للعشاق البًر : القوة الجبارة من مرسيدس بنز

[ابن روزه]

Brabus B63S

ذات دفع سداسي لمحرك يضخ 690 حصانا


إطارات 37 بوصة

علبة تروس بسبع سرعات

[تميم2222]

هذا موتر مايتخلف عليه. اثنين. بس داراهمه كايده
وين اللي هايطون بر وما بر يلاه اشترو ههههههههه. اجل. شاص. هاه

[كثير السؤال]

عز الله موتر
بس السعر اكيد نااااااار
الواحد يتحسف يكده ويمده

[أبو الوليد 14]

صراحة السيارة جبارة
والغريب انها شاحنة لكن لو تشوف عداد السرعة الى 280 !!!

[مجالس الرجال]

مقرف بكل ماتحمله الكلمة من معنى
ليتهم عطو الفكرة لتويوتا او نيسان عشان يضبطون شكله
هم الأولى بسيارات الدفع الرباعي

[بومالك]

اباخذ طياره اقساط علشان اشرييه

ماشاء الله والله يخلي الألماني لهله

[sgl2002]

لاندكروزر والا باترول قديم اضمنه بعد الله في البر اكثر من ذا

[الحربي 591]

يارجال اللي يسمعكم يقول انكم بتفعون قيمته

هاذا بمليون ونص
انا ماعندي مشكله لاكن البلا ماهو في سعره البلا وين اوقفه لا طلعته


انا التاهو مبتلش فيه

[كم كيلو باقي]

ناقصه كفرات بالون بس

[التعـ King ـديل]

هذا تعديل شركه BRABUS على الجيب من فئه G الجيب وكاله سعره سعر شقتين تمليك

شلون بعد التعديل بكم بيصير

[زياد علي]

صح انه فيه مواصفات ومميزات غير موجودة في الجيوب الاخرى وذا مستويات امان عالية
لكن هل راح يتحمل ويقطع مسافات طويلة في الصحراء بدون اعطال اومشاكل
هذا مستحيل لانه مجرد ماركة فارهة يعني مرسيدس حق كشخة وبس!ولاهو ينفع لاستخدام اليومي

[الشيخ الظريف]

الحراره مشكلة هذه الشركه٠٠سياراتها تضطر لأطفاء المكيف في داخل المدن فكيف بالرمال

[ابن المحيميد]

انا كنت ابشتريه بس اذا تعطلبي بالبر منين اجيب قطع الغيار

[غار بن شعلان]

السلام عليكم

موتر ماعليه كلام ومصمم لاصعب المناطق الوعره ودفع سدادسي لكن ياخيي لو هو عندي تحسفت امشي به ع المزفلت وشلون ادخل به بر هذا تحفه ودك تتفرج عليه بس

شفت له مقطع مايرده شي وفيه ثبات عجيب

الله يرزقنا الجنه هذا اهم شي

[sgl2002]

طيب ماتلاحظون انه دفرنس امامي وليس عكوس؟


يعني الدفرنس اكثر قوة من انه يكون عكوس؟