ياجماعة الخير الجيب جديد والدبل الثقيل علق ... وش الحل ؟؟؟ تكفون يالنشاما .

[واحد درويش]

غرزت بالنفود ودقيت الدبل الثقيل والدف لوك ولما طلعت من التغريزة

حاولت أفصلة بكل الطرق ريوس وقدام وفصلت البطارية

وكل المحاولات باءت بالفشل .

وجبته من النفود مشي 20كلم بالساعة

وديته لفحص الكمبيوتر وقالو ماطلع لنا شي .

مع العلم أن هناك لمبة بالطبلون تشر مثل لمبة الدبل لكن حمراء

وبين الكفرين الاخيرين علامة اكس


جي اكس ار تماتيك 8 سلندر موديل 2013

[صقرالحروب]

خله فالفاضي وبعدين فك الدبل خصوصا الدبل الثقيل
واذا جيت تعشقه لازم يكون القير فالفاضي جرب هالطربقه أن شاءالله تزبط معك

[قرناس حائل]

مادري انت فصلت الدفلوك ولا لا ؟

[abo_Majed]

دامها تأشر يعني ماهو شابك واللمبة اللي بها علامة اكس هذي الدفلوك

[sgl2002]

الله يعينك

هذي مشكله معروفه في اللاندكروزر الجديد وهو تعليق الدبل والسبب دينمو الدبل


المهم خل السيارة في الفاضي وافصل الدبل الثقيل والدفلوم ثم امش شوي قدام وارجع ورا

بعدين افصل الخفيف وان شاء الله يضبط

[واحد درويش]

يالربع جزاكم الله خير

ماخلينا شي كل شي سويناه

اللمبة لمبة الدف لوك
لكن الدبل الثقيل شابك السيارة ثقيلة والاربع كفرات كلها تقص .

وفكيت افياش دنو الدبل ونفضتها بالهواء .. ولا فيه فايدة

والدبل الخفيف مايشبك .ولمبة الطبلون الحمرا الي عليها اكس ترمش متواصل .

[abahal]

اللهم لاشماته موتر فوق 210 ويعلق الدبل بعد تعليقه الدعسه

الله يكون بعونك

[MSAN]

دينمو الدبل حق جيب اللكزس موديل 2012 صناعته (صيني)..!!!!


الله لا يوفق من غش المسلمين ويجعله يصرف فلوسه على صحته وعافيته

[ابو محمد 276]

جرب انفض الموتر شوي بقوة
ورا وقدام
حاول يمكن تضبط
ولا ارفع الموتر على رافعة غسيل البستم وحاول قدام وورا وافصل الدبل وشوف بس طفي الدفلوك اول
جرب منت خسران شي كلها محاولات يمكن تنجح

[alwali]

يا شباب الموتر ٢٠١٣
وده للوكالة هم ابخص
وعلى اي اساس تفصل البطارية يمكن انت بهذي الطريقة خربت البرمجة

[الدوسري2010]

سبق وصارت لي هالمشكله والسبب لان الدينمو حق الدبل وانت مغرز بطن الجيب حاك بالرمل فالتراب بوجه العدو يدخل بعض منه على الدينمو وديته للكهربائي وطله الدينمو ونظفه وركبه بعدين رفع الجيب من قدام من جهت السواق وحرك الكفر لين طفا والحمد لله ماعاد علق لكن عموماً هذي مشكله بأي دبل كهربا وشكرا

[×صقر×]

وده للوكاله هم ابخص فيه ترى كله خمس ميه ماتوديه عند البنقاليه يخربونه عليك بعدين ماشاء الله 2013

[×صقر×]

وجزاكم الله كل خير

[واحد درويش]

يالربع الله يوفقكم ويبارك فيكم والله حسيت ان الموتر موتركم من زود الطناخه فيكم


من باب الفائدة للجميع


أنا وديت الموتر للوكالة والموتر تحت الضمان وطلعت المشكلة من اوتو الدبل الخلفي ( السوتش ) وغيروه والحين ماشاء الله تبارك الله الموتر تمام .

وعلى ماقالو بعض الاخوان الموتر قيمته فوق الميتين الف ويعلق الدبل

الله يرحم جيوب اول الى موديل 2007 تكده وتروح وتجي وتاطا في بطنه ماكنك الا تعطيه نشاط ماشاء الله تبارك الله ..

الله يوفقكم ويبارك فيكم جميعا

[الدوسري2010]

الله يعطيك من خيره ويكفيك شره