منجوووس صنااااعي
السلام عليكم ورحمة الله وبركاته
حيا الله الشباب والشيبان
انا من عشاق الصيد بالطعم الحي .. وعادة استخدم المنجوس في الصيد ، لكنه أوقات يتعبك وانت تدوره وأوقات ما يتوفر أبد ، فبحثت في النت عن طعم صناعي يشبه المنجوس وبالفعل لقيت شركة تبيع Soft Plastic Lure شبيهه جداً بالمنجوس ، اكثر ميزة عجبتني فيه انه يستمر معاك اسابيع ما يحتاج تغيير او تبديل الا في حالة ضرب عليه شي أقشر وقطعه لك ، وتقدر تركب عليه أي ميدار تبي
يجي منه ألوان مختلفة
مجموعة ثانية مع اختلاف بسيط
بعد تجربة الطعم على أرض الواقع أثبت إنه فعال وفتاك بشكل كبير .. خاصة على الضلعات والحواقيل .. لكنك تحتاج تلشط السمكة علطول لأنها راح تتفله مباشرة لأنه صناعي .. المزيزية والسبيطية لحقوه طيران لكن ولا واحد ضرب عليه .. أظن لأنه ماله رائحة ، ماعدا مزيزي واحد نتش نتشه وفك .. غير رأيه الرجال
للي حاب يشتري هالنوع من الكذابات ، يلاقيها على هالروابط
Soft plastic lure
Soft plastic lure
اتمنى لكم الفائدة
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة m.al
