طيور مركز ند الشبا (دبي)

[بوعوض الظاهري]

السلام عليكم ورحمة الله وبركاته

مساء وصباح الخير

حياكم الله يا اخواني نظرا لقرب موسم الطيور ونقلة الطير وسؤال العديد من الاعضاء عن سوق ند الشبا والطيور الموجوده والمطروحه في المركز قمت برحله تفقد عن الصقور المعروضه وعن اسعارها ومزارعها بصراحه كان شي يهول طيور طيبه لكن الاسعار كانت ايضا تهول انا بشرحلكم شي بسيط عن الانواع والاسعار

1. جير الشاهين اسعاره تبداً من 19 الف ولغاية 40 الف
2. جير التبع اسعاره من 11 الف ولغايه 15 الف
3.جير الحر ففتي ففتي اسعاره من 8000 ولغايه 10000
4.القراميش واللي كانت بكثره اسعاره من 8000 وانته طالع
طبعا هالمعلومات شي بسيط وغير ثابته نظرا لاوضاع السوق والبيع والشرا
وتقريبا عدد الصقور المعروضه عدد كبير للغاية ولأي استفسار واي خدمه انا حاضر وفالشوفه يتركلي رساله على الخاص ومالكم الا طيبه الخاطر

والمركز يشمل كل ماتحتاجه ك صقار مثلا اذا نويت تشتري طير العياده البيطريه موجوده لتاكد من سلامة الطير قبل الشرا وجميع احتياجات البر والمقناص من الاجهزة والريش وغيرها من الخيم ومعدات الرحلات

طبعا لمحبي الصور انا قمت بتصوير بعض الطيور المعروضه لكن للاسف عندي خلل فتحميل الصور اذا حد من الاخوان بيتبرع ويعطيني رقم جواله من بعد اذن الاداره برسله الصور بكون شاكر له .

فالنهايه سامحوني اخواني على هالمويضيع الاكثر من بسيط وارجوا اني افدتكم حياكم الله وبياكم .ولا تحرموني من دعائكم لي ولوالدي في هذه الايام المباركه وكل عام وانتم بخير

[الشامخ عرعر]

ابو عوض الله يعطيك العافية بس ابي اسئلك شلون اطلع الطير من الامارات لو رحت وشريت واحد او اثنين هل له شروط وتحياتي لكـ

[بوعوض الظاهري]

حياك الله يا شامخ عرعر بصراحه كان في تواجد طيب من اخواني اهل المملكه واهل قطر لكن عن كيفية خروج الطير ماعندي خبره عنها بس فاعتقادي كل الطيور المعروضه بجوازات سفرها يعني اطلع للطير جواز وتسفره بالطياره واللي انا خابره ان قطر والبحرين والكويت يدخل الطير فيها عن طريق الجو بشكل قانوني لكن المملكه اعتقد شوي الامور صعبة وانشاء الله احد يفيدنا بهذا الموضوع من الاخووان الموجودين .

[ماجد الهلالي]

ابو عوض الله يعطيك العافيه وما قصرت

[بوعوض الظاهري]

ماجد الهلالي / الله يعافيك يالغالي يسعدني مرورك

[ذيب القرى]

الله يعطيك العافيه وما قصرت علي المعلومات القديمه وننتظر الصور تحياتي

[الشامخ عرعر]

الله يعطيك العافية يابعدي ماقصرت

[قناص الخبه]

الله يعطيك العافيه وماقصرت على الموضوع بس تقول انها غاليه شوي

مو شوي الى مره / تقبل مروري

[شليويح511]

الله يعطيك العافيه على مجهودك الطيب واسال الله الكريم ان يرحم والدي ووالديك

[أبو جسار]

الله يعطيك العافيه

على المجهود الطيب

[خيال 511]

ابو عوض الله يعطيك العافيه

[ااوسكار]

جزاك الله خير

[(هزاع)]

حياك الله يا شامخ عرعر بصراحه كان في تواجد طيب من اخواني اهل المملكه واهل قطر لكن عن كيفية خروج الطير ماعندي خبره عنها بس فاعتقادي كل الطيور المعروضه بجوازات سفرها يعني اطلع للطير جواز وتسفره بالطياره واللي انا خابره ان قطر والبحرين والكويت يدخل الطير فيها عن طريق الجو بشكل قانوني لكن المملكه اعتقد شوي الامور صعبة وانشاء الله احد يفيدنا بهذا الموضوع من الاخووان الموجودين .

جزاك الله خير

[بوعوض الظاهري]

قناص الخبه تحياتي لك لا والله انها غاليه مره مثل ماقلت بس ان شاء الله بترخص

والله يرزقنا وياك بالطيب منها.