ابي رايكم في الباترول 2009 تماتيك لاهنتووووووووو

[asd20009]

لقيت موتر باترول 2009 صالون طبعا ... تماتيك حالته ممتازه ممشاه 190 الف كيلو
سعره 75 الف

انا اشوف السعر مناسب
بس مادري عن الموتر نفسه وعيوبه لان فيه ناس نصحوني بخصوص الدبل وبخصوص الفتك وانه فلتر ولايصلح للرمل ....

مع اني ماني راع مطاعس بلحيل ومراقا زي بعض الشباب ....

ابي نصيحتكم لاهنتووووووووووووووووووووووو

[رزم الغرب]

لايعلى عليه عائلي وفردي ودوامات وبر

[التعـ King ـديل]

الموتر لا يعلى عليه رقم 1 في البر سواء تماتيك ولا عادي

بس سعره 75 وفتك الموتر فيه شي لان الفتك السفاري 1 تماتيك ماينزل عن 90 - 95 والسفاري 2 فوق ال100

[وليد46]

كلام كنق صحيح. انتبه من السعر وتاكد

[المميـز]

:

التماتيك ممتاز
لكن سعره رخيص ماشاءالله

:

[أبو الوليد 14]

وش مواصفات الموتر ؟
البدي وش وضعه ؟
المكينة وش وضعه ؟

إذا جاوبت عن الاسئلة نقدر نفيدك اكثر يالغالي

[التعـ King ـديل]

اذا الموتر متماسك وممشاه زي ماقلت ومحركاته نظيفه وبديه نظيف او على الاقل فيه باب او رفرف تراه رخيص مررره

بشرط انها فتك مكينه 4800 ومكيفين وثلاجه اما اذا لا لا يهمك واتركه عنك

[التمسساح]

استخير وافحص قبل كل شي

[sgl2002]

سعره رخيص مره

اهم شي قيره انه مواظب على صيانته؟

[راعي الرود]

كانك ماتبيه عطني رقم راعيه

الموتر لقطه كانه نظيف وسليم ( محركات )

البدي مايمنع فيه باب رفرف اشياء خفيفه اما وجهيه ولا تنده لا تقربه

ولا يحتاج فيه كلام الفتك انا شريت لاند بسبب الماده قاصره شوي مالقيت شيء نظيف غاليات ولا كان ماخذ فتك من زمان

[ابوسند9]

هذا سعر موديل 2007 لون لؤلؤي
لكن اذا لون كويس ومافيه سمكره فهذا بلاش
اما اذا مرشوش كامل فهو غالي
وشيك لا تكون المكينه مفكوكه او خليجي مار عليه تيربو وما شابه
وبخصوص الدبل ما عندك مشكله اصبر من القير العادي ولا تطعس اللى با الثقيل ما عندك مشكله

[على كف القدر]

كفو ووفو الاخوان بالافادة
بس تأكد من بديه ومحركاته واللون يحكم

[asd20009]

الله يعطيكم العافيه ويجزاكم خير من جد نورتوني الله ينور عليكم وكل ملاحظاتكم تحت التطبيق والنظر في امور الموتر قريب ان شا الله ....

[Abo_Faisal_506]

الموتر لا يعلى عليه رقم 1 في البر سواء تماتيك ولا عادي

بس سعره 75 وفتك الموتر فيه شي لان الفتك السفاري 1 تماتيك ماينزل عن 90 - 95 والسفاري 2 فوق ال100

انا مع كلامه
مهب بايع بها السعر الّا فيه شي !

[أطلال نجد]

ماشي ٢٠٠ ألف ما عاد بدري

دور لك على واحد نظيف ماشي في حدود ١٠٠ و بتلقى إن شاء الله

أهم شيء لا تأخذ موتر ماشي بهالأسعار

حتى لو كان باترول أو غيره ،،، بالتوفيق