ادخال السلق الى دول الخليج ؟

[الرسام]

السلام عليكم ورحمة الله وبركاته

يا شباب احب استفسر ممن لدية خبرة

هل استطيع ادخال السلق الى دول الخليج (قطر , الامارات )من السعودية ؟

اذا كان يحتاج الى اوراق ارجوا ذكرها
وشكرا

[يتيم بلا زايد]

السلام عليك ياخوي الرسام بنسبه دخول السلق للامارات اول شي تمر على دائره الزراعه وثروه الحيوانيه تعطيهم مواصفات الكلب وهم طبعا عارفين الجرئات وبيفيدونك0000000

[الرسام]

وعليكم السلام ورحمة الله وبركاته

مشكور اخوي (يتيم بلا زايد) على الرد ولكن

دائره الزراعه وثروه الحيوانيه وين موجود في المركز او عندنا في الديرة ؟

[الرسام]

وين الشباب الي عندهم خبره ؟

وين اهل قطر و الاحساء والامارات ؟

[يتيم بلا زايد]

اسمحلي اخوي الرسام على اني تاخرت عليك برد فكرتك خلصت موضوعك احب اقولك دائرة الزراعه موجوده في ابوظبي اودبي بتحديد عند دوارالساعه اول شي بيطلبون شهاده صحيه للكلب وشهاده منشا من السعوديه وهذا للذكر عشان ماتنسى 0000000

[كاسر الحوم]

السلام عليكم ورحمة الله وبركاته
اخوي رسام :بالنسبه لدولة قطر
إذا بتجيب السلق من السعوديه رح عند اقرب بيطري حكومي او الحسا على طريقك واخذ فحص طبي مختوم من البيطري وجبه قطر وبيدخلونه عادي ،،،
اما إذا كان السلوقي موجود فالدوحه قطر فيتوجب عليك كالآتي :
1 - تروح للصحه الحيوانيه فالدوحه وبالتحديد عند دوار البراشوت وانت جاي من الوكره بعد الدوار على يسارك وتقولهم عندي سلوقي او كلب صيد (أعزكم الله)، وعطهم عمره ولونه واذا كان ذيخ او ضاريه ، وبيعطونك ورقه وخلها معك ورح للسعوديه وجب السلوقي وفي مركز الجوازات حق قطر عطهم الاوراق اللي معك والبيئه بدخلونك بدووون ما تفحصهن فالحسا اعتمادهم يكون مع الورقه اللي معك من قطر .
2 - اذا السلوقي في قطر وتبي اتطلعه للسعوديه تروح عند الصحه نفسهم وتاخذ الورقه او مب لازم الصحه عندك البيطري اللي فالريان اللي على طريق الريان بجانب مطعم حباري اللي عند دوار الشافي وانت تبي تروح لدوار كيوتل اول ماتطلع من دوار الشافي باتجاه جهة الغرب على يمينك فيه اول لفه بعد الدوار على طول تلف معها في وجهك بيجيك المحل دكتور شامي اسمه الدكتور احمد وممرضه المصري
قله ابي اودي السلق للسعوديه وبيعطيك ورقه .

وهذا اللي انا اسويه واسمحلي على الاطاله بس حاب انفعك ولك تحياتي

[معدي المرقاب]

اخي انا سمعت ان واحد من الشباب الى اعرفهم مطلع جواز للسلق حقته من السعوديه لانه هو يقنص سوريا دايم كلام صحيح ..

[الرسام]

كل عام وانتم بخير و الشهر عليكم مبارك

مشكور يا

معدي المرقاب

كاسر الحوم
كفيت و وفيت

يتيم بلا زايد
ما قصرت