15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متقدم
بسم الله الرحمن الرحيم
السلام عليكم ورحمة الله وبركاته
ومساكم الله بالخير
ما خاب من استخار ولا ندم من استشار
يا اخوان عرض على جيب لاند كروزر صالون جي اكس موديل 96 سعودي
اللون بيج قيرعادي القزازعادي الخلفيه باب مكيف واحد الستبنه ارضي الداخلي لون بيج
البودي سليم السيارة نظيفة جدا وشيخ صاحب السيارة يقولي بإذن الله ثلاث سنين ماتحط ريال فيه
ما شي ممشى حقيقي 198 الف المحركات نظيفة
صاحب السيارة حادها علي 72 الف
رايكم ياخواني تنصحوني فيه او غالي
سبحان الله وبحمده سبحان الله العظيم
مكشاتي متقدم
بكم قيمتة وكالة في عام 1996؟
عضو موقوف
اذا مكيف واحد راح يعذبك بالصيف
وانا قبلك غلطت وشريت جيب باترول مكيف واحد وبالصيف عذبني حر وكتمه
بالنسبه للسعر على كلامك الموتر نضيف جدا والصراحه هذي اسعارها لاني قد شف باترول 97 نضيف جدا سعره فوق السبعين واكيد اللاند اغلا منه
بس لاجينا للواقع ان السيار ماتستاهل وموديلها مضى منه 17 سنه وسياحي ومكيف واحد
انصحك بمواتر موديلها فوق 2005
ولك حريه الراي
مكشاتي نشيط
وانا اويد اخي بترول الجديد افضل
والنظيف سعره فوق السبعين نفس سيارتك
مكشاتي متقدم
بسم الله الرحمن الرحيم
وعليكم السلام ورحمة الله وبركاته
يبي يرزقك الله بموتر مبروك بادن الله
اشوف انه كود عليك شوي كانك ترضى الغليبه ومستعجل انت خصيم نفسك
ترانا ماشفنا الموتر ولا نعرف راعيه ودروبه
بس الموتر معروف الماصفات معروفة
اللون بيج داخل وخارجي لصار للمكيفين وثلاجة ودفلك يجي طاريه بالفي اكس
بالجكس وش يفرق البيج والمواصفات اللي عليها الكلام ناقصة
علشان ممشاه يزيد عن سعره للي خاطبه من راعيه اللفين وهو حده بنظري 63 الف
وممشاه زاده اللفين قل خمس وستين الف لا صار البدي سليم ميه بالميه
والموتر للمستعمل زين وينومس بالبر والسفر والديرة والله اعلم
والرزق على الله
لاإله الاالله وحده لاشريك له له الملك وله الحمد وهو على كل شي قديرنقطة بداية اصلاح العالم تبداء من عندك فان كنت تريد الاصلاح فتقمص الصلاح في القول وفي العمل وفي الاعتقاد وأقل الاصلاح هو أن تكف شرك عن غيرك وإعلم أنه يكون لك بذالك صدقة منك على نفسك
يَا رَبِّ , لَكَ الْحَمْدُ كَمَا يَنْبَغِي لِجَلَالِ وَجْهِكَ , وَلِعَظِيمِ سُلْطَانِكَ.
مكشاتي متقدم
نصيحه اذا انت دافع دافع خذلك المطور إسبيرين ومكيف مركزي وثلاجه
وبالنسبة للسعر اذا انت هاوي تحمل هالسعر
مكشاتي متقدم
"ما شي ممشى حقيقي 198 الف المحركات نظيفة"
بعد الممشى هذا الموتر لازم يطلب... زود الدراهم شوي وخذ لك من الموديلات اللي فوق 2005 مثل ماقالوا الإخوان
مكشاتي
والله الجيب ممشاه طيب بالنسبة لموديله لكن بالنسبة جكس مبالغ في سعره هذي قيمة فكسار ٩٧ مخزن ...الزبدة لوتشوفلك فكسار٩٥_٩٦_٩٧ مخزن بتلاقيه بنفس القيمة تقريبا
مكشاتي متقدم
الراي لك ولكن حرام تدفع القيمه ب ٩٦ زود لك عشره وخذ لك مودل احدث والله يوفقك
مكشاتي متقدم
هذي قيمة موديل 2003 نضيف و80 الف قيمة 2003 نضييييييييف مرة
..(( لا إله إلاّ الله ))..
عضو موقوف
والله لو هو مكيفين اني لا ادفعها فيه احسن من القراقع اللي الحين
بس انت واستخدامك ، لو كان استخدامك اكثره بر هو اللي بينفعك ، اما مدينه فدور مديل افضل
مكشاتي ذهبي
افادوك القروم بيض الله وجيهم
ولاتنسا اخوي الاستخاره
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس