تحذير للمسافرين للامارات عن طريق الاحساء - سلوى - البطحاء

[التعـ King ـديل]

السلام ورحمه الله وبركاته

كثير منا اذا جاء يسافر الامارات او قطر يستخدم طريق الاحساء المتجه الى سلوى المنفذ السعودي لقطر او يستمر بالمشي الى البطحاء المنفذ السعودي للامارات ولكن هناك بعض الامور تنغص على السائق صفوه وبذكرها لكم على شكل صور مع بعض النصايح

نبداء بالصوره الاولى




ونلاحظ هنا طبعا الوقت الخطر اخر الدقائق قبل غروب الشمس ونشوف هنا الاخ مولع النور ولكن نوره بجهه وحده فقط وتنتبه لها اذا قربت من بعيد ماتدري عن وجوده


الصوره الثانيه





ونلاحظ هنا بعد غروب الشمس شلون التريلات ماعاد تبين وهذا حال اغلب التريلات بالخط نورها ضعيف وماتنتبه له الا اذا قربت مره


الصوره الثالثه وهي اخطر شي تواجهه في طريقك





نلاحظ هنا راعي التريله يتجاوز على الرغم من وجودي خلفه وقريب منه وهذا الشي تشوفه كثير واكثر الحوادث صارت بسبب هالاشكال لذلك عند مشاهده تجاوز تريله نصيحه مني للجميع احرقه بالتكبيس ( ديم له ) لين يوخر لانه مجرد ماتهدي علشانه بدون ماتكبس يبداء يتمشى ويتجاوز على مهله وانا اتكلم عن تجربه مجرد ماتحرقه تكبيس يرجع لمساره


اعتذر عن رداءه التصوير لاني كنت وحداني وقتها واصور وانا اسوق اعرف ان اللي اسويه خطاء ولكن الله يسامحنا

[x.ok]

شكرالك على التنبيه
ومن خلال سفري من الرياض للشرقية في مرات متباعدة لاحظت هذا الخطر على هذا الطريقة خاصة

[sgl2002]

من حرض الى منفذ بطحاء التريلات تطوف عليك والمشكله الخط من يمينك ويسارك مقفل بردمية طعوس تقول جبال

لايمديك تفرك منا ولا منا


وكذلك خط الشرقيه في الليل التريلات يطوفون ولا همهم احد


لبا الامارات من يوم تتعدا المنفذ ابن امه يطوف

[aboabdullah96]

جزاك الله خير على التنبيه


من الرياض للشرقيه اذا شفت تريله تبع قطاع عسكري ( خذ الحذر الف مره )

لانه يتعامل مع الشاحنه كانه يسوق اكسنت اكثر من مره تعرضت للخطر بسبب سواقتهم
سرعه - يمشي في اي مسار - تجاوز سريع

[وطن العزة]

الله يعافيك على التنبيه

كنت أداوم جهة يبرين مرورا بطريق الهفوف حرض , والله يالطريق ذاك يا هو مخاطر لكن الحمدلله فكنا الله منه وقربنا لأهلنا

أذكر مره كنت أمشي 140 ما دريت إلا راعي تريله طايفني من يسار والخط سيد واحد


وسبب هالتهور 1- نظام المرور بالنسبة للشاحنات عقييييييم ولا فيه شي يردعهم

2- إنعدام الضمير لأن لا قدر الله صار حادث وصار وفيات يبي يطلع منها بارده مبرده بسبب

التأمين اللي يغطي كل شي ولا همه الأوادم اللي ماتت + ان التريله ما هي له ولا دفع فيها ريال


تعال عندنا بالدمام بالذات طريق أبوحدريه تبي تشوف الهوايل

[ملك الفكتوريا]

مو بس هالطريق حتى طريق الرياض الدمام


مره لقيت تريلة طافي نورها وبغلت امن الطرق عطوه مخالفة ويالله امش

وش الفائدة اهم شئ المخالفة المفروض يرصه عنده للنهار ويفكه و يصلح اللمبات

[لهذام]

في مثل هذه الحالة اتبع الآتي :

- إحرقه بالتكبيس كما ذكر أخونا
- علق على منبه السيارة عليه "البوري"
- حذره من خلال إشارة اليد بعمل حركات يفهم من خلالها أن عمله خاطىء

بتكاتفنا نلزمهم الجادة ، والا مرورنا ماعندك احد ..!

[abo naser 1]

انت في نظر قائد النقل الثقيل نملة ما دام تحت تأثير التأمين + تخاذل المرور معهم

هل تعلم ان في الامارات من يعمل العمل الي بالصورة خروج نهائي

الم ترى قيادة النقل الثقيل داخل الامارات كيف يلتزمون بالانظمة واذا دخل ديرة. الربع قلب متهور مخالف للانظمة هذا وش يدل عليه ديرت !!!!!

[speed62]

الله يعطيك العافيه
فعلآ التكبيس هو الي ينفع معاهم خاصتآ لاصار نورك شمس
الكلام هذا ينطبق بجميع الخطوط اذا جيت تتجاوز تريله حتى لو انه ماسك المسار الايمن عطه كبسه او كبستين
احيانآ يقررون فجأه انه يبغى يمسك النص ليتجاوز التريله وفي هالحاله بيلف عليك لانه ماشافك او مش مهتم

[التعـ King ـديل]

يعطيكم العافيه على المشاركه

[abu-turki2009]

جزاك الله خير على التنبيه