اخواني الكرام هل يوجد طريقه لزيادة راحه الاف جي

[عابرسبيل2020]

السلام عليكم
اخواني عندي اف جي 2010 غيرت له مساعدات ويايات اصليه شد بلد وبصراحه مو مريح ياليت تفيدوني حسب خبرتكم هل يوجد طريقه تجعل الاف جي اكثر راحه وشكرا لكم
0580808045 الموقع جدة

[اسدهم]

تقصد مطب الكفرات لها دور ركب شي لين ولا تحشرها بل هواء خله علا30. واذا انت خارج الرياض من ضواحيها.
نقص الهوا لين عشرين

[ابو ســــاره]

انت الان جرب تنقص هواء الكفرات خليها 25 وشوف الفرق اتوقع الهواء زايد عندك وتحس بالمطبات قوية . ولا تنسى مطبات جدة غيييير .

[القناص]

خل الهوا 33
وغير الكفرات دنلوب
الدنلوب جدا لينه للمدن
تحياتي

[sgl2002]

المساعدات هي السبب الأول في الراحه


انا معي باترول من يوم ركبت مساعدات شاص طلع شاص من قوة المطب

وكان معي شاص تويوتا من ركبت له مساعدات باترول طلع مريح جدا

[إبريلي]

أول شي وش نوع الكفرات بموترك اذا كانت حقات الشد ( الدنلوب ) ركب ماكسس او شاهين مقاس ٢٧٥ / ٧٠ وخل الهواء ٣٠

[التمسساح]

الله يقلعه من دون السيارات اخس سياره استخدمتها

[speed62]

غير كفراتك
افضل كفر للخطوط والمدينه للسيارات الكبيره قوديير 275-75-17 جدآآآآآآآآ لين بس غالي

[راعي البحري]

اخوي معليش السيارة مصممة كذا
مع احترامي لآراء الإخوان
استخدامها في المدينة غير مريح
استخدامها في الطرق السريعة سيئة
استخدامها في البر ممتازة
وبشكل عام
الياباني أقل راحة من الأمريكي
تقول ماهو البديل للإف جي من الأمريكي
أجاوبك إنه الشروكي ثلاثة في واحد بر وسفر ومدينة وراحة
وأنت واختيارك
للعلم أنا لا أملك شيروكي
ولا قد ملكته فقط جربت قيادته
وهذي وجهة نظري

[XRAY MAN]

عز الله إني أشوفه مريح

[اكسير الحياة]

يا اخون الراحة نسبية من شخص لآخر ... يمكن الأخ متعود على سيارات مريحة ونازل منها وراكب الاف جي اكيد بيكون مزعج وغير مريح انا نزلت من شاص 2012 وشريت اف جي والله اني احس براحة اللكزس ... الاف جي جيد في الخطوط والمدن وممتاز بالبر اذا معك زيادة الدينالي دبل راحة ومرتفع وبر لو تبي