السيارات الي تمسك سعرها مع مرور الزمن

[متفحص]

السلام عليكم
استفسار ياخواني
ماهي السيارات الي تمسك قيمتها مع مرور الزمن ؟
مثلا عندكم الجيوب والهلكسات والدداسن موديلات قديمه وحديثه
يمكن ماطاح من سعرهن لحد الان الا 15% او 20%

[بآوزير]

الجيبب .. ماسسك سعره

[قناص 28 عفيف]

مافي شئ ماسك سعره لابد يطيح من سعره 5 او 10 او 15 %
يعني معقوله اشتري سياره مثلا ب 100 الف وبعد مااستعمل الموتر ابيع الموتر ب 100 ماتجي الا في اضيق الحدود

[sgl2002]

السيارة الشعبية والمرغوبة

تحصل الباترول واللاند والددسن والهلكس والكامري والكرولا وغيرها ماسكه سعرها

لكن الموتر مايمسك سعره الا اذا مضى عليه ٣ سنوات

اما جديد فيطيح بسرعه

[Salamah.y]

النظافه + أسعار الجديد
هي اللي تحكم سعر السيارات المستخدمه
بالإضافة الى مسألة العرض و الطلب

اذكر قبل فتره واحد , باع موتره جيب شاص 2010
بعد استخدام أكثر من سنتين , بـ خسآرة ألفين ريال فقط عن رآس مآله
و لو ماكان مستعجل على البيع , ممكن يجيب له مكسب ألف أو ألفين فوق رآس المآل
و الأسباب هي ان سعر الشاص الجديد , ارتفع ارتفاع كبير
بالإضافة الى ان الموتر نظيف , و الزبون موجود و السيارة لها شعبيتها الكبيره في المجتمع

,

المواتر الغالية و اللي قطعها و صيانتها مكلفه
غالباً سعرها يطيح مع إعادة البيع ~

[راعي المسرى]

أكبرمسبب هو ارتفاع سعر الجديد

مثال الباترول ال2008

اللي مبيوع في وقته ب130000

يسوى ألحين 120000

إذا كان نظيف وما مشى واجد

اللاند gxr الستة سلندر مبيوع في وقته ب148000

وألحين يسوى 130000

الهايلكس الدفرنسين 2009 تباع ب85000

وألحين تسوى 80000

والسبب شف كم يسوى ال2012 منها

[ابوسند9]

السبب سعرررررررررر الجديد وليس الرغبه
جيب العشه84 كان جديد ب 24 الف والان يجيب مكسب وليس سعر مشتراه
الباترول 97 سلق كان ب 55 الف والان النظيف يجيب اكثر
الباترول 99 و98 كان جديد 50 الف والنظيف يجب حول 38 الف ويمكن اكثر وقس على ذالك اغلب السيارات
لهذا السبب هذا اللي جعل سيارات تويوتا تمسك سعرها وهذي سياسة ابو جميل وغيرها من الوكلاء

[ذيب زلفاوي]

على حسب واكثر شي ياثر انقطاع السياره او عدم مقدرة الوكيل بتوفير السيارات

انا معي ماركيز 2008 شاريه ماشي 5000 او اقل ب78 الف فل كامل كان علىيه قراطيسه وفيه ريحة الوكاله
والحين ماشي 150 الف ومرشوش صدام وفيه حكتين بالرفارف وانسام مني 65 من واحد يقربلي وسبب ارتفاع سعره هو انقطاعه وللمعلوميه ماقد طب المعارض واتوقع يجيب اكثر

ونفس الشي الجموس الحوظ المعارض تبيع اكثر من سعر الوكاله بكثييير لان الوكاله راح تسلمك الموتر بعد شهر على الاقل

وفيه موتر مهما صار ماسك سعره الي هو الاند لانه كل سنه يرتفع سعره

[س.س.التميمي]

عندك التويوتا اكثر سيارة محافظة على سعرها

[nassar7]

السلام عليكم ورحمة الله وبركاته

لي تحفظ عن بعض الردود الي يتكلم فيها عن التويوتا
الله يجزاكم خير جميعا .. اولا سبب ان التويوتا يمسك سعره هو انه سياره اعتماديه مهي من السيارات الي تخرب من اقل شي خاصة اذا تتكلم عن الاند والشاص والاف جي والهايلوكس هذي مواتر لك وللزمن .. وعن تجربه شخصيه بأغلب انواع السيارات للأسف كان اخر سيارات اشتريتها تويوتا .. كنت اسمع بعض الناس تقول تويوتا ضحك على الناس ونصب و و و و ... والله الذي لا إله إلا هو لم اجد فالاعتماديه سيارات افضل من تويوتا وخاصة الجيوب وانا اشوف انه تويوتا تستاهل اسعارها ومواتر محترمه ولك وللزمن وسيارات تقولك انسى الوكاله وانسى الورش وانسى الصناعه .. دق سلف وتوكل على الله

[tevo]

السلام عليكم ورحمة الله وبركاته

لي تحفظ عن بعض الردود الي يتكلم فيها عن التويوتا
الله يجزاكم خير جميعا .. اولا سبب ان التويوتا يمسك سعره هو انه سياره اعتماديه مهي من السيارات الي تخرب من اقل شي خاصة اذا تتكلم عن الاند والشاص والاف جي والهايلوكس هذي مواتر لك وللزمن .. وعن تجربه شخصيه بأغلب انواع السيارات للأسف كان اخر سيارات اشتريتها تويوتا .. كنت اسمع بعض الناس تقول تويوتا ضحك على الناس ونصب و و و و ... والله الذي لا إله إلا هو لم اجد فالاعتماديه سيارات افضل من تويوتا وخاصة الجيوب وانا اشوف انه تويوتا تستاهل اسعارها ومواتر محترمه ولك وللزمن وسيارات تقولك انسى الوكاله وانسى الورش وانسى الصناعه .. دق سلف وتوكل على الله

اكبر سبب لمسكت السعر طبعا ارتفاع سعر الوكاله والجديد
السبب الثاني رغبت الناس للسيارة .
اما ان الشركة لها صيت وتكرف ووو هذا مع احترامي كلام ولكل فتره تختلف الظروف والمعطيات .
مثلا عندك الهايلكس يمسك سعره وعندك الكامري اصبحت تطيح تقريبا 30 % لان السيارة قلت جودتها.
مثلا الكابرس يطيح من سعره والجمس صار يمسك سعره الان.
يعني يختلف زمن لزمن ومدي جودة الشركة في هذا الزمن تيوتا كان لها صولات وجولات في الانجازات ولاكن الان تجارية بحته ولا عاد تكرف مثل اول.
الهونداي السوناتا شوف كيف صارت تمسك سعرها طبعا لكثرت الطلب ولان زانت جودتها عن اول .
هذي وجهة نظري والاختلاف لا يفسد من الود قضيه

[رجل المرور]

اكبر سبب لمسكت السعر طبعا ارتفاع سعر الوكاله والجديد
السبب الثاني رغبت الناس للسيارة .
اما ان الشركة لها صيت وتكرف ووو هذا مع احترامي كلام ولكل فتره تختلف الظروف والمعطيات .
مثلا عندك الهايلكس يمسك سعره وعندك الكامري اصبحت تطيح تقريبا 30 % لان السيارة قلت جودتها.
مثلا الكابرس يطيح من سعره والجمس صار يمسك سعره الان.
يعني يختلف زمن لزمن ومدي جودة الشركة في هذا الزمن تيوتا كان لها صولات وجولات في الانجازات ولاكن الان تجارية بحته ولا عاد تكرف مثل اول.
الهونداي السوناتا شوف كيف صارت تمسك سعرها طبعا لكثرت الطلب ولان زانت جودتها عن اول .
هذي وجهة نظري والاختلاف لا يفسد من الود قضيه

كلام سليم 100 ب 100