محتار وودي رايكم

[Abu Hamad2]

السلام عليكم ورحمة الله
انا عندي جي اكس ار 2012 ومنت مسافر ومع السرعه حصل بنشر مع والله ستر ولله الحمد لكن لما وقفت كنت علي الجنط
رحت لمحلات الكفرات قالو ان المشكله الكفرات اللي مركبتها الوكاله ما تتحمل الاحتكاك والسرعه يعني سبب البنشر كان السرعه
فكرت اغير الي نوع يتحمل سرعه واحتكاك لكن ما في مقاس 17
المهم نويت اركب جنط 20 وهذا هو سوالي هل هو مناسب للجي اكس ار
من جميع النواحي

[يكفيني نظرة]

الجنط العشرين مهوب زين بالبر ( بسبب صغر كفراته) وكفراته غاليه نوعا ما وممكن يسبب لك مشكله بالدفرنس لاختلاف الحجم عن وزنية الوكاله..

[Abu Hamad2]

الله يجزاك الجنه

[الأحوذ]

الحمد لله على السلامه ، كل كفر له سرعه و كفر الاند موزون على سرعته ما يحتاج تغيير لا جنط و لا كفر و أنا مجرب و الكل يعرف و بعض المحلات كلامهم كثير الله يهديهم...

[المميـز]

:

الموتر جديد وكفراته جديده
اتوقع سبب البنشر مسمار او ماشابه

واذا انت راعي بر .. الجنوط ٢٠ ماتصلح ومطبها اقشر

:

[Salamah.y]

يارجال , الكلام كثير و لا يهمك وش يقولون
الكفرات الدنلوب 17 , انا مجربها و مشت معي قريب الثلاث سنين
ماشاء الله ماخليت مكان مارحت له , خطوط و بر نفود و حجر , حتى البحر (( غطست فيه شوي هههه ))
ماشاء الله ما شكيت منهن الحمد لله , رغم ان فيه واحد منهن مرقوع رقعه داخلية
و الثاني , فيه رقعه عاديه , و مع ذلك ماشاء الله مشيت بهن على 180 و الموتر فيه 6 شباب كبار
غير العفش ,, و وزن الموتر نفسه , و هواهن عادي مهو هيدروجين ~
غيرتهن و كانت دعستهن فيها نص عمر او أقل بشوي !!
,

تلقى البنشر بسبب مسمار او شي ضرب الكفر و انت على سرعه
وهي على التوافيق سبحان الله , و الحمد لله يوم سلمتوا هذا أهم شيء

,

بالنسبه للجنط الـ 20 , ما ينفع للبر , مطبع قآسي
هو حق خطوط و ميزته لو بنشر و انت على سرعه عاليه ما يختل توازن الموتر
لكن اذا ماكان الجنط أصلي , ممكن أي مطب قوي يكسره
لأن الكفر صغير , ما يمتص الصدمه ,, و الله أعلم !!

كل التوفيق @~

[Abo-ibrahem]

في البداية الحمدلله على السلامه

الشي الاخر كل كفر له مواصفات ومميزات حتى وإن كان من نفس الشركة

لذلك لازم تعرف الكفر كم سرعته بالرمز الموجود عليه s , w , h , v الخ

وتحمله للحراره المفروض يكون A

وموفق