أفيدوني بأفضل مركز لتوضيب النيسان الفتك جزاكم الله خير

[أبوتميم1]

السلام عليكم ورحمة الله وبركاته
أسعد الله أوقاتكم بالخير
أنا اليوم رحت للرياض ورجعت، ويوم شغلت الموتر عقب ساعة تقريباً طلعت دخنة بيضاء مع الشكمان وريحة عطبة ويوم عايرت الزيت لقيته كأنه ناقص ومعه فقاعات!!!
فأتوقع انه يبي المستشفى
وأرجو منكم ياخواني الغالين تفيدوني بمركز متميز بالقصيم (بريدة أو عنيزة) يفهم بالفتك ولا يتعبني .. أهئ أهئ

وشكرا

[أبوتميم1]

موديل موتري 2006م
وشد بلد .. واستخدامي حشمه
لكن قدّر الله وماشاء فعل
سبحانه

[yusr]

صباح الخير
عندك استاري مخ واعصاب للفتك الدكتور الخضير انشد عنه ببريده والله يفك عوق موترك

[أبوتميم1]

صباح الخير
عندك استشاري مخ واعصاب للفتك الدكتور الخضير انشد عنه ببريده والله يفك عوق موترك

الله يبيض وجهك ويجزاك خير

[sgl2002]

قبل لاتسوي شي

رح غير الزيت الترا سفن الاصلي مع سيفون من الوكاله

وجرّب الموتر لان الموتر جديد ويمكن الزيت المحطوط ماهو اصلي

وبعدين الفقاعات عادية لانك تعاير الزيت والموتر توك مطفيه وتلقاه ناقص مابعد نزل الزيت كله

افضل معايره للزيت لما يكون الموتر واقف اكثر من اربع ساعات وبارض مستويه

[أبوتميم1]

قبل لاتسوي شي

رح غير الزيت الترا سفن الاصلي مع سيفون من الوكاله

وجرّب الموتر لان الموتر جديد ويمكن الزيت المحطوط ماهو اصلي

وبعدين الفقاعات عادية لانك تعاير الزيت والموتر توك مطفيه وتلقاه ناقص مابعد نزل الزيت كله

افضل معايره للزيت لما يكون الموتر واقف اكثر من اربع ساعات وبارض مستويه

كلامك منطقي جداً وعين العقل الله يوفقك
والموتر ممشاه 294000كلم لكن ماشالله تبارك الله اخو الجديد
وتوّي مغير الزيت اللي على العادة أغيره (سوبر جي تي الأصلي) + سيفون أصلي!!
وسألت واحد من ربعي قال نفس المشكلة صارت معي وان كذلك كنت جاي من سفر، ولا سويت شي أبد وراحت ولله الحمد !! لكني ابا اتأكد ولا نيب جاسر امشي عليه وهو هاللون

أشكر لكم تعاونكم

[أبوتميم1]

السلام عليكم ورحمة الله وبركاته
أبشركم الربع ان مشكلتي انحلّت بفضل الله تعالى ثم بفضل من ساعدني منكم ومن ربعي بإبداء الرأي
وللفايدة ابا اعلمكم وش سبب هالدخان..
بما اني قبل فترة فكيت اللهاة ولحمّت مسمارها عشان مايطيح ويعدم علي المكينة، تجمّع الزيت في اللهاة بعد ما مسكت الخط وسبب هالدخان اللي راح ولله الحمد بمجرد ان خليت الموتر يشتغل عشر دقايق لين انتهى..
وهالسالفة صارت مع واحد من الربع موتره أجدّ من موتري تبارك الله

وشكرا لكم على اهتمامكم وتعاونكم


أخوكم: أبوتميم

[ابوكشتات]

الحمدلله انها جت على كذا

[أبوتميم1]

الحمدلله انها جت على كذا

ههههههه اي والله الحمدلله .. والله ياني زملت وجلست احسب واحسب لييييين بغيت اصيح

[ابوسند9]

الحمد الله انك ما استعجلت
لكن انت تقول تجمع الزيت في اللهات بعد ما مسكت خط ممكن توضح اخوي ابو تميم من وين جاء ها الزيت؟
لان اللهات مالها دخل بالزيت
وبالنسبه للنقص ترا الفتك عشان تعايره يالله بعد ما يوقف بالليل تعايره الصباح لان مكينة الفتك ياخذ وقت ما نزل الزيت
واذا شفت ان الدخان رجع مره ثانيه مع شوي نقص زيت فعندك بلف التبخير عطلان او متسكر من الاوساخ

[مخطور]

السلام عليكم ورحمة الله وبركاته
صار معي مره وانا رايح خط طويل بعد مسافة 500 كيلو وقفت اعبي بالمحطة
وطفيت الموتر وبعد ما عبيت التانكي بنزين وشغلت السيارة طلع دخاااااااااااااااااان ابيض
مادري ازرق انا ماركزت على اللون قلت لايشب الموتر بس
والدخان غرق المحطة والعمال نحاشوو
والحمدلله على انها جت على كذا
ولانعلم ماهو السبب ومشيت فيه عادي واصلت الرحلة وشيكت على الزيت
بعد ماوصلت ب 5 ساعات
ماهو ناقص منه شي
ياترى ماهو السبب لهذا الدخان ؟؟
اتوقع من الزيوت المغشوشة بالسووووق

حسبناا لله ونعم الوكيل
وغيرت الزيت يوم رجعت للرياض والحمدلله ماشفت خلاف

ملاحظة اللهات مشيولة من محلها
وعلى كلام الاخ ابوتميم ممكن يعتبر تجميع البنزين المحروق ويتحول الى زيت ممكن ؟؟
و ياترى ماهي اسباب ظهور هذه المشكلة في سيارة ابوتميم وفي سيارتي :-
1- من اللهات
2- من الزيت مغشوش
3 - ترك البنزين الاخضر بالتانكي الاضافي اكثر من 4 شهور
4- يكون محطة فيها بنزين مختلط مع ديزل
اهم شي من حصل له هذه المشكلة لايستعجل في توضيب
ولا جلد بلوف هذه مشكلة راح تحصل للبعض نرجو الانتباه
وتحياتي لكم

[عآشق الذيب]

الحمد لله انها جت على كذا

[أبوتميم1]

ياهلا بكم والله ومسهلا .. والصراحة اعجبني تفاعلكم مع المشكلة ومحاولة ايجاد الاسباب والحلول
بالنسبة لكلامك اخوي ابوسند بخصوص البلف فهو منطقي لأن الموتر ممشاه قرب يوصل 300.000كلم وهذي أشياء استهلاكية ممكن تكون أحد الاسباب، لكن كلام اخوي مخطور هو نفسه اللي صار معي ومع احد زملائي!
فعلاً .. الدخان كثيف جدا وليس هناك أي نقص بالزيت..

3 - ترك البنزين الاخضر بالتانكي الاضافي اكثر من 4 شهور

الصراحة نصحنا المهندس (العثيم) المتخصص بكهرباء الفتك ببريدة عن تعبئة الفتك بغير البنزين الأحمر 95 لأنه أفضل من الأخضر.. كما حذرنا من استخدام الاخضر 91 في الفتك..

وشكراً لكم والله على هذا التفاعل

[مخطور]

السلام عليكم
اخ تميم من بعد المشكلة صرت اعبي بنزي 95 فتك 2006
ولاحظت على السيارة العزم تغير وصار احسن من اول
واحتمال ان الفتك مع المسافات الطويلة يتم احتراق البنزين الاخضر ولاكن يتجمع في منطقة باسباب غير معروفة وفي حالة اطفاء السيارة وتشغيله يقوم بكث الدخان خارج منطقة التجمع ويخرج مع الشكمان
او مثل مذكرة من الاول هناك زيوت مغشوشة بالسوق او جودتتها لاتتناسب مع المسافات الطويلة
مع العلم عداد السيارة ماتعدى المسافة المقطوعة 200 الف
وننتظر الافادة من لديه الخبر الاكيد
تقبلوا تحياتي ،،،،،،

[ابوسند9]

والله يا جماعه انا ما اعبي اللى 91
والسياره ماشيه 350 الف ولا شفتنا شي
لكن ربما المحطه اللى انت معبي منها البنزين فيه مشكله
واذا كانت المشكله وقتيه وتزول ان شاء الله ما فيه مشاكل
اما اني بوظب السياره بعد ما اشاهد الدخان والله لو البستم طالع مع الشكمان