صور موتري + طلب استشارة + الميزانيه المحددة

[هديريس]

السلام عليكم ورحمة الله وبركاته,

اخواني الكرام انا قبل شهرين اشتريت سيارة مستعملة
وأنا تحديداً اعشق السيارات القديمه والشبه قديمه
والغير منتشرة كثيراً
واشتريت هذا المبروك
وكنت انتظر تتحسن ميزانيتي عشان ناوي اضبطه
أنا ابغى اخر صرعات التضبيط لعشاق البر والرحلات.

مبلغ الميزانيه المخصص لتجهيز الموتر هي ( 6 آلاف ريال )
ارجوا عدم البخل علي بالنصائح والأراء
وللمعلوميه هذا الموتر يعتبر سيارة ثانويه يعني مو ضروري عندي
لو كان هناك تضبيطات خطيره يستهال اجازف به

اترككم مع الصور

[هديريس]

نسيت أضيف اسم الموتر وموديله
ميتسوبيشي ( باجيرو )
موديل 88
وشكرا مقدماً,

[hail_ksa]

الف مبروك الموتر والله يبارك لك فيه
المبروك هو اللي يوديك ويجيبك

المهم .. رأيي رهمه شاص .. يعني تقص التنده من بعد مرتبة السواق وتركب قزاز مع تسكير المنطقه خلف المراتب
بعد كذا تركب له عوارض يطلع بطل
ولاتنسى حركات أهل البر من كشافات ولمبات ليد للكبوت ولمبات ليد للخلف وبيخدمك ويكد عندك مثل المواتر ابو 150 الف
واذا حصل لك تغير الكفرات والجنوط يكون افضل
تحيااااتي لك

[هديريس]

الف مبروك الموتر والله يبارك لك فيه
المبروك هو اللي يوديك ويجيبك

المهم .. رأيي رهمه شاص .. يعني تقص التنده من بعد مرتبة السواق وتركب قزاز مع تسكير المنطقه خلف المراتب
بعد كذا تركب له عوارض يطلع بطل
ولاتنسى حركات أهل البر من كشافات ولمبات ليد للكبوت ولمبات ليد للخلف وبيخدمك ويكد عندك مثل المواتر ابو 150 الف
تحيااااتي لك

هلا فيك يالغالي ,
الصراحه حركة ترهيمه وتحويله لشاص اعجبتني
ولكن هل هي مسموحه نظاماً ؟
وأين اجد ورشة ترهملي إياه ؟
وشكرا لك اخي العزيز

[قلقانش]

السلام عليكم

باجيرو ؟؟ مدري انت جربته بالبر ؟ كيف ادائه ؟؟

اذا ممتاز وانت مقتنع منه فما اتوقع القص فكره راح ترد عليك بالنفع

الافضل بما انك مقتنع من الموتر كا استخدام وبيع بالمستقبل فا فكر بالتعديلات التالية :

1- تغيير الكفرات لمقاسات اعرض وجنوط اخف للوزن
2- تركيب خزانات ماء وتفصيل تلبيسات وادراج وطبق داخلي (عشان يضم عزبتك واغراضك)
3- تركيب توصيلات كهربائية وتحويلات اذا كان بالأمكان (للأضاءة والثلاجة والخ ,,,)
4- تأكد من مساعدات وصدريته وما إلى ذلك

بس خلاص لان القص والتلحيم ضياع دراهم على الفاضي ولا راح يفرق معك لانك تبي تكشت وتستانس
وهالنوع من السيارات ما اظن عليه طلب تعديل كثير مثل النيسان باترول والاندكروزر والى اخره ,

بالتوفيق انشاء الله وعقبال ما نشوف تصوير لاحد كشتاتك عليه

دمت بود ,,

[5200]

انا من رايي انك قبل ما تشتغل اسال عن قطع الغيار بالتوفيق

[mohannadAs]

السلام عليكم

مبروك الموتر اول شي و الله يعطيك خيره و يكفيك شره
برايي اختيار الموتر اختيار موفق و انا شخصيا احب عالموتر و هو عملي جدا و خامة ممتازة للتعديل
بما انك شريت الشاصي القصير ( اجمل من الطويل و افضل ) بتلاحظ ضيق المساحة عندك و حلها تركب سلة فوق التندة و فيها اماكن لجراكل بنزين اذا كشتاتك طويلة نفس الصورة



و اكيد تحتاج طبق خلفي لتنظيم اغراضك و عزبتك
بالنسبة لقطع الغيار ما اعتقد بتلاقي اي مشكلة حتى بالسعر لانك بتلاقي بديل رائع و رخيص في الهونداي جالوبر و اللي ظلت في الانتاج لل 2004 اعتقد و هالسيارة ممكن تحل مشكلة ضعف المحرك (4 سلندر 2600 سي سي ) بانك تبدله بي 6 سلندر 3000 سي سي من الجالوبر اذا حبيت لان القطع مطابقة للباجيرو
انا جربت 1998 جالوبر ربع و كان رائع في البر بس الطعوس مو ذاك الزود لانه 4 سلندر
بالنسبة لي اول شي بعدله الرنجات و كفرات اكبر و ترفيع بسيط نفس هالصورة



و فكرة صدام حديد و كشافات ايضا ماهي شينة



و اذا تبي تقص التندة مع اني ماحبذ القص هذا موضوع يفيدك





و هذا الرابط

http://www.4x4wire.com/forums/showfl...fpart=all&vc=1


اتمنى افدتك

[هويدي]

مبدئياً يبيله جنوط وكفرات عشره انش وكفرات 33 مثل السيارات اللي حط صورها اخونا
mohannadAs


وخطوطه يبيلها تغيير او تجديد " صبغ "

[WWS]

يـآزين آلقديم ؤ طـآريه
الله يعطيك خيره ؤ يكفيك شره

يبي لك طبق
ؤ جنؤط خفيفه مقـآس 15
مع كفرـآت مقـآس 31
ؤ تشيل آلخطؤط منه نهـآئيـآ
تـآنكي مـآء سعته معقؤله من آجل آلحمؤله
تركيب آؤ تثبيت محؤل من 12v آلى 220v

ؤ سلآمه عمرك ؤ رضـآك آلبـآقي
ؤ الله يعطيك خيره ؤ يكفيك شره

[قناص 28 عفيف]

شيك على بطن الموتر من مقصات وجلد واذرعه والتربيط هذا اهم شئ حاليا
ثم تنجيد ماتنجيد والتعديلات لاحق عليه

[الاربع وعشرين]

وعليكم السلام ورحمة الله وبركاته

اذا انت تكشت بفياض وشعبان وجبال ولا تمر النفود فالكفرات مناسبة اذا تروح للنفود بدل الجنوط الى كروم مقاس 15 وعرض 6انش ونص واستعمل كفرات 225 العرض وارتفاع 80
شل ارضية الغمارة وركب عازل حراري تحتها
ركب دقمة امان فاصل عن السرقة
ركب مروحه كهرب وصب بالرديتر ربع علبة زيت بريك تنظف السرندل وبدل الماء سوها كم مرة اذا لزم الامر
لبس ارضية الشنطة صاج حديد رهيف
وركب تانكي ماء واقف خلف المراتب مباشرة
ركب ثلاث افياش ولاعه
وخل معك لمتين باسلاكهن تركبهن متى مابغيت

الله يوفقك

[هديريس]

السلام عليكم

باجيرو ؟؟ مدري انت جربته بالبر ؟ كيف ادائه ؟؟

اذا ممتاز وانت مقتنع منه فما اتوقع القص فكره راح ترد عليك بالنفع

الافضل بما انك مقتنع من الموتر كا استخدام وبيع بالمستقبل فا فكر بالتعديلات التالية :

1- تغيير الكفرات لمقاسات اعرض وجنوط اخف للوزن
2- تركيب خزانات ماء وتفصيل تلبيسات وادراج وطبق داخلي (عشان يضم عزبتك واغراضك)
3- تركيب توصيلات كهربائية وتحويلات اذا كان بالأمكان (للأضاءة والثلاجة والخ ,,,)
4- تأكد من مساعدات وصدريته وما إلى ذلك

بس خلاص لان القص والتلحيم ضياع دراهم على الفاضي ولا راح يفرق معك لانك تبي تكشت وتستانس
وهالنوع من السيارات ما اظن عليه طلب تعديل كثير مثل النيسان باترول والاندكروزر والى اخره ,

بالتوفيق انشاء الله وعقبال ما نشوف تصوير لاحد كشتاتك عليه

دمت بود ,,

الباجيرو ممتاز للبر ولكنه سيء مع الخط
والله يعطيك العافيه اخوي شكرا لك
التوصيلات الكهربائيه ضروريه جداً
احترامي وتقديري لك

[هديريس]

انا من رايي انك قبل ما تشتغل اسال عن قطع الغيار بالتوفيق

شكرا لك يا غالي على النصيحه
احترامي وتقديري لك

[هديريس]

السلام عليكم

مبروك الموتر اول شي و الله يعطيك خيره و يكفيك شره
برايي اختيار الموتر اختيار موفق و انا شخصيا احب عالموتر و هو عملي جدا و خامة ممتازة للتعديل
بما انك شريت الشاصي القصير ( اجمل من الطويل و افضل ) بتلاحظ ضيق المساحة عندك و حلها تركب سلة فوق التندة و فيها اماكن لجراكل بنزين اذا كشتاتك طويلة نفس الصورة



و اكيد تحتاج طبق خلفي لتنظيم اغراضك و عزبتك
بالنسبة لقطع الغيار ما اعتقد بتلاقي اي مشكلة حتى بالسعر لانك بتلاقي بديل رائع و رخيص في الهونداي جالوبر و اللي ظلت في الانتاج لل 2004 اعتقد و هالسيارة ممكن تحل مشكلة ضعف المحرك (4 سلندر 2600 سي سي ) بانك تبدله بي 6 سلندر 3000 سي سي من الجالوبر اذا حبيت لان القطع مطابقة للباجيرو
انا جربت 1998 جالوبر ربع و كان رائع في البر بس الطعوس مو ذاك الزود لانه 4 سلندر
بالنسبة لي اول شي بعدله الرنجات و كفرات اكبر و ترفيع بسيط نفس هالصورة



و فكرة صدام حديد و كشافات ايضا ماهي شينة



و اذا تبي تقص التندة مع اني ماحبذ القص هذا موضوع يفيدك





و هذا الرابط

http://www.4x4wire.com/forums/showfl...fpart=all&vc=1


اتمنى افدتك

بيض الله وجهك اخوي مهند
افدتني ونص والله يعطيك الف عافيه
أنا بس حبيت اسألك ياغالي الكفرات الكبار يركبن عليه
الجنط عندي الظاهر انه 15 او 16
هل يلزمني تغيير الجنط إذا حبيت اركب كفر كبير وعريض
وشكرا لك

[هديريس]

مبدئياً يبيله جنوط وكفرات عشره انش وكفرات 33 مثل السيارات اللي حط صورها اخونا
mohannadAs


وخطوطه يبيلها تغيير او تجديد " صبغ "

الله يعطيك العافيه اخوي هويدي ما قصرت
احترامي وتقديري لك