سؤال : فيه طريقه سهله لتمديد الماء من تحت الموتر ؟

[بدران الدوسري]

السلام عليكم

حيا الله الاخوان

اول شي نوع الموتر هايلكس من 2006 وفوق

ثاني شي نوع التانكي تانكي الوطني

ثبت التانكي ابشركم وركبت الليات وكلش لكن شكل (اللي) في الصندوق مهوب مقبول
فسؤالي فيه طريقه أسويها بنفسي وأمدد اللي من أسفل الموتر ؟

وشكرا

[بدوي جنوبي]

عليكم السلام
طالع تحت السيارة وتمعن
وان شاء الله تلقى درب للى

[مسير عليكم]

الصندوق من يم الغماره فيه فتحات ربل او بمسامير تفكها وتزل اليات معها

[قلايد الخيل]

خويي معه غماره 2010 وخارم الحوض بدريل وماد الي عند السست ومنظره زين لاكن الحوض مخروم بمقاس الي

[بدران الدوسري]

الله يجزاكم خير

اخوي قلايد المشكله هذي اذا اضطر الواحد لخفس الصندوق

كانها بتاصل لكذا فيازين اللي في الصندوق

[شاق النفد]

وانا اخوك وسع صدرك
خررم ولحم وسو اللي تبي في موترك ترى الدنيا فانية
والموتر مرده البيع لشريطي ولامستخدم
ف تهنابه قبل ياخذه واحد يتهنابه ولا ولا واحد يتكسب منه

[بدران الدوسري]

رايك على عيني وراسي يخوك

لكن شي سهل ولاهوب بالضروره خرق الحوض عشانه

ومن باب تبادل الثقافات وكلن يدلي برايه

[بدران الدوسري]

للرفع

....

[جمس z71]

بدران جعلك تسلم

الصندوق فيه ربلات قدام تحت الفيبر فكها وطلع اللي معها وثبته عند السست ولا قدام الكفر اللي وراء

[أبوهلي2008]

نعم اخوي فيه طريقه وانا مزينه معي هايلوكس بس لازم تشق شوي من الفيبر

1 مادامك زينت كل شيء مد الي يلى اليمين او اليسار اختر انت وش زاويه الي تبيه اذا شقيته دخل الي مع تحت وشبك الهوز واذا مافهمت حط رقم جوالك وارسلك الصور لاني ما اعرف انزل صور ونا كنت زيك يبي يخرمولي بس واحد قالي سو الطريقه ذي ويقولون ورشه المنديل يصلحه

[جي تي]

ولا اسهل منهت مده الي زاوية باب الحوض ونزله من ورا الصدام

[بدران الدوسري]

الله يجزاكم خير جميعا

أخوي أبو هلي تراني ارسلت لك رقم الجوال شيك على الخاص لاهنت

[ابونبيل]

اخوي اخرم فيبر الحوض ودخل اللي تحته ونزله من الباب الخلفي وثبته بقاعده ب الشاصي مسويه بموتري وراحه

[بدران الدوسري]

ياليت بصور يابو نبيل

ان شاء الله بنجز مشروعي وبصور طريقتي

[ابونبيل]

اخوي بدران برسل لك مقطع فديو تعال وتساب برسل لك رقمي