استفسار عن البوالين

[المنطلدز]

السلام عليكم

عندي استفسار عن البالون
لقيت ثلاث انواع باالسوق

1 ترستار منب متأكد من اسمه ولا سعره

2 ماكسس ابو جمل وسعره 470

3 ابولو الهندي وسعره 510

كلهم جنط 16


ايهم افضل من ناحيه القوه والتحمل للوعر واقلهم رجه

مع اني كد جربت الماكسس لكن مقاس 17

[محب الهيف]

نصيحة لا تركب بالون ما عدم موتري الا البالون

[بوعبدالعزيز84]

وعليكم السلام
سعر الأبولو أرخص من كذا انتبه تركبة بهذا السعر لاقية أرخص الحبة ب430 تقريبا قبل أسبوعين
بصناعية الثقبة بالشرقية

[التعـ King ـديل]

عليك بالزين لو حدك على الدين

هيرو 16 ب 650 وال 17 ب 750

[المنطلدز]

ماقصرتو

لكن الهيرو غالي
وسبب اختياري للبالون لأنه يتحمل الحصى والوعر

ما ابطيت شاري طقم دنلوب جدد وتشققن مايتحملن الوعر

فلذلك ابي افضل شي من الانواع اللي كاتبهن انا نضرن اني ابركبهن موسم واحد وابفكهن

[حفيد بن صعصعة]

الهيرو دراهمه فيه

[فرفور بريده]

ماقصرتو

لكن الهيرو غالي
وسبب اختياري للبالون لأنه يتحمل الحصى والوعر

ما ابطيت شاري طقم دنلوب جدد وتشققن مايتحملن الوعر

فلذلك ابي افضل شي من الانواع اللي كاتبهن انا نضرن اني ابركبهن موسم واحد وابفكهن

بلاويه كثيره البالون

ركب كفر حجري افضل يكسرن الحصى تكسير والحياه تجارب

[التعـ King ـديل]

بلاويه كثيره البالون

ركب كفر حجري افضل يكسرن الحصى تكسير والحياه تجارب

دامك من بريده بتقوله الحجري من كثر مايركبونه اهل القصيم عساهم يقطعونه بالعافيه


انا اتكلم عن تجربتي مع الهيرو ملك الكفرات بلا منازع بعد السيام اللي تغلا وتركناه

[راعي الرود]

هيرو ممتازه

سيام تاير ممتازه

الماكسس كان ممتاز حالياً لا

ابولو في الوعر ماتحس انك مركب بالون مع اني احطها 20 الهواء مدري كذا مناسب ولا لا دايم مع البوالين انسمها اذا الارض وعره و ادخل و على 20 ممتازه الا الهندي ذا

^ كل اللي جربته مقاس 16 على لاند 2001

[أبوغيث 2003]

بلاويه كثيره البالون

ركب كفر حجري افضل يكسرن الحصى تكسير والحياه تجارب

الحجري وطيته ممتازه بالحيل لكن جوانبه ضعيييييفه قوه ادنى شي يشقه

الماكسس ممتاز للوعر لين على الموتر ولا يبنشر عيبه انه ينقص الهواء

ارشح لك الماكسس دامك تبيه للموسم بس

[ابوحسام9]

ارشح الماكسس ولاكن بشرط اذاجيت البر يكون الهوا20 واذاجيت الزفلت يكون ااهوا 28 وعلى شرط يكون تيوبلس

[بدوي نمبر ون]

البوالين الاوله راحت
انا مثلك بلشت وللحين مدري شسوي

[المنطلدز]

ماقصرتو
اما الحجريات شكلهن مهب زين على الفتك

لكن قررت اني ادهل الدنلوب الى ما يقضن واشري هيرو للديره والبر وكلش

ماقصرتووووو

[A.S.A.1]

هل يوجد بالون مقاس 825جنط 18 ؟وهل صحيح إرتفاع 900 واحد سواء جنط 18 أو 17؟؟للأهميةأرجو إفادتي

[الشيخ الظريف]

بالنسبه لكفر بالون بحثت في القصيم فلم اجد مقاس جنط ١٨ وبحثت في الرياض فوجدت محل لزوف لديه كفر مالون يركب على جنط ١٨ يقول الكفر ب٧٥٠ ريال وبما ان المتحدث يماني فقد صرفت النظر عن الشراء منه واضطررت الى شراء جنوط مقاس ١٧ وركبت كفر بريسا ٩٠٠ ٠ اما بالنسبه لفرق الارتفاع بين ١٧و١٨ فليس عندي معلومة اقدمها لك آملا ان اكون اعطيتك افاده ي ASA شكرا