15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمه الله وبركاته
اخواني انا عندي شغل في قريه اسمها الكهفه او الكهفيه اسمه كيذا بس ما ادلها
انا من الرياض وابي اروح لها اخذ اي طريق ابي اقرب شي
ارجو التفصيل
والي قد راح لها هل الطريق سفلت او لزم ندبر جيب
وشكرا
مكشاتي برونزي
هلا اخوي مساء الخير
الكهفة دون حايل
وتطلع لها عن طريق الرياض -بريدة -يجيك لوحة المخرم تفرق يمين تمشي تقريبا 15 كم وتمر ديرة اسمها كبد وعقب تجيك لوحة الكهفة والكهيفية (الطريق اسفلت ونا خوك لكن على مااذكرالديرة صغيرة اشتر اغراضك من بريدة أو عيون الجواء)
دمت في رعاية الله وحفظه
مكشاتي
يعني يصير اتجاهي بريده ؟؟
هل اللوحه المكتوب فيها المخرم قبل بريده او بعدها
هل ادخل بريده او من قبلها افرق او بعدها
؟
مكشاتي برونزي
ارسلت عليك رسالة على الخاص .....المشاركة الأصلية كتبت بواسطة faisasl
وبعد ارسلت لك رقمي
مكشاتي
يعطيك العافية وماقصرت
مكشاتي
من الرياض إلى بريدة ثم طريق حائل السريع وبعد 95 كم من بريدة تجيك محطة بنزين جديدة على اليمين إسمها أظنه ( النجوم ) بعدها مباشر يجيك جسر مواشي وبعد هذا الجسر يأتيك المفرق يمين مباشرة وهم الان يعملون فيه ثم تمشي 6كم بخط زراعي يأتيك على يدك الشمال محطة بنزين قبلها ملف شمال أدخل معه ثم أقل من 20كم تدخل البلدة ولكن إنتبه وأنت على الخط الزراعي من التعرجات للخط وسكة القطار وهذا الطريق أفضل وأخصر من طريق القصيم حائل القديم والطريق الثالث إنك تواصل المشي على السريع بمسافة 20 كم من المحطة يجيك بعدها مفرق على اليمين يمر من تحت سكة القطار 16 كم ثم تدخل البلدة لكن سلبية هذا أن المفرق من السريع غير واضح بالإضافة إلى أن العمل فيه جاري وبعد ما يزين يكون أفضل الطرق
مكشاتي برونزي
جزاكم الله خير على الافاده في هذا الموضوع للجميع - تحياتي
مكشاتي
التوصيف كان زي العسل والحمد لله رحنا ولقينا علاج السكر وارتحنا
والقصه في الرابط
http://www.mekshat.com/vb/showthread.php?t=535041
مكشاتي
معقول في منتدى مكشات لازالوا الشباب على نفس الطريقة التقليدية القديمة ، يا أخي كل المسألة تبي لها قارمن وإحداثيات
الرابط فيه مشكله
مكشاتي
كلامك في محلة لكن القارمن يوديك على الخط القديم إلا لو كان فيه إحداثية قطعا يوديك على المختصر اللي ذكرنا هنا
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس