15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
احد الشباب راعي التطعيس والصيد سئلني عن فرارات وانا مالي خلفيه فقلت مالها الا منتدى مكشات
الرجال يقول انها فرارات تركب فوسك الجنط يستخدمونها فالجيوب يسمونها فرار الدبل
مدري عرفتوها ولا لا ؟
اتمنى تفيدوني وش فايدتها وكم تكلف تركيبها وهل تنصحون انه يركبها اولا
لاندركروزر 99 6 سلندر جي اكس
وشكرا لكم
مكشاتي ذهبي
ركبها ولاتشاور احد روح واسعاره على حسب انواعها وتركيبها بسيط بس خذ الافضل في الصناعة
نصيحة لك ولغيرك الفرارات صحيح انها تريح الموتر في المشي ويخف وتوفر شيئ بسيط في البنزين
ولكن من سلبياتها وأهمها أنها أحياناً وأنت مغرس في الرمل تفرط التروس الداخلية للفرار ولا تشبك
تشغل الدبل والكفرات الامامية لا تتحرك وتبلش بعمرك اذا كنت في مكان نائي ومقطعة
فانتبه ونبه صاحبك لهذا الشيئ وبالتوفيق
وصية الأمير نايف للشعب السعودي يرحمه الله
مكشاتي ذهبي
بما انه كبسولة قال شي صحيح ويعجبني دايم لاكن انت يوم تنزل للبر ومغراز شغل الفرار لاتخليه يوم تغرز تشغله وفي الخطوط والبلد خله مقفل انا مركبه وله اللحين عندي ثمانية سنين مظبوط
مكشاتي متقدم
الفرار زين يخفف الموتر ويخف الدركسون معك وتفتك من رجه عمود الدبل لكن لاتركب الا اصلي لان البرازيلات تنفرط
وماعاد تشبك مع عكوس الدفرنس
عضو موقوف
اذا فرط فك مسامير الفرار
فكه سهل جدا
فك المسامير وطلعه فقط وانتهينا
مكشاتي
شكرا لكم جميعا
وبما ان كبسوله قال لها سلبيات فماراح اخليه يركبها
لانه توه مغير مقصات فوق وتحت ومصلح السياره من والى ومكلفته وهو متسلف بعد فماهو ناقص يتعرض لمشاكل ثانيه لانه يادوبه صلح سيارته
وشكرا لكم جميعا ولكل شخص افادني بمعلومه
مكشاتي متقدم
يارجال , اذا ركبها
يخلي الفلنجات الاصليه معه بالسياره
لو لا سمح الله فرطت و الا صار فيها شي
يفك الفرارات , و يركب الفلنجات , و بيرجع الوضع كما كان
و ان شاء الله انه ما يشكي منها , و لكن الاصلي غالي للأسف
,
كل التوفيق @~
عضو موقوف
حتى لو ما ركب الفلنجاتالمشاركة الأصلية كتبت بواسطة Salamah.y
انا مجربها قبل افك الفرارات واخلي الموتر بدون فلنجات ويشتغل الدبل
مكشاتي متقدم
كيف يشتغل الدبل بدون الفلنجات ؟
وش يوصل دورة العكوس للكفرات ؟!
مادري انت أبخص
بس اذكر مره تكسرت علينا الكرونه الأمامية
و كان الموتر اذا مشى قدام تسمع طحن حديد
و اذا رجعت ورا , الكفرات تعض ما تمشي خير شر
فكينا الفلنجات ,, و مشت الامور , كأن مافيه دفرنس أمامي ابد
,
و كل الشكر على المعلومه الجديدهـ
ان شاء الله ما يجي اليوم اللي نحتاج نجربه
ودي ,, @~
اهم شي بالفرار انك بين فتره وفتره تفك القفل حقه علشان مايجيم وينشف الشحم
افضل نوعيه البرازيلي طبعا بعد فرار الوكاله
سعر البرازيلي مع التركيب عند السليماني الحين 575 ريال
اخـ(التعـ King ـديل)ـوكم
لا جادلك صغير العقل قابله بتطنيش .. وارفع مقامك عن اهل العقول السقيمه
اذا طال الزمان ولم تروني ،، فهذا خط يدي فتذكروني
انتقل الى رحمه الله والدي صباح الخميس 27/03/2014 اسكنه الله فسيح جناته وغفر له
مكشاتي متواصل
نصيحه لك ركب الاصلي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
