عاجل عاجل عاجل ماء بالدفرنس !!!

[طربان على صوت]

السلام عليكم ورحمة الله وبركاته

ياجماعة الخير مالكم بالطويلة انا حصلي مشكلة تشيب الراس

انا معي هايلوكس 2010 غمارة دفرنس

السالفة ومافيها اني قبل اسبوعين او اكثر قطعت شعبان ومرت الايام قبل امس شفت زيت على الدفرنس ورحت مريت ورشة قريبة مني قالي العامل ان ابره او بلف الدفرنس الي يطلع الهواء خربان وطلع كلامة صحيح وغيرته قالي رح عاير الدفرنس يمكن نقص يوم عايرته طلع واجد بالحيل يعني الميزان انه يكون اذا فتحت العيار يقطر قطره ويوقف هذا بتل يصب!!!
رحت لورشة الصمعاني بتشليح بريدة قالي ان الدفرنس به ماء!!

الحين العيار مضبوط لكن
السؤال اغير زيت بعد مامشت السيارة 170000 كم على زيت الوكالة
ولا اخليه على ماه ؟

انا خايف اغيره ويطق او يون وخايف اخلي الزيت ويون او يطق!!

[مكشآتي للآخر]

ان خليته على هالحاله بيطق -- بس للمعلومية حتى انا اتذكر اني فتحت سرة الدفرنس وقآم ينثر بالوكالة هالكلآم ولا اشوفهم قالو شي
بس انا عندي سؤال واحد انت يوم رحت الصمعاني قلت له انك كنت بشعيب ولا رحت له وهو قالك فية ماء من نفسة استنتج انه ماء او انه حكم بسبب انك رحت يم الشعيب؟

[طربان على صوت]

ماقلت له شي قلت انه زايد ليش بس!!

حتى اني رحت لورشة ثانيه يقول فيه شوي ماء

وكلهم يقولون مافيه ونه اقول ايه يقولون غريب !

بعدين انا اعاير الدفرنش كل عشر الاف زي ماقولك بس زاد فجأه

[SGL]

غيره نصيحه وحط زيت وكاله أو زيت من نوعيه زينه عيار 90وحط معه دواء مانع إحتكاك

[طربان على صوت]

انا الي متخوف منه اني ماشي على زيت الوكالة 170 الف

والي مريحني من ناحية الزيت الاصلي انه له اكثر من اسبوعين والحمد لله ماجاه شي

[كومبو]

السلام عليكم ورحمة الله وبركاته

ياجماعة الخير مالكم بالطويلة انا حصلي مشكلة تشيب الراس

انا معي هايلوكس 2010 غمارة دفرنس

السالفة ومافيها اني قبل اسبوعين او اكثر قطعت شعبان ومرت الايام قبل امس شفت زيت على الدفرنس ورحت مريت ورشة قريبة مني قالي العامل ان ابره او بلف الدفرنس الي يطلع الهواء خربان وطلع كلامة صحيح وغيرته قالي رح عاير الدفرنس يمكن نقص يوم عايرته طلع واجد بالحيل يعني الميزان انه يكون اذا فتحت العيار يقطر قطره ويوقف هذا بتل يصب!!!
رحت لورشة الصمعاني بتشليح بريدة قالي ان الدفرنس به ماء!!

الحين العيار مضبوط لكن
السؤال اغير زيت بعد مامشت السيارة 170000 كم على زيت الوكالة
ولا اخليه على ماه ؟

انا خايف اغيره ويطق او يون وخايف اخلي الزيت ويون او يطق!!

زيت الدفرنس للتويوتا غير موجود إلا بالوكالة ولا يبيعونه مالك إلا تدخلة الوكالة وتقول لهم غيروا زيت الدفرنس

[متى نكشت ؟]

لاتتوهق وتغيرة ترا الكارونة بتووون وخذ العلم.

[sgl2002]

وانا اخوك انا نفس طريقتك قبل فتره وخربت علي الكارونه

لازم تغير الزيت

[كومبو]

لاتتوهق وتغيرة ترا الكارونة بتووون وخذ العلم.

بالعكس ياخوك زيوت الدفرنس يجب تغييرها غيرتها للهايلوكس والفورتشنر والسكويا وجيب لكزس بدون مشاكل

[كبسولة2]

دام دخل ماء للدفرنس

أنصحك بالتالي اول شيئ شوف الي الي طالع من الدفرنس حق تنسيم الهواء

حاول تطوله وترفعه فوق شوي تحت الحوض

ثانياً روح لقرب محل بييع قطع غيار امريكي

وخذ 3 علب زيت دفرنس اصلي مع علبة مانع احتكاك

وغير الزيت القديم كله وحط الجديد وأستخدم السيارة برررررفق لمدة اسبوع وامورك ان شاء الله زينه

[طربان على صوت]

الله يوفقكم وجميع المسلمين..

قررت اغير الزيت والخيرة فيما اختاره الله

وسؤافيكم بآخر الاخبار ان شاء الله..,

[Salamah.y]

اذا ممشى السيارة 170 ألف
اشوف انه ما مشى واجد , لدرجة انك تتخوف من تغيير الزيت بشكل كامل
مشرفنا العزيز اعطاك الحل , و ان شاء الله انه الصواب , و عساك ما تشوف الشر

مووفق @~

[سعود سالم]

قل خير يقوله الله
إن شاء الله ماراح تشوف إلا خير

[1 أبو يزن 1]

نفس كلام كبسولة
بلف الكارونة عادي يعلق صار معي بجيب نظف البلف أو غيره
الزيت اسمه ايسي ديلكو حتى المعالج اسمه ايسي ديلكو

[أبو صاروخ]

انا كان عندي هيلوكس 2010 غماره قبل ما اسافر 2000 كيلو رايح 2000 كيلو جاي بدلت زين الدفريشن الخلفي بزيت ثقيل فوق الـ100 مش بو 90 المهم ما شاءالله سافرت ورجعت ولا شفت شي توكل على الله وعليك بالاستخاره