شاص نيسان فتك سست خلفي

[بن شمروخ]

السلام عليكم ورحمة الله وبركاته

أسعد الله صباحكم / مسائكم

شاص نيسان فتك بنظام الريش السست للتحميل

وانا اتصفح المنتديات القطرية والمختصة بالسيارات طحت على صورة للمبروك شاص الفتك موديل 2013 بسيت خلفية وارد قطر بسعر 100،000 الف ... لا أعلم اذا كانت الادارة تسمح بتنزيل صور منقولة ام لا والصورة موجودة في حسابي بالانستقرام، عبدالرحمن ابن شمروخ

واللي يقدر يجيب لنا معلومات اكثر عن الموتر اكون له من الشاكرين

[فهدالخرس]

موجود بالرياض
وانا لقيت واحد معاه شاص نيسان 2013 استاندر بدون ثلاجه سست
ويقول شاريه ب 93 الف من معارض النسيم

[1 أبو يزن 1]

انا اللي اعرف ان
اللي مكينته 4500 يجي سست
واللي مكينته 4800 يجي ياي

[الحميضاني]

انا واقف على. شاص فتك 2013 فل كامل بسعر 99500 سست. وميكنه فتك 4800 الموقع عرعر معرض الزوين

[الفريد21]

السلام عليكم
انا شايفة قبل تقريبا عشرين يوم بالخرج عند معرض العرجاني فل كامل هزاز ثلاجة قير عادي م 2013 ب 103000 تقريبا

[فهدالخرس]

مالك لوا اخوي ابو يزن
الموتر اللي شفته مع الرجال مكينه فتك انا فتحت كبوت الموتر وشفته

[بومالك]

خلاص مكينة 4500 تقولكم استرو ماوجهتو

[jeep 2001]

انا شافية بعيني اليوم في معرض في الرياض في حي السويدي تقاطع الدايري مع شارع المدينة
شاص نيسان سست خلفية دفلك وفتحت كبوتة وشفت مكينة الفتك 4800 وفيه تكاية لاكن بدون ثلاجة يعني ماخذة مساحة على غير فايدة
وقيمتة 101
واعيد واكرر تكاية ولاكن بدون ثلاجة

[sgl2002]

انا ابيهم يعيدون تصنيع ال٤٥٠٠ على الصوالين

[MAAMutlaq]

السلام عليكم ورحمة الله وبركاته .

هذا الفتك 4800 في معارض بريدة ( ما أعلم عن مواصفاته وأسعاره ) .

تلاحظون طرف الشكمان مابه الدبة الأخيرة , وش السبب ؟ .



تحياتي .

[jeep 2001]

الدبة الخلفية تجي في الياي فقط لاكن السست تجي مثل كذا

[مدمن باترول]

اللي بالصور هذا سياحي 2013
بدون دفلوك وسست ومحرك فتك 4800
وسعره 92 او 93

[abahal]

كلها عذاريب بالمنافس للتايوتا يوم نزل الباترول الحوض قالو يايات مايتحمل زي التايوتا سست والحين نزل سست

ولا اغلبنا مكاشيت مانحتاج السست

[بومالك]

طبيعي يكون نهاية الشكمان بدون دبه وذلك لتوقع احتكاك لعاب السست عند التحميل بالدبه

[بدوي نمبر ون]

زين يالربع وشلونه للمكاشيت واهم شي (( الطرد ))
لاني راعي طير وافكر بواحد
صراحه تعبت من الجيب للبر للسفر ولكل شي مت صراحه نزل وشل
ابي اخليلي موتر للبر فقط
والثاني للاستخدام اليومي
بالله هو زين انا محتار من فتره