السلام عليكم ورحمة الله وبركاته
ابي شوركم يا خواني
ما هي أجود الكفرات أعزكم الله محتار وش اشتري من الانواع
هل اشتري مشلان أم جوودير
سيارتي يوكن 2009
جزاكم الله خير
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
ابي شوركم يا خواني
ما هي أجود الكفرات أعزكم الله محتار وش اشتري من الانواع
هل اشتري مشلان أم جوودير
سيارتي يوكن 2009
جزاكم الله خير
مشكور اخوي على الرد
وجدت النوعين سعرهم واحد
الواحد سعره 750
مشلان بس بشرط ما يكون صناعة كندي
لي تجربة معاها و بصراحه اكبر مقلب
نصيحه نصيحه ابعد عن المشلان الكندي
توني مركب دنلوب بصراحه اريح خصوصاً على عيون القطط
بس نقشتها ما اظن تركب على اليوكن
انا موتري جمس حوض
ميشلان بلا منازع لكن انتبه لسنة الصنع لا تكون قبل 2013 والصناعة فيه تايوانى وفيه فرنسي وفيه كندى والاخير احسنهن
والله يوفقك
بصراحه جربت اغلب انواع الكفرات بعد البرجيستون لاتدور
انا جربت دانلوب+وميشلان +و بيرلي
دانلوب وبيرلي يحبلوووووووووووون
يعني تركبهم الحين ابيك تاخذ فره فرتين بشارع فيه مطبات يحبل ع طوووول بس مريييييييييييييييييييييييييييح وبالبر ماهو عريض وسعره 650 و730 اتوقع
ميشلان ع الخط ماااااااشاء الله تبارك الله وبالبر بعد قوية عريضة
وتحبيل اضمن لك سنتين تدري سنتين ونص ماتحبل ابداااا
بس ترا في انواع اتوقع 3 انواع انا عندي كندي ماخذه من الجفالي سعره940 ريال للكفر الواحد
بس الله يكون في عونك ع المطبات كفر قاااااااااسي جدا ومتعب بالمطب جدا
انا هاليومين ودي ابدل الكفرات موتري يوكن2008 وافكر في مكسس يقولون حليو وسعره ارخص ومحتار لانه مشوار اغير ميشلان بـ 3760
ولكن تبي خط+بر+تحمل+مايحبل ابد بس النوع كندي=خذ ميشلان
تبي مريح بالمطبات بس يحبل خذ دانلوب او بيرلي
اخيرا عيب ميشلان قاسية+تنشف بسرعة يعني بعد سنه وشوي تحصل الكفر ناشف ومتفطر ع الخفيف وهذا باغلب الكفرات مع اني اوقف الموتر بالظلال ولا يوقف بالشمس الا نادر
انا هاليومين ودي اشتري كفرات للموتر ومحتار والله
ابي مريح بس المشكلة المريح يحبل
وابي قوي ولا يحبل وحلو بالبر بس المشكلة غالي الى هو ميشلان
وانا ترا اخذته من الجفالي ارسلوني الى وكالتهم جمب السيف بالنسيم ورشة صغيرة ركبت فيهن الكفرات وانت على طريق خريص جاي من الغرب للشرق تحصل السيف تبع الرنج والجاكور الجديد بعد وكالة الناغي تحصل ورشة الجفالي بعد السيف تبع الرنج بنفس المبنى
اهم شيء يكون الكفر مهو مغشوش اصلي يعني****** ميشلان لا تشاور فيه
واحذر تدور عند الأنذال حاجتك ... لا تقضي الحاجة ولا تستر الحال
بالضبط هذا اللي حصل معي
كفرات مشلان كانت قاسيه و بعد فتره بسيطه تنتفت اطرافها مع لف الكفر
و الكفر صار يقرص مع اللفه و كل شوي يزيد تقل الموتر يرقص سامري
و طلعت فيه شقوق صغار
مع اني ماخذها من الوكيل
سأذكر لكم تجربتي للفائده
السيارة يوكن 2002 وركبت عليه برجستون مايبنشر بسهوله حتى في الجلد والحرات بس قاسي جداً
وركبت دنلوب وارد بن زقر طقمين وكنت أداوم عليه طريق وعر وصخور 25 كيلو ولا عمره بنشر علي في الطريق من فضل الله وقاسي أيضاً ولكن ألين من البرجستون بس ماحبل معي مثل ماذكر أحد الأعضاء
الموجود على السيارة الآن هانكوك كوري مركبه قبل 10 أشهر الحبه ب 600 ريال مريح ولين وماله صوت مع الطريق بس ماجربته كثير في الجلد ( رحت فيه مشاوير صغيرة على طرق وعره وصخور وماصار له شيء والحمد لله )
وإن شاء الله تجربتي تفيد أحد
ألف شكر لكل الاخوان اللي شاركونا بالردود الجميلة وجزاهم الله خير
الأخ بيك أب 4×4
درجة الحرارة A أم B
انا أخذت السيارة ومركب عليها دنلوب والحرارة B لها سنة وعليها وصار على الكفرات نفس اللي ذكرت
احس إني مرتاح لمشلان وخصوصا مع العرض الآن وهو أنقص من القيمة الأساسية ب50 ريال ويقولي أحد الموزعين باقي له اسبوع
الكفر الواحد مع التركيب ب750 بدل 800
إن شاء الله ابستخير والله يكتب اللي فيه الخير
الذين يشاهدون الموضوع الآن: 1 (0 من الأعضاء و 1 زائر)