((أرجوا مساعدتي بخصوص الفحص الدوري))

[القبطان404]

بسم الله الرحمن الرحيم

السلام عليكم ورحمة الله وبركاتة

تحية طيبة للجميع

انا معي جيب شاص و مركب عليه جنوط و كفرات عريضه وراح افحصه هل يلزم افكها،
واركب جنوط وكفرات بلده او لا ؟

لكم جزيل الشكر...

[مسير عليهم]

مااتوقع حجم الكفرات تعيق الفحص

[راعي المطافيل]

وانا نفسك انتهت استمارة موتري ولا اعرف عن الفحص الدوري شي
ياليت احد يفيدناااااااا

[مخ سعودي]

اهم شي تكون الكفرات جديده وماتكون الجنوط بارزه ويكون بطن الموتر نظيف ومافي تهريب زيوت يالغالي وتاكد من الاذرعه معك والله يسر امورك

[بدر عوده]

الله يرزقكك من حيث لاتحتسب

[abo naser 1]

السلام عليكم
أهم شي وانا اخوك الكفرات مقاس واحد لايهم الحجم او التاريخ وتراهم ما يخافون الله مدير المحطة سوداني يفزع مع الأجانب بحيث اذا سقط الموتر وهو اجنبي يرجع يعيد الفحص بدون أصلاح العطل بتوقيع الزول مدير المحطة اما راعي البلد هو الي يطبق عليه النظام في كل الدوائر

بس ماعليك حتى لو الموتر فيه 20 علة يطلعون خمس والباقي يتغاضون عنه الهدف هو اعادة الفحص فقط لأجل الرسوم ويعلم الله كم مرة يسقطون مواتر افحصها واعيد الفحص بدون أصلاح وتمشي

[القبطان404]

الي كل من اطلع علي الموضوع لكم الشكر والي كل من رد علي الموضوع كذلك لكم الشكر ووفقكم الله لما يحب ويرضا.

لكن ارجوا في اجابه محدده يا افك الكفرات العراض يااروح ويفحصونه وهن فيه ،، مع العلم ان فك الكفرات وتركيب كفرات بلده وترصيص 40 ريال وراح ارجع بعد الفحص اركب العراض وراح ياخذ بعد 40 ريال .

هاذي المشكله؟؟؟

[التعـ King ـديل]

الفحص حركتهم معروفه لو موترك وكاله بيقولون لك اعاده فحص

الطريقه كالتالي

تروح لاول مسار او ثاني مسار وطبعا شي طبيعي بتسقط وش تسوي لاتصلح ولا شي ارجع مره ثانيه وادفع رسم الاعاده والمسار اللي دخلته اول مره لاتدخله رح بعده بمسارين وبتنجح

بالنسبه لسؤال زميلنا القبطان اهم شي تاريخ الكفرات جديد والمقاس نفسه لجميع الكفرات مافيه اختلاف بالشكل او المقاس وشكل الجنط

[abobashair]

اهم شي تكون الكفرات جديده وماتكون الجنوط بارزه ويكون بطن الموتر نظيف ومافي تهريب زيوت يالغالي وتاكد من الاذرعه معك والله يسر امورك

أوافق كلام العضو 100%
أنا فحصت اكثر من سيارة والحمد نجحت على طول

[هملول السحاب]

السلام عليكم

اخوي اهم شي بالفحص :

القزاز الامامي لايوجد به كسور وغير مرمل .
الأنوار والإشارات شغالة جميعها.
البوري.
قزازة السائق والمرايات الجانبية تكون ثابتة.
الكفرات تكون بمقاس واحد وتكون بحالة جيدة.
الأذرعة والميزان وعدم وجود حذفيات يمين او يسار.
وجود صواميل الجنوط كاملة وغير ناقصة.
وجود طفاية الحريق.
عدم وجود تهريبات زيت اسفل السيارة وكذلك عدم تهريب زيت من المساعدات.

هذا اللي يحضرني حاليا وأسأل الله ان يوفقك بالفحص الفني ويوفقك في الدنيا والأخرة وجميع المسلمين.

[القبطان404]

السلام عليكم ورحمة الله وبركاتة
.....
تم الفحص ولله الحمد بكفراته العريضه
.....

كل الشكر والتقدير لكم وجزاكم الله خير

.....