عطونا الشور والحل في نصب اصحاب البناشر

[اذاني]

السلام عليكم

عندي سياره صغيره شريت لها زيت وسيفون من الوكاله 0000000 مهو عشان الرخص فقط

الا عشان اتجنب الغش خصوصا في السيفون ((فلتر الزيت))

لاكن المصيبه البناشر كل ماجيت واحد قال شغل يد 30 ريال وارخصهم وكانه متجمل معي بـ 25 ريال

يعني ناهبني ناهبني 00000 شريت من عنده ولا من الوكاله بيطلع الفرق وزود

ومن اقوله معي زيت وسيفون يشين وجهه هههههههههه

والعماله من الجنسيه الي انتم خابرين ما ودي اذكرهم

علما ان ماعندي مكان اغير فيه زيت الموتر


يا اخوان وش الحل معهم ؟؟؟؟؟؟

[غار بن شعلان]

السلام عليكم

غريبه انا مثلك اشتري زيت وسيفون من محل قطع الغيار واغيره عند البنشر وياخذ مني 15 ريال شغل يد

لكن الحق ينقال انا عميل عنده من اكثر من 15 سنه مدري عن البناشر الثانيين وبالعكس يشيد فيني اني اشتريه من برى ويقول ارخص لك واضمن ويقول السعر موب من عندنا من الموزع تسعيره ثابته

[وطن العزة]

الحال من بعضه

أغلبهم متفـقين على 20 ريال والبعض يكش بوجهك ويرفض , طبعا هذا عندنا بالدمام

ومثل ما قلت الزياده فيك فيك ... لكن أقلها تضمن شي أصلي ولا هو مغشوش

[ابوسند9]

وعليكم السلام
افضل شي لا تكلمه ولاشي خله ينزل الزيت ويفك السيفون وبعدين نزل الزيت وعطه من 10 لل15 ريال
بعدين حاول انك تروح للبناشر الميته ولا عنده زبائن

[مدمن مرق]

اول شئ اسألة تغيير الزيت بكم, يوقلك كذا كذا قوله يعني يطلع شغل يدك كم يقولك 5 ريال.
بعدين قوله طيب مع الفلتر يقولك كذا كذا قوله طيب كم سعر الفلتر عندك يوقلك كذا كذا والباقي شغل يده, راح يقلله.
قوله تم ولا فك الكبوت عطه الفلتر ولاجا وقت الحساب عطه اللي اتفقت عليه, ماراح يفتح فمه بهالطريقة,
لكن تقوله معي فلتر من اولها راح يطمع, حتى لو تشتري علب زيت من غيره الطريقة مسكتة.

[أبوأسامه...]

خبطة سيارتي بسبت الزيت المغشوش من البنشري

[المميـز]

:

انصحك بالبناشر اللي برا الديره مباشره
يدورون احد يغير عندهم

:

[اذاني]

اشكركم جميع

يابو سند لو سويت زي ماتقول وحطيته قدام الامر الواقع وعطيته 10 ولا 15

وش راح ايصير 000000 والله اني اتجنب المشاكل ويمكن ما اقدر امسك اعصابي مع الحراميه

[شمايزر]

السلام عليكم ...
بالنسبه لسعر غيار الزيت مع الفلتر لا يقل عن ١٠ ريال ولا يزيد عن ١٥ ريال واذا زاد اكثر من ذلك مخالفة .
واذا رحت البنشري قالك غير فلتر الهواء وغير فلتر المكيف وهو ما بعد شيك عليها استغلال ١٠٠٪١٠٠ .

لكن (البخشيش ) من بعض منا يستغلونا فيه الحلاق والبنشري والقهوجي وغسال السياره
وغيره وغيره وغيره .

[كم كيلو باقي]

زي ماقالوا لك الشباب
احرص على البناشر اللي برا الديرة
وبالنسبة انك تخليه يفك الصرة ثم تنزل زيتك من السيارة تأكد من الحكم الشرعي للمسأله لأن العرف ان الزيت من عنده وشراء الزيت من برا عكس العرف فلاتحط بذمتك عشان عشره ولا عشرين
==========

[عاصفةرعدية]

الله يصلح الحال ونااخوك

[rigidman]

كان الله في عونك وعون المسلمين..

قبل امس مريت البنشري يمني وقلت له ابغى ترصيص الاربع كفرات قال 40 قلت طيب وبيرفع السيارة كاملة وبفك الكفرات دفعة وحدة وطلبت من يسوي بالكفرات حرف X عشان يتساوى المسح ورفض الا ازيده 10 ريال !! يا آدمي السيارة معلقة بكبرها والكفرات كلها على الارض مايصير تستغبيني ورفض قال برجع كل كفر مكانه . هددته بالشرطة ورفض،
المهم اتصلت وجت الشرطة وقلت لهم السالفة والعسكري كان طيب بزيادة المهم الزمه يبدلها دامها مثل ما ابغى .. وبعد ماخلصت السيارة اعتذر .

الله يرحم حال المواطن

[اشراف]

كان الله في عونك وعون المسلمين..

قبل امس مريت البنشري يمني وقلت له ابغى ترصيص الاربع كفرات قال 40 قلت طيب وبيرفع السيارة كاملة وبفك الكفرات دفعة وحدة وطلبت من يسوي بالكفرات حرف X عشان يتساوى المسح ورفض الا ازيده 10 ريال !! يا آدمي السيارة معلقة بكبرها والكفرات كلها على الارض مايصير تستغبيني ورفض قال برجع كل كفر مكانه . هددته بالشرطة ورفض،
المهم اتصلت وجت الشرطة وقلت لهم السالفة والعسكري كان طيب بزيادة المهم الزمه يبدلها دامها مثل ما ابغى .. وبعد ماخلصت السيارة اعتذر .

الله يرحم حال المواطن

كفو...عطني عشره في كل ديره مثلك وكل شي يصير تمام

[بدوي جنوبي]

هل تقوم بتغيير الزيت ينفسك DIY