موضوع مهم اتمنى الافادة

[ماجد950]

السلام عليكم

سيارتي vxr 2009 اذا مشيت 60 ترج السيارة

رحت للوكالة عبداللطيف والبازعي قالوا هذي طبيعية تجي في الجيوب

الـgxr و الـvxr والمشكلة في القير

والحل : على قول الوكالة توظيب القير او تغييره ويقولون لو ماتغيرت او وظبت عادي تمشي على الموتر برجته

الموتر جديد وماشي 140 الف

[يكفيني نظرة]

طيب من متى لاحظت الرجه؟

[بدوي جنوبي]

ارسل ايميل للشركة واسئلهم
او اتصل على وكيل الشرق الاوسط بدبي
دور رقمهم في النت

[ماجد950]

الرجه من يوم الاربعاء الماضي

[ls1.5700]

كلامهم ماهو صحيح عندنا اثنين 2009 و 2012 مافيهم رجه ولا يحزنون
موترك فيه مشكله ويبون يمشونها عليك
طيب اخوي وش دخل القير بالرجه
والله شي غريب الموتر يرج ويقولون القير يحتاج توظيب

[أصيل حجآ زي]

طيب اخوي وش دخل القير بالرجه

أذا القير تمآتك !!!

نعم يرُج وبقوة أذا في
الطُنجرة { البطيخة } خلل .
بسبب نقص زيت القير أو
الزيت محروق أو به وسخ جدآ.

وحتى أذا عمود التدوير
ما هو موزون مع عمود الدفع 100%
سواء بالقير العآدي أو التمآتــــــــــــك .
بسبب ليونة زآئدة أو خرآب في الكرآسي .

وزي ما تفضلت يا مُهندس / ls1.5700
الوكآلة اللي قآلو لهُ ما فيها شيء كذآبين .
لا يريدون تحمُل المسؤلية وأصلآحها على حسآبهُم .
فقط يصرفون الخلق .

رآسل أدآرتهُم الأقليمية أو المصنع .
بخطآب / رسآلة بالأنكليزي .

والله يسهل أمرك .

[Magellan]

تأكيد لكلام الأخ المهندس أصيل حجازي (أبوعبدالرحمن) رجة السيارة بشكل كامل او ماتسمى رجة البدي عادة يكون الخلل من طنجرة القير او البطيخة (torque converter) وتظهر عادة بعد سرعة 60 وتكون واضحة على 80 كلم وتختفي على السرعات العالية ، طبعا قد يُعزى بسبب عدم تغلعل الزيت داخل الطنجرة لضعف الضغط فيها،،

[ماجد950]

شكراً على الردود

[sgl2002]

نفس مشكلت واحد قبلك هنا طرها بسبب الرجه وقالوا له من القير

[ماجد950]

طيب وش الحل اوظب والموتر جديد

[وليد46]

اخوي ماجد.
واحد من اخوياي عنده نفس موترك ونفس المشكله ولا خلى شي ماغيره غير الكفرات والجنوط وغير العمود وغير مروحة المكينه قالوا له الوكاله ان البلا من مروحة المكينه به رجه وترج بالسيارة كله

المهم مالك بالطويله اخر شي غير زيت القير لانه ماغيره ابد وموتره ماشي حول ال ١٥٠ وما شاء الله بعد

ماغير الزيت لارجه ولا شي تاكد من زيت القير عندك متى اخر مره غيرته اتمنى اني اكون افدتك يالغالي

[ابوراكان تبوك]

الرجه اذا كانت قبل او بعد تبديل القير بلحظات معناه 90% من الزيت يكون ناقص او زائد او يحتاج تغيير فلتر وزيت قير
اذا الرجه بعد تبديل القير والسيارة ماشيه طبيعي احتمال يكون تحبيل كفرات
اذكر مره غيرت زيت قير لجي اكس آر وثاني يوم جت السيارة رجة على سرعة 60 بعد تبديل القير المهم لقيتهم مزودين الزيت يمكن لتر وربع ورجعت للي غير له الزيت ونقص الزايد وراحت المشكله

[ماجد950]

شكراً لمروركم
فعلاً غيرت زيت القير والفلتر
والان مضبوط

[ls1.5700]

الحمدلله على انتهاء المشكله
بس عندي لك سؤل
هل الزيت ناقص او خربان او ماهو اصلي
وكيف كانت الرجه ياليت توضح لو سمحت
ولك جزيل الشكر

[ماجد950]

الزيت ماغيرته من شريته من الوكالة
ماشي عليه ١٤٠ وكم له سنه
وغير كذا من الحرارة اصبح الزيت كالماء
يعني غير لزج
هذا اللي عندي