اللي جرب الاكسبدتشن والجمس استفسار

[آل زايد502]

السلام عليكم ورحمة الله وبركاته
اخواني انا قررت اشتري تاهو ولا اكسبدشن موديل 2007
مايهمني الشكل لان معروف شكل التاهو افضل بكثير
اللي يهمني ايهم عملي اكثر ومن ناحية الصيانه ومن ناحية قطع الغيار لاني ابيه موتر استخدام يومي
والسؤال الثاني اي افضل بدبل ولا بدون مع العلم الطلعات للبر خفيفه ورغبتي في الدبل وناس كثيره تنصحني ابعد عن الدبل خاصه في الاكسبدشن يقولون صيانته اكثر وعطال اكثر ... مع ان كان معي سلفرادو والحمدلله ماشكيت منه الا من حساس الدبل مره واحده
عطوني ارائكم جزاكم الله خير

[أطلال نجد]

وعليكم السلام و رحمة الله و بركاته

الأكسبدشن عملي أكثر لكن حسب ما قرأت و سمعت أن قطع غياره و صيانته أغلى من التاهو

لكن أنت عليك بالنظيف و الممشى القليل و أمورك طيبة

وأنا أنصحك بالدبل سواء أخذت تاهو أو أكسبدشن بما أنك تطلع البر حتى لو كانت صيانته مكلفه شوي الدبل يستاهل

يكفي أنك تمشي في البر و أنت مرتاح البال


بالتوفيق

[شايب . نت]

عليك السلام والرحمة
نصيحة يالغالي عن تجربة لا تشتري موديل 2007 لان هناك مشكلة بالقير بالنسبة لليوكن
حاول تشتري من 2008 وطالع

بالتوفيق

[أبو ليال]

السلام عليكم ورحمة الله وبركاته

نصيحة اخذتها من ميكانيكي سعودي جيد جدا او ممتاز تخصصه صيانة السيارات الامريكية بانواعها فورد وغيره يقول ابعد عن الاكسبدشن والاكسبلورر والماونتنير كل واحد اردى من الثاني مشاكلها كثيرة

[ملك الفكتوريا]

احنا عندنا جمس وفورد

للامانه الفورد فكتوريا والله عملية


اما بالنسبة للقطع والصيانة ارخص من التاهو

وانزل لمحلات القطع وشوف بنفسك واترك كلامنا


وبعدين شوف مشاكل الاكسبدشن جنب التاهو وشوف النكبة فمين

[DOD-G-MC]

نصيحة خذ التاهو أو اليوكون , قوة وهيبه وعزم وقطع غيار متوفر وكل ميكانيكي يعرف له
وله عدة وكلاء ويمسك سعره عند البيع
خذ الدبل ولاتشاور

يكفيك أن قطع غياره نفس بعض يوكون وتاهو وسلفرادو وسييرا وافلانش و سوبربان ....الخ

خذ نصيحة مجرب وعشرة عمر مع السيارات وعلى مسؤوليتي وراح تدعي لي

وإذا عزمت وأخذت فورد لاتنسى كلامي مردك ترجع وتآخذ تاهو أو يوكون

ويازينها لو شريت وكاله على يدك

[نجدي حجازي]

اول شي عليك بالاستخاره
ثاني شي مافيه احسن من انك تروح للوكالات ومحلات قطع الغيار وتسعر قطع الغيار بنفسك

ان شاء الله بتطلع بنتيجه مرضية وبتحدد خيارك بعد ما تعرف الفروقات فالاسعار

وحد علمي ان اسعار قطع الغيار متقاربه مافيه ذاك الفرق بين اليوكن والاكسبدشن
والاكسبدشن يتشارك مع كثير من سيارات فورد في بعض القطع
مثل الفيكتوريا والـ F150 وحتى الـ 250

الاهم انك تسأل عن القطع الاستهلاكية وتشوف توفرها بالسوق بنفسك
والموترين بالنسبة لي كلها مبروكه
سواء اليوكن والتاهو أو الاكسبدشن

بالتوفيق

[أبو ليال]

نصيحة خذ التاهو أو اليوكون , قوة وهيبه وعزم وقطع غيار متوفر وكل ميكانيكي يعرف له
وله عدة وكلاء ويمسك سعره عند البيع
خذ الدبل ولاتشاور

يكفيك أن قطع غياره نفس بعض يوكون وتاهو وسلفرادو وسييرا وافلانش و سوبربان ....الخ

خذ نصيحة مجرب وعشرة عمر مع السيارات وعلى مسؤوليتي وراح تدعي لي

وإذا عزمت وأخذت فورد لاتنسى كلامي مردك ترجع وتآخذ تاهو أو يوكون

ويازينها لو شريت وكاله على يدك

كلام سليم وراي الشيخ DOD-G-MC سديد جربت نصيحته قبلك وادعي له

[آل زايد502]

لاهنتو ياشباب وكثر الله من امثالكم وجزاكم الله خير

[مشلخ الذيب]

الصراحة اني مثلك متحير بين التاهو والاكسبدشن

ولكن فيه شي لاحظته تعجبت منه .. قبل ثلاث ايام اوصلت احد اخوياي لصناعية العروبة ياخذ موتره من الورشه ، وقمت اتمشى ابحث عن غرض ولاحظت كثرة الاكسبدشن بشكل ملحووووووظ