محتار بين ثلاث مواتر

[khaled 118]

بسم الله الرحمن الرحيم

السلام عليكم ورحمة الله وبركاته

صبحكم /مساكم الله بالخير

ياجماعة الخير انا محتار بين ثلاث مواتر وابي شوركم

الاول اللي هو شاص <<< هذا هواي بس اللي رادن عنه ان الاهل مايويدهم الا انا وبه موتر ثاني بس دبلت تسبد انزل من الموتر وارتسب الثاني

الثاني ربع <<< مالي رغبه به حطيته من ضمن الخيارات لان الموتر ياخذ اربع انفار

الثالث اف جي <<< الصراحه ما اعجبن شكله ولا محد يختلف على قوته ماشاءالله


عاد انا الحين ضايع بينهن وابي شوركم لو تكرمتوا

دمتم بحفظ الله ورعايته

[ماء نوفا]

ماشاء الله على كلامك كذا اخترت انت وخلصت الي هو اﻷختيار اﻷول ونا مؤيد لك
بالتوفيق

[ابوضيف الله]

كل سيارة تختلف عن الثانية من كل النواحي
الشاص انت تبي جيب وحوض بنفس الوقت
الربع انت راعي حرة وأرض وعر
ولاتنسي ان هالسيارتين مافيها شي من الراحة لك وللأهل اذا ركبوا معك
ال أف جي سيارة ممتازة بالنسبه ل وضعك حسب ماذكرت جيب وتقدر تركب الأهل معك بكل راحة ولاتنسي انه أريح من الربع و الشاص
واذا تبي رائيي الشخصي خلك بين ال أف جي وربع باترول الجديداذا انت ماتبي جيب صالون
واحسب أمورك وشف رغبتك في النهاية

[((ابوملاك))]

والله انا انصحك ان كانك ماتبي الشاص خذ لك ربع فتك ٤٨٠٠ عشان الاهل ولا انا والله من عشاق الربع والشاص لكن بحكم الاهل عندك اقولك ربع نيسان اريح ولا لو تبيه استخدام قلت لك ربع تويوتا

[ساهر حايل]

كل سيارة تختلف عن الثانية من كل النواحي
الشاص انت تبي جيب وحوض بنفس الوقت
الربع انت راعي حرة وأرض وعر
ولاتنسي ان هالسيارتين مافيها شي من الراحة لك وللأهل اذا ركبوا معك
ال أف جي سيارة ممتازة بالنسبه ل وضعك حسب ماذكرت جيب وتقدر تركب الأهل معك بكل راحة ولاتنسي انه أريح من الربع و الشاص
واذا تبي رائيي الشخصي خلك بين ال أف جي وربع باترول الجديداذا انت ماتبي جيب صالون
واحسب أمورك وشف رغبتك في النهاية

كلام رائع .................

[عآشق الbaikal]

على حسب استخدامك ومشاويرك
وانا انصحك ب الاف جــي

[sgl2002]

الشاص شهر الا وانت كارهه .. ثقيل وغير مريح ويطفش
الربع ما استفدت شي لانك ماتقدر تركب اهلك معك وصراحه موتر بعد ماهو امن
الافجي افضل الخيارات اللي قلتها لكن لو انا بدالك بقيمة الافجي اخذ نيسان باترول ٤ ابواب فتك

الراحه والقوة والجودة اجتمعت لك

[khaled 118]

جزاكم الله خير جميعا

بس الباترول عيبه التفكك

[sgl2002]

صدقني وانا اخوك كلام بس

استخدمت شاصات تويوتا واستخدمت باترولات مديلات جدد ولا شفت من ذا التفكك شي

بالعكس الشاص اول من تفكك مراتبه قامت ترقل وصندوقه بالمطبات يلعب لحاله واصوات مزعجه

[بحرالقلزم]

انا ااقول الشاص التويوتا وبس
خاصة اذا به دفلوك
يخارج نفسه ويساعد غيره كلامي عن تجربه وموفق ان شاء الله

[khaled 118]

طيب اسعار الفتك 2008 2009 على كم بابين طبعا

[waleedalfaleh]

.........FJ.........

[حزم نجد]

اذا كان معك عائلة ماينفع ولا واحد من خياراتك للاسف

إلا اذا كانت العائلة الزوج والزوجة وثلاث اطفال مثلا الاف جي ممتاز مع العلم ان الركوب من عند باب السواق او الراكب لكن مافيه مشاكل دام الركاب اطفال

لكن اذا كان معك ركاب كبار صدقني بتتضايق انت والركاب وكل ماركب احد بتقدم المرتبه وبتصير هوشه

انا معي اف جي ومافيه مشاكل لان الي عندي اطفال لكن بالتأكيد تخطيطي القادم على صالون برادو او فورتشنر

الاف جي ممتاز ومافيه عيوب راحه وشنطه واسعه والموديل 2013 يجي تانكيين يمشيك حول 1200كم لكن المشكله بالركوب والنزول مع العائلة

بعضهم يقول الضيق ضيقت النفس وعادي اهم شي الوناسه ... لكن لاتصدق استأجر لك اف جي وجربه مع اهلك

انا ارشح لك برادو اعتقد افضل لك

وبالتوفيق

[abu juod]

بما انك تقول الأهل يركبون معك مافي غير آف جي
مريح وعائلي بنفس الوقت ولاتنسي الاستخارة قبل كل شئ .....
تحياااااتي ،،،،

[مشلخ الذيب]

ولا وحده مناسبة لك

الافجي الركوب غثيث بشكل ماتتصورة ابدا

اقترح عليك برادو او فورشنر او باترول فتك او اكستيرا ..