عندي يوكن وابغى رأيكم

[Sultan24]

سلام عليكم

كيف الحال عساكم بخير

يا جماعة عندي يوكن 2010 بدون دبل ومدري قبل كم يوم طقة في راسي
اصير راعي تطعيس ومن ذا الكلام وكل من ركب معي يقول شغلت الدبل؟
واهز راسي تسليك وهو ما في دبل ولو غرزت وجا واحد يفزع لي يقول شغل الدبل
والحره اكتمها في قلبي ما فيه دبل الله ياخذه واسمع كلام الناس يوكن ما فيه دبل
سلملي عليه وخلاص قلبي طفح الكيل فيه وقلت لازم افضفض لكم

انتم وش رايكم يفرق كثير خصوصا في اليوكن؟

ويصلح ادخل به طعوس؟ وذا مع العلم اني جربت وما عرفت لقلة خبرتي لكن
ركب معي خبره قال خلها علي وماشاء الله عليه تشوف الموتر منطلق راقي نازل

ضايقن صدري

[مجنون x]

اليوكون مايصلح للتطعيس واذا كانك مصمم نسم زين وفيه عند الرمايه زي الطريق مصنوع من البلاستيك لاغرزت تحط على الكفرات وان شالله يروح قهرك ويبرد خاطرك

[Sultan24]

يعطيك العافية

اخيرا رد احد ساحبين علي

[بدوي جنوبي]

لا تضيق صدرك يا ذيبان
بيعه طال عمرك وخذ لك واحد بدبل وأطرب نفسك

وعلى فكره حتى السياره ال SUV المزودة بدبل غير مخصصة لل OFF ROAD
بمعنى الكلمة .

[Sultan24]

اهااا قصدك نفس الجمس اليوكن مب حق بران وطعوس وذا

يا رجال شكلي بلعن خيره ومردها سكراب

[مسير عليهم]

انت تبي تلعب في الطعوس راقي ونازل او تخاف لو دخلت ارض رمليه تغرز السيارة ويضيق صدرك

ومن الاساس اذا انت تبي تدخل ارض رملية لازم تنسم للكفرات من 20 الى 15 وتوكل على الله واليوكون مايحتاج الى مداعس مثل راعين السيارت الصغيرة على خفيف وربك يسهل دربك

[مشعل العز]

اخوي سلطان 24 ،
مالك الا حل واحد اذا تبي يبرد خاطرك ،
لاتروح للنفود الا بالشتاء وبعد المطر ،.

[Sultan24]

يعطيكم العافية جميع

بردتو خاطري

وزي ما قلتو بنسم واختار الوقت المناسب وتوكل على الله
وتجي مع الخبره ان شاء الله

[بدوي جنوبي]

اهااا قصدك نفس الجمس اليوكن مب حق بران وطعوس وذا

يا رجال شكلي بلعن خيره ومردها سكراب

صحيح حتى لو كان مزود بدبل لانه مو مثل الجيوب أخف وزن ويتحمل

والله ما أنصحك يا سلطان
أخاف تتهور وتلعن خيره ويجاوب معك القير نصيحه وتخسر عليه 7000 او 8 الأف
المبلغ ذا تدفعه في فرق سياره بدبل حتى لو نقص موديلها
الله يساعدك

[العابر2222]

اخوووي بعه وخذلك دبل

معي تاهو دبل والله اني ادخل النفود في مطر ولا غيره

ونادر انسم الكفرات ... والدبل فيهن قووي افضل من التايوتا الجديد بمراحل

[ابو سعد 77]

اذا تقدر تبيعة وتشري دبل افعل ذلك..~

[FORD1969]

اليوكن طامن هذا عيبه

لكن ممشاه في النفود طيب مع الدبل ويوصلك للمكان اللي تبي عن تجربه

ولاتمشي بيوكن بدون دبل في النفوووووود الا اذا كنت متمرس