استشارة ياخوان بالفورتشنر

[مبارك الشمري]

أسعد الله أوقاتكم بكل خير يأخوان

أنا ناوي إن شاء الله تعالى على الفورتشنر 6 سلندر تماتيك

اباخذه من الشركة نظام تأجير .

المهم أبي رأي الأخوان الي جربوا السيارة

من جميع النواحي وهل فيها عيوب او مشاكل

طبعاً يأخوان كثيراً ماتطرح الاستشارات هنا في المنتدى لكن

الملاحظ أنه فيه ناس تذم وتمدح بدون تجربة للسيارة

يأخوان الفائدة للجميع والمواضيع الي مثل كذا يكون فيها أجر إن شاء الله

الدليل الحديث الشريف في مامعناه قال صلى الله عليه وسلم (لايؤمن أحدكم حتى يحب لإخيه مايحب لنفسة .

[.أبوعبدالرحمن]

السيارة ممتازة جدا وعملية وقطع متوفرة

وهذا الرابط يفيدك إن شاء الله :

>>>> رابطة ملاك الفورتشنر - fortuner <<<<

[مبارك الشمري]

الله لايهينك ابوعبدالرحمن

ويجزاك خير

[النعائم]

انا لا املك هاذي السيارة لاكن اثنين من اصدقائي

لديهم هاذي السيارة وعلى حسب حديثهم انها جيدة

في المدينه والصحارى ولاكن يوجد عيب بسيط

هو المطب يوجد فيه مطب بنسبة قليلة وانا جربته

في الرمال ماشاء الله الموتر لا يعلى عليه وثف وقوي

[مبارك الشمري]

النعائم بارك الله فيك

وجزاك الله خير

[كومبو]

من تجربتي أقدر أقول لك مبروك مقدمًا

[غواص وقناص]

انا مستخدمه اخذته عام 2009 ولله الحمد قوة
بر ومدينة بس نصيحة كمستخدم لا تاخذ العايدي
انا مستخدم العايدي غيرت صحن الكلتش مره
والأن بدا معي صوت الفحمات والباقي ولله الحمد سليم
والأستخارة اهم من كلامنا كله
والله يوفقك

[مطر وسم]

على حسب كلام مهندس يشتغل بوكالة تايوتا مخرج 25 الدايري الجنوبي بالرياض

يقول الست سرندل خرباته كثيره دايم تجينا يشتكون منها اصحابها بالمكينه والقير التوماتيك بعكس الاربع سرندل انصحك فيها العايدي فقط


سمعت نصيحته وشريت فورتشنر 4 سرندل عايدي مع دبل 2012 ولله الحمد ثاني سنه مشتكى من شي وماشي بالمدينه والطعوس والشعبان زي الحلاوه


تحياتي لكم

[المتليك]

عندي 2009 تماتيك المشكلة اللي فيه الان اذامسكت ابريك تحس برجة بالدركسون
والتكييف اذا صرت واقف مدة يكون حار
اما مع الممشى ممتاز
شكرا لك
تحياتي

[abo naser 1]

الدليل الحديث الشريف في مامعناه قال صلى الله عليه وسلم (لايؤمن أحدكم حتى يحب لإخيه مايحب لنفسة .[/QUOTE]

لأني احب لك ما أحب لنفسي أبعد عن التأجير المنتهي با التخسير

ولا الموتر كا عملية وقوة مافيه كلام بس المركب هايلكس دفرنسين وسعر مبالغ فيه

الموتر لم أقتنيه لاكن زميلي فكه وكاله وباعه يقول مركب هلكس ماهو جيب وسريع الأنقلاب طبعا مع المتهورين فقط

المحرك افجي.لاند.شاص.ربع.فرشنر كلها محرك واحد 6سرندل على شكل V

[راعي الرود]

حلو والله مهب شين لكن زي ماقال ابو ناصر حاول تبتعد عن التأجير قد ماتقدر

و ان صار فيك فيك خذه من البنك اقل فوائد لاتاخذه من ابوجميل

[ابونبيل]

ممتاز جدا وبدا ينتشر بين الشباب اعرف واحد معه ٢٠١٢ تماتيك ٦ سلندر السنه هذي ثنين من الي دايم معه اعجبوا بالسياره وشرو مثله ٢٠١٣ دليل انهم مقتنعين فيه ومعجبهم
والحقيقه اشوفه افضل من الافجيه من ناحبه السعه وراحت الركاب بالباب الخلفي والسعر يعني توكل على الله
وكان قدرت غير نظام التأجير ترا افضل لك

[مبارك الشمري]

من تجربتي أقدر أقول لك مبروك مقدمًا

كومبو الله يجزاك خير

[مبارك الشمري]

انا مستخدمه اخذته عام 2009 ولله الحمد قوة
بر ومدينة بس نصيحة كمستخدم لا تاخذ العايدي
انا مستخدم العايدي غيرت صحن الكلتش مره
والأن بدا معي صوت الفحمات والباقي ولله الحمد سليم
والأستخارة اهم من كلامنا كله
والله يوفقك

غواص وقناص جزاك الله خير
وردك ان شاء الله فيه منفعه للجميع

[مبارك الشمري]

على حسب كلام مهندس يشتغل بوكالة تايوتا مخرج 25 الدايري الجنوبي بالرياض

يقول الست سرندل خرباته كثيره دايم تجينا يشتكون منها اصحابها بالمكينه والقير التوماتيك بعكس الاربع سرندل انصحك فيها العايدي فقط


سمعت نصيحته وشريت فورتشنر 4 سرندل عايدي مع دبل 2012 ولله الحمد ثاني سنه مشتكى من شي وماشي بالمدينه والطعوس والشعبان زي الحلاوه


تحياتي لكم

مشكور اخ عاشق ام سيلان


نصيحه تفيد الجميع جزاك الله خير