يالربع فزعتكم

[adoly]

السلام عليكم ورحمة الله وبركاته ،،

الشهر مبارك .. الله يتقبل منا و منكم صالح الاعمال


بدخل بالموضوع ع طول .. انا معي جمس 2004 سييرا ومركب بطارية اضافيه .. من شريت ثلاجه الثميري 40لتر وانا من خساره الى خساره.. غيرت البطاريه الاضافيه ثلاث مرات .. المشكله اشبك الثلاجه في البيت تبرد و تثلج زي اللوز .. اشبكها بالسياره في بادئ الامر تبرد و تثلج .. بس الفتر الحاليه مافيه امل تبرد .. مع العلم انني مغير البطاريه ولي بالكثير شهر .. وش السوات .. الي قالي اليدنمو ما يعبي الي قالي الدقمه ما تنفع ..

انا غيرت الدقمه الى كتاوت عن طريق ورشة المنديل .. والبطاريه الحين جديده مالها شهر و الثلاجه ما تبرد مع العلم ان الاسلاك مضبوطه ومافيها خلاف .. ابي حل ياهل الخبره

[adoly]

وش دعوة 23 الي مروا والا احد رد !!!!!!! وين الناس

[ولد بطنها]

وعليكم السلام ورحمه الله وبركاته

اخي الفاضل اول شي انت تشبك الثلاجه على طول بالبطاريه ؟

لأنك تحتاج تشبك البطاريه بجهاز محول كهربا اللي يحول كهربه السياره 12 فولت ويعطيك قوه اكبر مثل كهربه البيت 220 فولت و من الجهاز هذا تشبك الثلاجه فيه و تعطيك البروده اللي تبيها بأقل حمل على البطاريه

انت شوف شلون موصل البطاريه

الدينمو ماله شغل بالموضوع

[كديان]

وش نوع البطارية. !؟
الثلاجة فولت ١٢ او كهرب ٢٢٠
دينمو الجمس زفت م٢٠٠٠ و طالع
كتاوت الدينمو يلخبط بشكل كبير مرة يقفل و مرة يشحن
و الدليل لاحظ انبير البطارية

انصحك ركب بطارية حمرا اوبتيما جافة مخزون الكهربا فيها عاليي
و تنشحن اسرع من العادية
مطلوب منك امر اخر مسويه احد الربع
و مسويه احد الربع طبعا هو الغى الدقمة
و حاط قاطعين ٢ كل قاطع له مفتاح على شكل حرف L
يشغل الموتر من الاضافية و يفصل الاساسية من خلال القاطع الثاني
طبعا سلك كهرب السلف و الظفيرة يكون بين القاطعين
على كيفك مرة تشغل من الاساسية و مرة تشغل من الاضافية
فائدة القاطع :
ان الدينمو يشحن الاضافية على اعتبار انه كانه الاساسية و كانه فاضيه
ياخذ الدينمو راحته بالشحن
اما
اذا كانت البطاريات موصولات مع بعض من خلال الدقمة فان
الدينمو يلخبط وحده مشحونة الاساسية و وحده فاضية الاضافية
و هذا اللي يخلي الاضافية ماتنشحن بشكل صحيح
بالاضافة الى ان الاساسية ما تكمل سنة او اقل الا و هي خربانة
لانه تفور ( تبخر) بحكم انه مشحونة مسبقا
و بالتالي تخرب مع كثر التبخير اثناء شحن الاضافية
الاساسية كل مرة تبخر او تفور تتكون اكسدة مثل الاملاح داخل البطارية
و بالتالي تخرب و ما تقبل الشحن نهائيا
مكان الكتاوت خلف الدينمو مباشرة
و المشكلة ماله قطع لازم تغيره كامل

الحل النهائي قاطعين ٢

[كديان]

نسيت حاجة مهمة
لازم تقصر على الثلاجة اذا وقفت عشان ما تستهلك البطارية
+
مروحة مثل مروحة الكنود الايكود تبرد اديتر الثلاجة ٣ وات

[adoly]

مشكورين اخواني .... اخوي كديان الحل الي ذكرته وين احصل احد يسويه بالرياض ولك كل الشكر ..لاني مليت من كثرة ما ادفع بهالبطاريات

نوعية الثلاجه الثميري 40 لتر ... البطاريه 78 انبير امريكيه تجميع عماني

[adoly]

للتنبيه : تركيب البطاريه الاضافيه في 4*4 بس الغيت الدقمه و ركبت كتاوت عند ابو سليمان ((ورشه المنديل))...

[ابوسند9]

اخوي
اهم شي ابعد عن شي اسمه بطاريه اللكترونيه
بعدين اذا الثلاجه محشوره في مكان مافيه تهويه فا مستحيل تبرد فا انت جرب نزلها بالارض وشغلها وشوف
كذالك تاكد ان مروحة التبريد شغاله
وتاكد من السلك لايكون فيه قطع او ضعيف

[كديان]

اخوي عدولي
مع احد الربع جمس غمارة و نص و تبهذل من الكتاوت و الدقمة
اخر حل سواه و ارتاح شبك البطاريتين مع بعض

ذكرن ابو سند بنقطة مهمة
تهوية للثلاجة اخبر مع احد الربع ثلاجة ما تبرد ابد
و صار السبب انه محشورة
حط مكان فيه نفس شبر تقريبا يوم بدت تثلج
لازم تنفس للثلاجة لو نص شبر

بخصوص القاطع
تلقاه بشارع الريل او بالمحلات حقين جملة كهرباء السيارات شمال غرب الصناعية القديمة
اذا كنت بطريق الخرج وجههك شمال تعد اشارة السالم زجاج
اذا جاك الكوبري اللي يرقى
لف يمين تصير المحلات على يسارك
و اكيد يدلهم ماجد المنديل
القواطع انواع كثيرة خذ اصغر شي تقريبا ب٨٠ ريال
و تبي شوري اشبك البطاريات مع بعض

[hamido]

السلك الي واصل من البطاريه لازم يكون 6 ملي افضل للثلاجه طبعا دايركت