الصيد قرب راس ابو قميص.. سؤال

[Oryx]

الأخوة الأعزاء

هل الصيد قرب رأس أبو قميص مسموح به؟
وهل احد يعرف لنا صيادين يصيدون في تلك المناطق؟

[منصور888]

قصدك غرب والا قرب يعني قريب ؟

[Oryx]

لا والله في نفس المنطقة.. وحواليها

[منصور888]

شوف افتح القوقل ايرث او البينق وتشوف المناطق اللي فيها شعب مرجانية لونها غامق لانها هي المقياس الحقيقي لوجود الاسماك .. هذا والله اعلم

[Oryx]

مشكور اخوي ع المداخلة..
انا ابحث عن صيادين في تلك المنطقة

[وضاح القمر]

نعم .. مسموح

والطريق إلى أبو قميص طريق اﻹمارات .. قبل منفذ البطحاء تقريبا 40 كيلو بتجيك لوحة .. راس ابو قميص

تأخذ يسار وتطيح على مركز سﻻح الحدود وتصرح وتدخل..

ولكن حذاري .. ثم حذاري.. ثم حذاري .. من إنه يصيدكم الطين بذاك المكان..

المكان كله سباخ .. أرضه مستعصية جدا..

الموتر ينشب بالطين والسباخ..

وانتبهوا من السقية ..

وفالكم الهوامير والسبيطي..

[nasser a]

المنطقه حلوه ونظيفه ومريحه بس الصيد يجي يوم تصيد وتجلس يومين مايطلع معك شي
مثل ماقالو لك الشباب بس انتبه من السبخ والتغريز وانتبه من المد العالي لان ممكن تصحون من النوم والبحر مداهمكم ومداهم سياراتكم

بالتوفيق لكم

[Oryx]

أشكر الجميع على تفاعلهم..
اخواني انا ابحث عن "خروف البحر" وبعضهم يسميه "بقر البحر" أو "الأطوم" بغرض البحث العلمي
وذكر انه متواجد بكثرة في تلك المنطقة.. هذا سبب بحثي عن ناس يصيدون هناك لأتاكد منهم..
ومن يعرف مواقع مؤكدة لوجودها لايبخل علينا..

[baracuda]

اخي الكريم
السلام عليكم
جمعه مباركه انشاء الله
ممكن ترفق صوره لطلبك وانشاء الله الاخوة ما يقصرون
تحياتي لك

[Oryx]

[accentkool]

مسموح اخوي الصيد في بوقميص وناس كثير تصيد هناك

[مخلد المحنا]

انا اذكر بعض الشباب من قطر مصورين هالكائن.. وراس بو قميص مو بعيد عن قطر ابد..

بس اذا ماني غلطان فرصة صيده من الشاطئ جدا ضئيلة.... لو تبحث في المنتديات القطرية للصيد.. او في منتدانا الشباب من قطر يفيدونك لو احد يقدر يوصلك له بالقارب..

موضوع بحثك شدني صراحة...

هنا لاقين الشباب وحدة عالسيف.. في العقير...


http://www.mekshat.com/vb/showthread.php?t=80163



تقبل تحياتي

اخوك

مخلد المحنا

[mr-albreak]

هلا فيك اخوي بالنسبه لطلبك اسال عنه شخص يعرف صياد في منطقة بوقميص
وعلى حسب علمي عدد الصيادين محدود في بحر راس ابوقميص وباالنسبه للسمكه المطلوبه ما أضنك تصادفها على شواطي بوقميص انا صار لي اكثر من خمس سنوات اتردد على المكان ماقد شفتها ولا سمعت عنها اسال الاشخاص اللي نزلو غوص في بوقميص والله يوفقك في مسعاك
اسف على الاطاله وتقبل مروري :-)

[ذوالجناح7]

انا اذكر بعض الشباب من قطر مصورين هالكائن.. وراس بو قميص مو بعيد عن قطر ابد..

بس اذا ماني غلطان فرصة صيده من الشاطئ جدا ضئيلة.... لو تبحث في المنتديات القطرية للصيد.. او في منتدانا الشباب من قطر يفيدونك لو احد يقدر يوصلك له بالقارب..

موضوع بحثك شدني صراحة...

هنا لاقين الشباب وحدة عالسيف.. في العقير...


http://www.mekshat.com/vb/showthread.php?t=80163



تقبل تحياتي

اخوك

مخلد المحنا

نعم أخوي هذا آنــا صاحب الصوره ( بوكبوس ) أخوك / بوحبيب

وهذا الموضوع طرح من أخوي / بوحسن قبل أنضمامي للمنتدى في 2007
وتم نشر الصوره في جريدة اليوم في تاريخه
وماني عارف ليش ما طلعو وجهي وآنا مزودهم بالمعلومات والصوره ( قهرصح ) يصيرخير إذا عطيتهم شي ....

وآنا لقيت 2 وحده في العقير في 2007

والثانيه في بين هاف مون والقريه عند فندق بودل أعتقد في 2011 أو بدايه 2012

ولللأسف كان الجوال طافي مافي شحن وماااا صورتها وكانت بنفس حال الأولانيه وملتف عليها حبل وأعتقد من حبال شباك الصيادين

وكان في نقاش بيني وبين أخوي وزميلي ومدربي للغوص بوحسن معرفه في المنتدى ( خذوني معاكم )
حول تواجد بقرة البحر وذكرلي أنها موجدوه بالقرب من جسر الرابط بينا والبحرين

وانت تقدر تتواصل معاه عن طريق الخاص وتسئل عن اي شي حول الموضوع

وإذا مارد عليك أرسل لي على الخاص وأعطيك رقمه

واعتقد مايحتاج تروح بوقميص وهي موجوده في نفس المبحر المنطقه قريب بس تحتاج الشغله شوي تعب في البحث

بالتوفيق إن شاء الله

تحياتي أخوك / بوحبيب

[nasser a]

شوف حبيبي هذا الكائن ماله مكان مستقر اغلبية الناس تحصله نافق في احد الجزر او الشواطئ راس بوقميص وقبلها منطقة العديد الي داخله مع قطر واتوقع هذا المكان الي تقصده ممكن تسال حرس الحدود او تكلمهم بالتلفون في هذي المناطق وتعلمهم بخصوص بحثك هم خدومين الصراحه في هذي المواضيع


والله يوفقك يارب