 الى 2010

ملاحظة
المراوح لازم تكون نحيفة ماينفع مروحة سمكها كبير لانها ماتركب ولازم الكهربائي لما يركبه يثبته لك ويتاكد مايلمس الريش تبع المروحة الرديتر سواء تبع المكيف او الموية حتى ماتواجة مشكلة جديدة ويخرب الرديتر لديك


اهل جدة اي واحد يبغى برمجة حساس الكفر يراسلني واخليه يقابلني ابرمجها له مجانا

[m3ax]

الله يبيض وجهك والصراحة شرح وافي وتجربه جميله

بالنسبة لي موتري 2006 ثمانيه سلندر قليل تطلع معي الحنه مع اني من سكان الشرقي لكن ما شاء الله احس الثمانية سلندر غير عن السته بكثير حتى مكيفه قمة القمة ما شاء الله عليه حتى في حال الوقوف الطويل في الزحمة وانا مشغل المكيف المركزي بعد ما تنزل برودته واداءه من فوق الممتاز

[mad_4u]

الله يعيطيك خيرها ويكفيك شرها ان شاء الله

[ناصر البدر]

انا سيارتي خليجيه وكل شي موجود من وكاله وانا دايم ملاحظ انه اذا دعست تسكت المراوح حقت المكيف ماتشتغل الى اذا خففت السرعه او بحالة الوقوف وانا مستغرب واثاريها حركه لازم كذا

[عاشق السراوات]

اخوي الله يعطيك العافيه . ممكن تنزل لها صور ونوعية المراوح اللي ركبتها

[فهد2012]

ما شاء الله عليك ....

فكرة المروحه الاوتو الي قدام المروحه الرئيسية كانت ملغاة .. لاننا كنا نعتقد انه من الصعب تركيب مروحه هناك بسبب ضيق المساحة بين الارديتر والمروحه الرئيسيه ..
ياليتك والله منزل صوره توضح مكان المروحة والمسافة بينها وبين المروحه الكبيره .

لكن وش هالمروحه الي ركبت هناك ؟ وهل هي قويه ؟

الشئ الثاني . ماتخاف ان المروحه الي ركبتها قدام المروحه الكبيره انها تتعطل ؟ وبالتالي سوف تشتغل المروحه الكبيره لكن كمية الهواء الي راح تسحبه بيكون قليل بحكم ان المروحه الكهربائية الي قدامها راح تصد الهواء من الدخول او تكون عائق ...

صحيح فيه نقطه وهي ان المروحه الكبيره بالاساس تدور باستمرار على سير المكينه وتشبك على الكلتش لما ترتفع الحراره بزياده ..... وانت عارف هالشئ اكيد ... يعني دوران المروحه على سير المكينه ما يكفي للتبريد ؟

عافاك الله

[mad_4u]

بحاول انزل الصور لاكن صعب اصورة لان مكانه ضيق
المسافة بين المروحة الرئيسيه والكهربائيه كافية وماراح يكون فيه اي تعارض
تعطل المروحة الكهربائيه مايسبب اي مشكلة كون السيارة من الاساس مهيئه تشتغل على الرئيسي وراح تلاحظ في حال تعطلة زيادة الحنة
دوران المروحة على سير المكينه كافية لاكن مع الحرارة العالية عندنا تحتاج لتبريد المكيف
وعلشان تحصل على اداء ممتاز بحيث يبرد المكينه ويستمر المكيف تبعك بالبرودة بشكل سريع وبدون صوت حنة المروحة الرئيسيه لانها لو كان الجو حار يكون شابك بالكلاتش باستمرار

كتجربة لي ركبت مروحة صينية لاكن ممتازو وهي قوية
جربتها تعمل باستمرار وليس مع المكيف وكانت النتيجة المكينه باردة وخفت يسبب لي مشكلة ففضلت اعمل له مفتاح تشغيل + ربطته مع الكمبروسر يصير يشتغل في حال شغلت المكيف وشغلته من مفتاح التشغيل
يعني لو ماني مشغل مكيف مايشتغل ولا ياثر على اي شيء
المروحة الرئيسيه تسحب الهواء من الواجهه يعني قدامة في الواجهه الشبك + رديتر مكيف + كنداسة مكيف + رديتر الموية
ماراح ياثر عليه ريش على قوة سحب الهواء من الرئيسي

[oasad]

الله يعطيك العافية أخوي ويعطيك خير السيارة ويبعد عنك الحاسدين
لكن رجاء لو في صور للمروحة قبل لا تركبها واذا ادلنا على مكان الورشة أو مكان الحصول على القطع ومواصفاتها بدقة للتركيب

[فهد2012]

بحاول انزل الصور لاكن صعب اصورة لان مكانه ضيق
المسافة بين المروحة الرئيسيه والكهربائيه كافية وماراح يكون فيه اي تعارض
تعطل المروحة الكهربائيه مايسبب اي مشكلة كون السيارة من الاساس مهيئه تشتغل على الرئيسي وراح تلاحظ في حال تعطلة زيادة الحنة
دوران المروحة على سير المكينه كافية لاكن مع الحرارة العالية عندنا تحتاج لتبريد المكيف
وعلشان تحصل على اداء ممتاز بحيث يبرد المكينه ويستمر المكيف تبعك بالبرودة بشكل سريع وبدون صوت حنة المروحة الرئيسيه لانها لو كان الجو حار يكون شابك بالكلاتش باستمرار

كتجربة لي ركبت مروحة صينية لاكن ممتازو وهي قوية
جربتها تعمل باستمرار وليس مع المكيف وكانت النتيجة المكينه باردة وخفت يسبب لي مشكلة ففضلت اعمل له مفتاح تشغيل + ربطته مع الكمبروسر يصير يشتغل في حال شغلت المكيف وشغلته من مفتاح التشغيل
يعني لو ماني مشغل مكيف مايشتغل ولا ياثر على اي شيء
المروحة الرئيسيه تسحب الهواء من الواجهه يعني قدامة في الواجهه الشبك + رديتر مكيف + كنداسة مكيف + رديتر الموية
ماراح ياثر عليه ريش على قوة سحب الهواء من الرئيسي

يعني ربطته مع مروحة المكيف الاماميه .. اذا شغلت المكيف اشتغلوا مع بعض ؟ وزياده عندك فاصل للتحكم اليدوي لو رغبت بعدم تشغيلها ؟

عطنا اسم المنتج لهالمروحه الغريبه الي ركبتها امام المروحه الرئيس
لاني شايف عندي ما فيه مكان !!! يمكن الـ 8 الي معك يختلف عن الـ 6 ؟

انت تقول ( المروحة الرئيسيه تسحب الهواء من الواجهه يعني قدامة في الواجهه الشبك ) الي فهمته ان الي قدام مروحة المكينه هو المروحه الكهربائيه الي انت تتكلم عنها والي هي اكبر شوي من مروحة المكيف .... صح ؟

شااااااااااااااااااااااااااااااااااااااكر لك تفااااااااااااااااااااااااااااعلك
وجزاااك الله خير

[hm414]

انا اخذت الاكسبلورر مستعمل من واحد معرفة موديل 2003
هو ضايفلها مروحة اضافية حقة كورولا حطها قدام الرديتير وطبعا مكيفها مختلف ما شاء الله
بحاول اجيبلكم شوية تقفاصيل ان شاء الله


تحياتي

[mad_4u]

يعني ربطته مع مروحة المكيف الاماميه .. اذا شغلت المكيف اشتغلوا مع بعض ؟ وزياده عندك فاصل للتحكم اليدوي لو رغبت بعدم تشغيلها ؟

عطنا اسم المنتج لهالمروحه الغريبه الي ركبتها امام المروحه الرئيس
لاني شايف عندي ما فيه مكان !!! يمكن الـ 8 الي معك يختلف عن الـ 6 ؟

انت تقول ( المروحة الرئيسيه تسحب الهواء من الواجهه يعني قدامة في الواجهه الشبك ) الي فهمته ان الي قدام مروحة المكينه هو المروحه الكهربائيه الي انت تتكلم عنها والي هي اكبر شوي من مروحة المكيف .... صح ؟

شااااااااااااااااااااااااااااااااااااااكر لك تفااااااااااااااااااااااااااااعلك
وجزاااك الله خير

مروحة عادية مثل اي مروحة بس نحيفة
لو رحت اي مكان يبيع مراوح تلقى اشكال وانواع اهم شيء السماكة
لجل تعرف المساحة الي عندك لازم تفك الغطى تبع المروحة الرئيسيه
فكها بسيط تفك قربة الموية وعلبة زيت الدركسون ويجيك مسمارين من الجنبين
اول ماتفكة تلاحظ المساحة الي عندك لاكن لما تبغى تعاينة من قدام المروحة تلقاه ضيق وتقول مايدخل مروحة
الي عندي 6 سلندر امريكي

[mad_4u]

الله يعطيك العافية أخوي ويعطيك خير السيارة ويبعد عنك الحاسدين
لكن رجاء لو في صور للمروحة قبل لا تركبها واذا ادلنا على مكان الورشة أو مكان الحصول على القطع ومواصفاتها بدقة للتركيب

الي ركبها لي زميل ميكانيكي لاكن انا الي جبت القطع وكلها قطع مستخدمة من حراج الاستوكات
الفكرة كانت مجرد تجربة ان نجحت كان بها مانجحت يصير اخرج باقل التكاليف والحمد لله نجحت
الي تحتاج لها مروحة تكون سمكها بحدود 5 سنتي او اقل
لان المساحة الي عندك تقريبا 8 الى 9 سنتي

[خالد الحلالي]

الله يجزاك خير الجزاء ويوفقك لكل خير تريده ويجعلك تعيش عيش السعداء ويحفظك من كل مكروه والمسلمين والجميع يقولون امين

[سعد777]

فكره رائعه ولآكن لو كانت بالصور لكان اجمل للمشاهد وتعم الفائده أكثر

[برموجي]

انا افكر ورحت مجمع الورش قالوا لي مافي مكان للمروحة الاضافية وحسيت انهم ماعندهم خبره في الموضوع وتعبت معاهم وانا من جدة والموديل خليجي ٢٠١٠ ارجو منك تدلني على كهربائي ممتاز او نتواصل مع بعض ورقم جوالي ٠٥٥٥٣١١٦٨٧