السلام عليكم ورحمة الله وبركاته
ابي افضل كفرات لليوكن اكس ال للخطوط والبر
ومقاسها 17
احد يقول مشيلان والثاني برجستون وناس يقولون جنرال صحيح المثل اللي يقول اذا بغيت تحيره خيره
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
وعليكم السلام ورحمة الله وبركاته
أنا ماراح أمدح لك كفر معين ولكن أبذكر لك تجربتي بإختصار ليوكن 2002 لازالت إلى الآن أداوم به جلد وحرات وبطناج مسافة 14 كيلو رايح جاي غير الإسفلت طبعا ومن 7 سنوات
جربت البرجستون سنتين كان ممتاز وأنسى إنه يبنشر لكن مشكلته قاسي جدا حتى على عيون القطط والحفر الصغيره
وجربت الدنلوب طقمين ممتاز ويتحمل الجلد ولا يبنشر بسهوله وكان الين بقليل من البرجستون لكن يضل قاسي
الآن لي سنتين مركب طقم هانكوك كوري وبأغيره قريب بنفس النوع لأنه لين وماله صوت بالأسفلت ومريح بالمطبات وبنشره قليل في خلال هالسنتين بنشر معي مره أو مرتين على ما أذكر
والله يوفقك إلى مافيه الخير لك ولسيارتك
اخوي فيه نوع اركبه تايلندي اسمه ماكسس
ممتاز كل 3 سنين اغير طقم كامل
والله ماقد غيرت له بنشر ولا اعرف العفريته
الكفر ب 400 ريال
اليوم رحت أدور ميشلان ولا لقيت فرنسي كل السوق كندي وتايلندي وفرق التايلندي أعرض شوي الكندي قيمته 730 انتاج شهر سته 2013
ولقيت قودير شهر سته قيمته 580 طبعاً أمريكاني
وش لقيت وش لقيت امههههه ايه لقيت برجستون جاباني شهر عشره لكنه AB
وقيمته 734
وش رايكم لو انك مكاني وش تختار
هانكوك
او ماكسس نوع برافوا
السلام عليكم ورحمة الله وبركاته
قبل 4 سنوات كنت محتار مثلك ورسيت على جنرال والحمد لله خط وبر مرتاح جدا والى الان الدعسه كماهي ماشاء الله تبارك الله .. وف البر نادر تحتاج الدبل عكس غيرها
هذا من واقع تجربة شخصية والله يكتب لك اللي فيه الخير
أرسلت من GT-S7582 بإستخدام تاباتلك
سبحان الله وبحمده .. سبحان الله العظيم
انا عندي يوكن 2011 شاري الماكسس
وقبل كان عندي يوكن شاري نفس الكفر وكذلك جميع الزملاء
نستخدمه منذ اكثر من ثلاث سوت ولا احلى
ورخيص
265*17*
C:\Users\ASUS\Pictures
المكسس ياباني. وعساه AA
ماكسس برافو تايلندي الحرارة الظاهر B التراكشن A
أو العكس، أتكلم عن مقاس ١٦
لكن عن تجربة ٣ سنين ونصف ممتاز جدا
الموتر جمس حوض
ركبت مشلان و على فكره مقاس 17 ما يجي إلا كندي فقط
اما مقاس 16 يجي فرنسي و بعد 8 شهور صار ناشف و يتنتف من الأطراف
بعده ركبت دنلوب و مشكلته يطلع صوت مع الخط
و إن شاء الله ناوي الكفرات الجايه على هانكوك
جربنا قوديير AAطقمين على اليوكن الاول غيرناه بعد 80 الف والثاني بنغيره قريب بعد ممشى 100الف كلها بدون اي بنشر
ليييييييييييييييييينه جدآ مشكلتها بعد ال50 الف تقريبآ تطلع اصوات زي التحبيل
الذين يشاهدون الموضوع الآن: 1 (0 من الأعضاء و 1 زائر)