عطل في الباترول

[محمد النيساني]

السلام عليكم

عندي باترول 2000 وانا ماشي 100 اذا طحت بحفره صغيره يرج الدركسون رج مو طبيعي يعني لو مسرع اكثر يمكن يقلب .... غيرت مساعد الدركسون ولا نفع وربلات عمود التوازن مغيرها من قبل سنه وطبعن مركب فرارات وسلامتكم

[سلاطين]

شد الرمان الامامي عند اي ورشه واذا مركب بالون او جنوط تجاريه غيرها وسلامتك

[فتك الجنوب]

غير جلد الرجه ويضبط

[محمد النيساني]

الله يعطيكم العافيه نشيك عليها ونرد لكم

[العطاوي a511]

دبل مساعد الدرقسون

[دخنآوي]

شف ماابي اخسرك

انزل ياطويل العمر تحت الموتر من قدام
ودور لك اي واحد يركب الموتر ويلف يمين ويسار بسرعه طبعآ والموتر مشغل حتى تقدر تلف يمين ويسار
المهم وهو يلفلف بالطاره انتبه لجلد عمود التوازن تلقا العمود يتحرك مع الزوايا
اذا كان كذا مر اقرب ورشة وخله يفكهم وانطلق وركب الجلد بالمخرطة كبسس
وارجع للورشه وماتكلف ولا نص ساعه وانا ركبت قبل فتره ب 55 ريال الجلد جهتين لكن مو اصلي لاني ماحصلت الاصلي حصلت تايلاندي والى الآن الحمد لله ماهنا مشكلة

الموتر باترول نفس موديل موترك

[ابوزعاق]

ادبل مساعد دركسون وراح تدعيلي ولاتطيح بحفره صغيره نط حبس ��

[الزامل الاول]

شيك على الجنوط وترصيص الكفرات

[ابوسند9]

اتوقع عندك ربلات عمود البنهارد اللي راكب فيه مساعد الدركسون
فيه عدد 2 ربله كبس
ملاحظ من الخارج اي واحد يكشف عليها راح يقولك سليمه لكنها دائم من الداخل تتمزق

[كلاش2500]

انا اتذكر نفس مشكلتك بالضبط بس على شيروكى بس يشم ريحة حفرة يرج رج تحس ان السيارة بتفكك وصلة وصلة ...غيرت مساعد الدركسون وضبط.....لكن هذا مايعنى انه نفس الحل.....لكن حبيت اقولك اللى صار معى.....

[سلطان 2010]

المشكلة بالرباطات ١٠٠٪١٠٠ افحص

[ls1.5700]

اخوي اسباب ارجه كثيره ولا تنحصر في شي معين
فـ انصحك تسئل عن افضل ميزان بيكون فاهم وهو
يعطيك العلم الوكاد
اتمنى لك التوفيق

[محمد النيساني]

سلاطين
فتك الجنوب
العطاوي
دخنآوي
ابوزعاق
الزامل الاول
ابوسند9
كلاش2500
سلطان 2010
ls1.5700

يعطيكم الف عافيه استفدنا من مشاركاتكم الشي الكثير
تم حل المشكله ولله الحمد
نوع العطل : رجه في الدركسون اذا واجهت حفره فوق سرعة 80

تم تغيير مساعد الدركسون وما انحلت المشكله ثم غيرت جلد عمود الرجه الي يركب فيه مساعد الدركسون وعددها 2و انحلت المشكله وكانت اول عندي فضاوه خفيفه بالدركسون وانحلت معاها ...
طبعن زي ما قال احد الاعضاء ماراح تعرف ان الجلده خربانه الا اذا فكيتها لاني فحصت الموتر باكثر من ورشه يقولون الجلد عندك سليمه

وتحياتي للجمييع....

[ابوسند9]

الحمد الله ان المشكله انحلت
وشكرا على ردك لتعم الفائده

[ls1.5700]

الحمدلله انها انحلت المشكله
والله يعطيك العافيه على الافاده