سؤال لاهل البر الخبراء

[الكعبي الرحال]

السلام عليكم ورحمة الله وبركاته ..
عندي استفسار عن السيارة الافضل للخطوط الطويلة والبر من ناحية القوة والمتانه والاعتمادية ..
اتمنى مساعدتي بهالخصوص لاني ناوي اشتري سيارة تكون للخطوط الطويلة اساسا مع احتماليه كبيره لدخولها البر ... وشكرا جزيلا مقدما

[كاشت وحداني]

الله يسهل امرك
لكن حدد وش بتاخذ
جديد ولا مستعمل
تبي موتر عائلي ولا وسط ولا صغير
ايضا الميزانيه المخصصه لشراء الموتر كم حاط في بالك
وحاليا كل السيارات دامها سليمه من العيوب بتمسك خطوط ولا تقول لا


Sent from my iPhone using Tapatalk

[الكعبي الرحال]

الله يسهل امرك
لكن حدد وش بتاخذ
جديد ولا مستعمل
تبي موتر عائلي ولا وسط ولا صغير
ايضا الميزانيه المخصصه لشراء الموتر كم حاط في بالك
وحاليا كل السيارات دامها سليمه من العيوب بتمسك خطوط ولا تقول لا


Sent from my iPhone using Tapatalk

مستعمل ( السعر في حدود 60000 اكثر او اقل شوي ) , الموتر وسط او صغير ( مايفرق ) , واتمنى اعرف رايكم لانكم بلا شك اصحاب الخبره ... وتقبلوا شكري وتقديري

[اطلال نجد]

ابحث عن جيب لاند كروزر مستعمل ونظيف حتى وان زاد عن المبلغ المذكور وفق الله .

[قناص الأشهب]

نصيحة وبأذن الله ما تندم
مدامك تقول وسط أو صغيرة في حدود الستين
أما أنصحك تأخذ أكستيرا والله لست متعصب ولا أملكه حاليا ولكن اللي شفته مع الشباب وأسئل بالمنتدى خذلك مستعمل
مميزاته قوة وأقتصادي في البنزين قطعه معقوله ألى رخيصة في البر يبيض الوجة والخطوط أقل صرفية
أما عيوبة فهي عيبين الأول حسب المزاج وهو شكلة بعضهم مبسوط من شكله زيي أنا والثاني قاسي على المطبة زي الهايلوكس وجيوب المعروفة

[كاشت وحداني]

عندي لك شور
ولا مانع من الاستخاره
ايسوزو داماكس دبل طبعا
موتر ثقيل وراسي في الخط ويعتبر وسط وكد ومد
وان بغيته بر ما قال لا وان بغيته شعبان ماقال لا
ان بغيت تحمل وان بغيت ركاب
يعني يعتبر مناسب
ورح لرابطة ملاك الداماكس هنا بموقع مكشات
وتتعرف على تجاربهم
لانها ديزل ويبي لها حرص في بعض الاشياء وتعيش معاك بعد توفيق الله

وميزانيتك اضغط نفسك وزدها شوي وخذ الداماكس وكاله

[ابونبيل]

اكسبدشن رخيص وبالبر ممشاه رائع وبالخط مريح

[com.الطراعيز]

تبي خطوط اوصحراء خذلك فتك 2004 2005

لااصوات ولاازعاج مريح 4800 vtc

[ابو فهد...]

باثفندر الشكل الجديد

[الدوسري2010]

أنصحك خذ اما لاندكروزر او نيسان

[فهد 003]

انا اقول لك الخيار الزين
اذا تبي موتر رسمي وحلو خط وبر اخذ لك فتك باترول موديل 2002 الى 2005 والقصد بالموديل عشان فلوسك
واذا تبي موتر صغير مو كبير عليك الفورشنر موديل 2007 او 2008 وعلى حسب استخدامك اذا تبي 4 سلندر او 6 سلندر
أو برادو موديل 2003 الى موديل 2006
وانا قلت لك كذا عشان موديلاتهن حلوه وتعتبر جديده بالنسبة لفلوسك
أما التويوتا لاتدكروزر غالي وفلوسك ذي تجيب لك موديل 2000 او 2001
ولاتفكر في الامريكي اذا انت تبي البر عليك بالنيسان او تويوتا

[الجال الطويل]

أنصحك خذ اما لاندكروزر او نيسان

اسمع وش قال الدوسري عن حدا هالاثنين لاتخاطي لو تلقاه بلاش

[عاشق السيل]

إذا تبي سيارة لك وللزمن لا تتعدى باترول أو لاندكروزر ،،

وأنا أرشح الباترول لأنه بيصير أفضل موديل من اللاند إذا قارنت بالسعر اللي معك !!!!

والله يوفقك للي فيه الخير والصلاح .....

[السناعيس .f16]

انصحك اللي في التوقيع بس2012 او تحت مو مشكله
.................................................. ....

[يزيد 999]

انا اقول لك الخيار الزين

اذا تبي موتر رسمي وحلو خط وبر اخذ لك فتك باترول موديل 2002 الى 2005 والقصد بالموديل عشان فلوسك
واذا تبي موتر صغير مو كبير عليك الفورشنر موديل 2007 او 2008 وعلى حسب استخدامك اذا تبي 4 سلندر او 6 سلندر
أو برادو موديل 2003 الى موديل 2006
وانا قلت لك كذا عشان موديلاتهن حلوه وتعتبر جديده بالنسبة لفلوسك
أما التويوتا لاتدكروزر غالي وفلوسك ذي تجيب لك موديل 2000 او 2001

ولاتفكر في الامريكي اذا انت تبي البر عليك بالنيسان او تويوتا

ودينا نترك العصبية بس أجبرتنا وش فيه الامريكي أطلق موتر بر وأفضلهن شكل وقوة وأداء وجودة عندك الرابتر من فورد والهمر h1 من جي إم لو فحطوا اليبانيين مدري التايلنديين ماجابو مثله ولا تصير من جماعة مع (الخيل ياشقراء)
وبالنسبة لراعي الموضوع الاكستيرا فيه نشاط غير طبيعي ومريح في الخط جداا
وبالبر مايوقفه شيء