استطلاع ربع تايوتا2013

[ثورة الشك]

ياجماعه الخير ايش رايكم بالربع تايوتا 2013 رفرف سعودي ايهم افضل اللون الابيض ولا اللون البيج

كذلك من حيث الاسعار بالمعارض زيرو لان اللي بالوكاله اغلى من اللي بالمعارض حسب مااسمع

لان بصراحه اسعار المستخدم الموديل القديم سار مقارب لاسعار الجديد

[راعي المجهم]

أفضل لون للجيوب البيييييييييييج

[بريه الخالدي]

لاتقرب السعودي الا اذا كان الموتر بيبتل معك السعودي غير مرغوب بالبيع غير ذالك البريمي يفرق بالموصفات
وازين ما بالسعودي الرساوه والراحه في الطريق

[ثورة الشك]

تسلمون بيض الله وجيهكم لكن ما احد فادني عن الاسعارلدى المعارض خاصه اهل الرياض طبعا الرفرف مقاعدمتقابله

[fj43 84]

عليك بالبريمي وسعره 130 الف موصفات احلى وشكل احلى يعيبه المرتبه اللي ورى عرض

[التعـ King ـديل]

الاسعار بالوكاله ارخص من المعارض بس يقولك احجز وتنتظر شهر ولا شهرين

اما المعارض اغلى والموتر ثاني يوم بيدك

الاسعار ماعندي خلفيه عنها ولكن البيج هو اللون المرغوب والسائد حاليا

[راعي المكشايت]

اخوي عليك بالبيج
هو المرغوب ولاكشخ ووالبيع ارغب واعلى سعر وخلك مع الناس لا تصير عكسهم
اعرف واحد من الربع راح ياخذ وكاله موزع معتمد لعبداللطيف جميل قريب وان صملت راح اكلمه لك

واذا البازعي يجيب جيب ربع اقدر حاليا ادبر لك خصم ممتاز لان عندي وكاله توزيع سابقا لدى البازعي

[ماء نوفا]

مساء الخير راعي المكاشيت ابي 13 ابيض اذا امكن ماحصلت هنا

[راعي المكشايت]

ماء نوفا انت تبيها لمعرض

[ثورة الشك]

بيض الله وجيهكم جميعا

الاخ راعي المكاشيت بيض الله وجهك والله يخليك لعين ترجيك ان شاء الله

الصحيح ماقصرت كفيت ووفيت وياليت ترسلي على الخاص سعر الربع 13بيج رفرف مقاعد متقابله سعودي

لك جزيل الشكر

[راعي المكشايت]

انا ممنوع من الخاص المشاركات ما تعدت 50 ارسل رقمك بالخاص يا ثوره الشك وماء نوفا وراح ارد عليك ان شاء الله يوم الثلاثاء لان بكره بروح لطلعه بريه

[اسبيدر مان]

ياشباب الابيض اغلا من البيج بحوالي 16 الف
معرض المحيميد القصيم

[صياد الجبل]

البيج اكيد

[راعي المكشايت]

ثوره الشك لاسف ما اقدر اوفر لك ربع لان البازعي ما يستورد ربع لان

اقدر اوفر لك اي موتر متوفر عند البازعي وبخصم حليو

[abuslman88]

البيج وارفع يدك