السلام عليكم ورحمة الله وبركاته
ياخوان انا اسمع واشوف الكثير يركب الهدرز وما ادري بالضبط وش الفايده منه هل صوت بس ولا وش وهل له مضار على السياره خصوصا للباترول القديم ودمتم بود ارجوا من اصحاب الخبرة الافاده
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته
ياخوان انا اسمع واشوف الكثير يركب الهدرز وما ادري بالضبط وش الفايده منه هل صوت بس ولا وش وهل له مضار على السياره خصوصا للباترول القديم ودمتم بود ارجوا من اصحاب الخبرة الافاده
معقوله كل هالمشاهدات ولا فيه علم ؟
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
الهدرز طال عمرك يعطي قوه للمكينه لانه يخلي المكينه مريحه موب مكتومه يطلع هواء اكثرر
اما عن اضراره ماله اي ضرر بالعكس يزيد عزم الموتر وتقل صرفيت البانزين
لاكن اذا كان الهدرو الي مركبه موب اصلي اكيد بيلعب بالموتر
نجران عساها السيل
السلام عليكم
أخوي اذا موترك صافي ونشيط بدون نقص زيت ولا حرارة ركب هدرز وعشان تكمل فرار و مراوح وبتشوف موترك شي ثاني خفيف نفس ويسحب أكثر اما اضرار الهدرز أكيد تأخذ من عمر المكينة بس بنسبة بسيطة ولا هي حسوفة على خلطة اليابان 4200 حمارة المكدة و أنصحك بالهدرز البحريني معدن المنيوز لا تأخذ الاماراتي الحديد
لاهنتوا جميعآ واشكركم ع المشاركه ( ومنكم نستفيد )
ياكل من عمر المكينه ويسبب نقص
على حسب تجربتي للهدرز
أنه يختلف من سياره لأخرى
أحيننا تحس بالفرق في بعض السياراة وبعضها كنك ماركبت هدرز
لاكن لا تتصور ذاك الفرق الكبير قد لاتشعر بالفرق
واذا دخلت في عالم التعديل والترهيم عليك بإضافة التالي وأبداء بالاهم
1- مراوح كهرباء
2- هدرز
3- فلتر
4-فرارات
6-اسلاك بواجي + بواجي رياضيه
هذا الترتيب حسب القوه الناتجه
وإذا تبي تحس بكل الي فوق ركب كمبيوتر وبرمجه وأهلا بك في عالم الطياران
يسبب نقص لزيت المكينه
يعطيكم العافيه ماقصرتوا
اسأل مجرب الهدرز يشرب بنزين وينقص زيت يعني خل علبة زيت ورى المرتبه يمكن تحتاجها وتقبل مروري
أن كــان مـــالكـ من ذرااعكــ نجــده..شربكـ على يدين الرجــال همــاج
الأخوان اللي فوق وتكلموا عن نقص الزيت محد منكم تكلم عن استخدامه للموتر !!
هل الهدرز يسبب نقص زيت للمكينه للي استخدامه عادي ومايجور على الموتر ؟؟؟؟؟؟
سبحان الله وبحمده .. سبحان الله العظيم
أستغفرك اللهم وأتوب إليك
دامه ينقص زيت ويشرب بنزين مشكله والله طيب وش الحل الثاني علشان يخف الموتر ويقوى عزمه
انا مركب هدرز على موتري باترول 93 كربريتور ,, الحراره صارت خفيفه والموتر صار يفز بالخط << حتى لو بالخامس
وكذلك صرفيه البنزين قلت بشكل واضح وفرق كثير ,,
وبالنسبه لنقص الزيت ,, الموتر قديم < < انا اغير كل 3000 كيلو وما اعاني من نقص ولله الحمد ,,
بالعربي مو يجيني واحد مكينته خربانه من اول فيها بلى ويركب هدرز وبعدها يقول والله الهدرز خرب موتري ؟ ؟
واذا تبي تفاصيل اكثر راسلني على الخاص
اللهم اجعل آخــر اعمالي صالحها , ,
الذين يشاهدون الموضوع الآن: 1 (0 من الأعضاء و 1 زائر)