معي ددسن 91 GL ابي ارهمها (بماذا تنصحونني ياخبراء ؟ )

[محبوبك1]

السلام عليكم ورحمة الله وبركاته
كيفكم إن شاءالله تمام ....

المهم انا معي ددسن 91 GL المكينه وضبتها يمكن مرتين تقريباً والآن يبيلها توضيب ومتوهق لأنها تنقص من الرياض للقصيم علبه ...

السياره ماعدلة فيها اي شي ... وقبل فتره جاني واحد من العيال يقول ركب لها مراوح سبارو وبواجي رياضيه وتضبط معك .... والله مدري عنه !؟

انا والله راعي مكاشيت لديارن بعيده ... والله يجمل حالكم ابيكم تنصحوني في اي شي يخص الددسن مثل الترهيم او التنشيط او اذا انتم تعرفون محل للتوضيب في الرياض اسعفونا ... وأكووون شاكر لكم جزيل الشكر

[((ابوملاك))]

غير المكينه وارتاح

اشتر سدرك قليلة الاعطال واذا تبي عزم قوي وحلوه تتحمل الجور لكزس اقوى من السدرك

[ابونبيل]

ركب محرك لكزس ٦ سلندر اشوف يركبونها راعين المرقى ومكينه قويه جدا وممتازه
واذا تبي الارخص سدرك مع اني انصح باللكزس

[محبوبك1]

طيب ابي امدد لها اسلاك وبطاريه اضافيه للمكاشيت ابي. افضل محل في الرياض ؟

[محبوبك1]

Uppppppppppp

[bad boy]

أخوي خلك على مكينة موترك أحسن من الترهيم ووجع الراس والخساير
وبالاخير تقطعك بشعيب ولا بفيضة ماتلقى الي يفزع لك
مالك الا انك توضب مكينة موترك ولا تدور لك مكينة من التشليح بس تكون نظيفة

[محبوبك1]

طيب طبلونها خربان وين احصل الطبلون لأن تشليح الحائر لفيته مالقيت النظيف كلها تعبانه