يا ما حلا الفنجال

[راعي الهدبا]

يا ما حلا الفنجال لراكان بن حثلين:
[poet font="Times New Roman,4,black,bold,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
يا مـا حلا الفنجـال مـع سيحة البـال=فــي مـجلسن ما فيــه نفسه ثقيـله
هـذا ولــد عـم وهـــذا ولـد خال=وهذا رفيق مـا لـقـيـنـا مـثـيلـه
يـا لـيـت رجـال يـبـدل بـرجــال=ويا ليت فـي بــدلا الـرياجيل حليه
يـا بـو هـــلا طير الهوى خبث البال=الطـيـر نـزر والـحـبــارى قـليله
يـا الله يـا الـلي طـالبه مـا بـعد فال=يا اللي مــن الضـيـقـات نجى دخيله
أفــرج لـمـن قـلبه غـدا فيه ولوال=والنوم ما جـــــا عـيـنه الا قليله
لا مـن ذكـرت ارموس عصر لنا زال=شـوف الـفياض وفقد عـــز القبيله
يـا زيـن شدتهـم آليـا روح الـمـال=يتلـون بـراق حــقــوق مـخيلـه
يســقـى خصيـفا والثمان أرضها سال=مـرتـع معطره السيــــوف الصقيله
عـجـمـان لا ركـبـوا على كل شملال=يفرح بهم راعـــى الـنـياق الهزيله
مـن جــو سـاقـان إلى السيف همال=وينوش حسنــــا والـرديـفة هميله
ولا قــادنـا مـن يـمـه الـقفر خيال=يـصـبح شديد البدو عــــجل رحيله
قــاد السـلـف واستجنبوا كل مشوال=والعصر يا محـلا تخيبـط نـزيــلـه
وإن شرف البادي عـلى روس الأقـذال=والـمـا كـثـر الـــزول زود جفيله
تـلافـحـت مـا بينــا شهـب الاذيال=ومن ضيع الـــمفتاح يـا عـزتى لـه
ركـبـوا على طوعاتهم كــل عيــال=وكل لبلج يحـرى بـكــــسب النفيله
تـغانـموا المـفزاع ذربيـن الافعــال=مـن قبـل تسبق غارة تنثنـــى لـه
يبغون طوعـه روسـهن قبل الادمــال=وتـغانمـوا خلف كــثـير هـجيلــه
وحال الكمى مــن دون عطرات الاجهال=ومروا ولحقوا مقحــمين الدبيلــــه
واللــى تريض عقبهم يلبـس الشــال=من صنــع داود دروع ثقيــلــــه
يلزم عليهم علة عـقب الانـهــــال=ومن غارته لـزم يـضيع دليـــلــه
والدم مـن قحص الرمـك يثعل اثعــال=يزعج عــلى وروك السبايـا وشيــله
هـذى براعيها مـن المعرقه مـــاله=وهـذى شكـلها مطرق مــا تشيــله
من وقـع كـل مجرب قدله افـعـــال=وفـروخ صـاد الحبارى فـصيــــله
ولـيـا ركبنا فوق عـجــلات الازوال=وبايمنـا حـدب السيوف الصقيلــــه
ومـا حـن نحسب لا شتـبك عج واكتال=وتـرك صـبى يفتنع بالفــشيــلــه
وصلاة ربي عـد مـا زايـــــل زال=على نبى الحـق راعـى الفــضيــله


[/poet]

[المسفهل]

أخي : راعي الهدبا حيث إن القصيدة جميلة ومشهورة وتعتبر من عيون الشعر

ولشاعر وفارس مشهور قمت بتنسيقها فأرجو المعذرة .

ونحن بانتظار إسهاماتك المفيدة .

[ابو عايد]

مساك الله بالخير أخي راعي الهدبا


بيض الله وجهك وصح لسانك



قصيده طيبه من رجال اطيب واختيار اكثر من رائع

وتقبلوا تحياتي // ابو عايد

[راعي الهدبا]

تسلم يا المسفهل وانت تمون الله يبارك فيك
وشكرا لك وانتظرو القادم