استفساار محتار مابين اكسيبور وجيب لاند كروزر جي اكي

[محتاااااار]

السلام عليكم
اخواني معي مبلغ بحدود ال 80 الف ومحتاج سيارة عائلية
ومحتار مابين اكسبلور موديل 2010 نظيف وممشاه قليل
ومابين جيب جي اكس 2003 مستعمل وماشي كثير
وش رايكم ياشباب
اكيد مافية مقارنة بين الجيب والاكسبلور من ناحية القوة والصلابة والسعر والموديل وحتى عند البيع الجيب يمسك قيمته
لكن اخذ سياره جديده ونظيفة وممشاها قليل اللي هي الاكسبلور
ولا اخذ الجيب ماشي فوق ال 300 الف
شوروا علي يا اخوان ومشكورين

[غار بن شعلان]

عليكم السلام

ياهلا بك اخوي

اكيد وانا اخوك الاكسبلور افضل من جيب ماشي واجد وعمره 11 سنه وبتحط فيه لين تقول بس

ولكن لاتستهين بالاكسبلورر بالجوده والقوه ترى فكرتك خاطئه كثير شركه فورد من اكثر اهتماماتها الجوده والامان بعد الله طبعا

لكن حبيت انبهك انو الاكسبلورر سته سرندل الاكسبديشن هو 8 سرندل وممتاز جدا واعتقد بتلقى بالمبلغ الي معك اكسبديشن ان شاء الله

انحش عن الجيب وانا اخوك مكروف وموديله قديم

وقبل كل شي استخير مابعد الاستخاره شي

موفق خير والله يعطيك خيره ويكفيك شره مقدما وش ماشريت من سياره

[aboabdullah96]

الله يكتب لك اللي فيه الخير
مبروك مقدما

من ناحيتي اكسبلور اخو الجديد ابرك

انا كانت عندي قناعه مافي زي ممشى الجيوب اليابانيه في البر

لحد ما ركبت اكسبلور 6 سلندر وطلعنا فيه للبر مشاءالله تبارك الله تمشينا فيه بدون تنسيم ولا توقعت ابد هالممشى منه


ومره شفت امريكي 8 سلندر دفع رباعي مستمر يتاجر من الصفر مشاءالله تبارك الله مافي شي يصف بجنبه طياره بس مشكله كله استخدام الخليجي فقط سته سلندر وممشاه في النفود طيب

[راعي الرود]

لا هذا ولا هذا المبلغ اللي معك يجيب لك فتك نظيف 2005 - 2006 وممشاه اقل من اللاند

[المميـز]

:

ارشح لك الاكسبلورر للاسباب اللي انت ذكرتها موديل جديد وممشى قليل
وانصحك تاخذه من الامارات من نفس الوكيل عنده سيارات مسترجعه
واحد من الزملاء اشتراء منهم اكسبدشن استاندر دبل ب ٨٢ الف موديل ٢٠١٠ ماشاء الله
ويقول ان الاكسبلورر يجي ارخص من كذا ومواصفات فل
ولكن اتصل عليهم قبل لاتدق مشوار يمكن تكون الكميه خلصت
الكلام هذا بعد عيد الفطر مباشره اعاده الله علينا وعليكم بالخير

وعليك بالاستخاره بعد الاستشاره
والله يكتب لك اللي فيه الخير

: