سؤال بخصوص نوع البنزين للسوناتا !!!

[عاشق السيل]

بسم الله الرحمن الرحيم

السلام عليكم ورحمة الله وبركاته

أسعد الله أوقاتكم بالخيرات والمسرات

بفضل الله شريت سوناتا 2014

وبصراحة احترت جدا بنوع البنزين 91 أو 95

بحث بالنت كثير قالوا 91 وكثير قالوا 95

الوكالة قالوا عب 91 والكتالوج ماحدد النوع يقول خالي من الرصاص وبس

وبصراحة أنا متخوف من الـ 91

ولما سألت ميكانيكي ماهر قالي عب 95 أحسن لك بس لازم تخلص الـ 91 وبعدين تعبي 95 وتمشي عليه مسافة وتجي نغير لك البواجي !!!!

بصراحة دخلني بدوامة جديدة

أبي رايكم يالنشاما خاصة اللي معه نفس السيارة

وياليت تفيدوني بنوع الزيت المناسب وجزاكم الله الفردوس الأعلى ...

واعتذر من الإدارة لموضوع لا يخص سيارات الدفع الرباعي

[اسدهم]

فقط نشيط95

[التمسساح]

هذا ميكانيكي نصاب يقولك يغير البواجي البواجي تمشي معاك اكثر من ٥٠ الف كيلوا ولو عبيت بنزين احمر والتانكي فيه اخضر مايضر ولا يأثر على البواجي

[صديق لمنتدى]

بما أن الوكالة تقول 91 عب 91
خاصة إن الهيونداي حساسة جداً بالبنزين
لأن واحد من زملاء أخوي معه إلنترا 2012 أ 2013 من زود الحرص عبى 95 وصار عنده مشكلة وراجع الركالة وصلحوها له (أظن بالبخاخات) وقالوا له تعبي 95 مرة ثانية نحن غير مسؤولين عن ذلك البنزين المناسب لسييارتك هو 91
وبلا فلسفة

[ابو خالد 1992]

معي سوناتا 12 واعبي 95 وماشية تمام و الحمد لله

[عاشق السيل]

بيض الله وجيهكم

رغم اني لازلت محتار !!

ومن ناحية البواجي ماراح اغيرها لو غيرت البنزين
كنت شاك انه نصاب هههههههههه

[أبوعذااب707]

95 السياره تكون انشط ويطول البنزين
مرات اكون مسافر وما احصل 95 واعبي 91 ومافي اي مشكله

[أطلال نجد]

كانت معي سوناتا v6 موديل ٢٠٠٨ و نوع البنزين المخصص لهذه السيارة هو ٩١ جربت بعد مدة من الاستعمال بنزين ٩٥ ولا استفدت شيء

لا زيادة في العزم و لا غيره خساره فقط و رجعت على ٩١ حتى بعت السيارة في عام ٢٠١١

[Alwagdani]

شوف يبن الحلال خذ النصيحة معي سوناتا٢٠٠١ احط ٩١ علي يدي من الوكاله الي الان الحمد لله ٩١ افضل من ٩٥ والمكنيكي الي رحتله نصيحة لاعاد توقف عليه بقلك شي ثاني كان معي بترول صالون ٩٩وديته صيانة في الطايف تغيير بواجي وقالي المهندس فلبيني وش نوع البنزينم قلتله ٩٥ ضحك وقال غيرك ٩١ افضل تركته ماغيرت بعد ٦شهور طلعلي دخان اسود وصوت طقطقة في الطعوس في المكينه لدرجه ان الدخان طالع تقول حقين مبيد الحشرات وكل مامريت مكنيكي الي يقول مبوش والي يقول بخاخات ورجعه الفلبيني قالي غير البنزين ٩١ انا قايلك بتواجه مشاكل وفعلا عيرت ٩١ وجلس الموتر معي ٣ سنوات وعاد شفت الدخان والطقطقه الي فالمكينه اختفت والعزم والفزة ماشاء الله من وافع تجربه

[عاشق السيل]

الله يعطيكم العافية ،، الظاهر إني بستمر على 91 والله يجيب الخير !!

أخوي Alwagdani ماقصرت بيض الله وجهك

بالنسبة للباترول معروف بنزينه 91 ،، أنا معي 98 وما أعبيه إلا 91 وماشي معي تمام ،،

أما السوناتا أنا خفت إن الشكل الأخير تغير من 91 لـ 95 لكن يبدو إن الناس اللي قالوا 95 حريصين بزيادة !!

[بدوي جنوبي]

يالله حيه
وينك مختفى من زماااان ما نشوفك

يعنى أختفيت ونسيت شروط القسم

يغلق الموضوع