استفسار عن الثلاجة

[عبدالله بطي]

السلام عليكم ورحمة الله وبركاته

يا أخوان انا عندي شاص ودي اركب ثلاجة في الوسط هل تنصحوني اركبها ولالا
في بعضهم قال تخرب من كثر الحركة لن مثل ما انتم خابرين الشاص مناقز وبعض الأحيان أبنزلها عشان يركبون ثلاث أشخاص ياليت تفيدوني الله يجزاكم خير

[أبو عقيل النجدي]

شف يالطيب
حسب علمي المتواضع لايوجد ثلاجة بحجم مناسب بالوسط
لأن أصغر ثلاجة كبرسر حجمه كبير اذا ركبته
يوجد ثلاجات صغير مناسب لكن التبريد تعبان لانه بدون كبرسر

ماخليت شيء الا وجربته ولا نفع

[ابوسند9]

وعليكم السلام
الثلاجات عندك مقاسين عند السنيدي ام 11 لتر او 25 لتر وكلها تبريد وتثليج ولا تتاثر مع الحركه ابداا يعني لو تسدحها وهي شغاله مع عندك مشكله
واتوقع ال 25 لتر ممتازه وتقدر تضعها خلف المرتبه

[عبدالله بطي]

ما قصرتو وبيض الله وجيهكم الله يالنشامى

[راعي الرود]

والله انا اشوف انها بتضيق عليك لا جيت تركب احد معك خصوصاً الموتر غماره مايحتاج تضيق زود

ليش ماتفكر بوحده لك و للزمن و تحطها بالصندوق اذا كان موترك عليه شد ؟ 40 لتر لو تسقط بها ذبيحه تكفي

[عبدالله بطي]

والله انا اشوف انها بتضيق عليك لا جيت تركب احد معك خصوصاً الموتر غماره مايحتاج تضيق زود

ليش ماتفكر بوحده لك و للزمن و تحطها بالصندوق اذا كان موترك عليه شد ؟ 40 لتر لو تسقط بها ذبيحه تكفي

معك حق يا أخوي بس الموتر ماعليه شد ولا لو عليه شد ابركبها بدون تردد