15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
طبعا فريت بالنت وكل مابحث يطلع لي مكشات ماشاء الله عليكم
المهم قلت لازم أسجل وأخذ مشورتكم ورأئيكم
أبي شاشة لأبنائي حفظهم الله
وش النوعيات اللي تركب عالتاهو وسعرها معقول؟ > حتى لو خربت ماعليها حسافه
والأفضل بالسقف أو خلف المقاعد؟
مكشاتي متقدم
ما شاء الله تبارك الله
أول شيء الله يبارك لك فيما شريت ويحفظ لك عيالك ويرزقك برهم
الصراحة ما لي خلفية واجد عن أنواع الشاشات ولكن موترك جديد نصيحة لا توديه لأي واحد يلعب في كهربته شوف لك شاشة زينة يستاهلها الموتر والعيال وركبها عند واحد يكون مشهور بالتركيب وعنده خبرة
وأنصح باللي في السقف أفضل للعيال ونظرهم من الي خلف المقاعد حتى الي بالمرتبة الثالثة يشوف وهو مرتاح
مكشاتي متقدم
مبروووك ماشريت
ونصيحة مجرب لا تركب شي وتلعب بالسيارة
انا عندي بسيارتي شاشتين من وكالتها وفرحو فيها العيال ومن اول سفره تفرجو ساعه ثم انتهى الموضوع ورجعو للايباد
والحين ماحد ينظر لها ابداً
بختصار الايباد يكفي وزيااااااده
عضو موقوف
الله يبارك لك
مكشاتي
ماشاء الله تبارك الله الله يعطيك خيرها ويبعد عنك شرها الله يخليلك عيالك ويحفظهم يارب
رأي يا أخوي تشري ايباد وينباع له علاقه تعلقه خلف المقعد أفضل واذا مصمم ع الشاشه مالك غير الوكاله اشترها من عندهم ويركبولك ياها شغل وكاله تضمن ما يلعبون في كهربتها الكهربائين الى في الورش او عند محلات الزينه
مكشاتي
الله يبارك فيكم جميع ويعطيكم العافية
بس والله متردد كثير بالتركيب
مافي طيب شي يركب عالولاعه بدون أي تدخل بكهرباء السيارة
مكشاتي برونزي
عندي حقت التكايات على تاهو ولكن لو عدت الخيار كان ركبت السقف
مكشاتي متواصل
ما شاء الله مبروك ع السياره
مثل ما قالو الشباب ايباد يفى بالغرض
تحتاج تشترى له ستاند ( قاعدة)
تعلقها في اعلى المرتبه في الوصله اللى تطلع حق الراس
بعدين اصورها لك
او تشترى تكايات راس يجي فيها شاشات جاهزة بدون تخريم ولا تجريح اسلاك
مكشاتي متقدم
الشاشه اللي في السقف اذا انفتحت ماعاد تشوف المرايه الوسطيه
و لازم تجريح اسلاك و تركيبها بدال لمبه السقف
و موترك ماشاء الله جديد حرام يلعب به ابو يمن و بيني وبينك راح زمن الشاشات و زي ماقالو الشباب الايباد قام بالواجب و زيادة حمل للاولاد الله يصلحهم على الايباد افلام الكرتون اللي يحبونها و العاب اوسع صدر من الشاشه
مكشاتي متقدم
نصيحه مجرب يالوجيه حتى لو ماجاز لك كلامي انت بكيفك
لاتركب شي سواء شاشه او غيرها خلها شدبلد لان شاشه السقف لازم يخرم بالديكور بالسقف علشان تركب وراح يكون مكان الشاشه بين لمبه ومفاتيح المكيف الخلفي وبين المرايه الاماميه لان ماتقدر تركبها زي اللي تجي من الوكاله لان مفتاح مكيف الخلفي يتحكم فيه من فوق واللي تركب بتكايات الراس لازم تمديد داخل المقاعد والديكور الجانبي من علبه الفيوزات
وغير هدا كله تنبلش بالسيديات حقتها كل شوي تخرب
الزبدة جيب لهم اجهزة محموله ايباد او تاب او اي شي وخل السيارة على حالها
:
ماشاء الله الف مبروك الموتر الله يعطيك خيره ويكفيك شره
المفروض الواحد يحاول بقدر المستطاع تخليص الاطفال عن الايباد
الشاشه حلوه وسيديات توسع صدورهم مع الخطوط
فيه شاشات اسمها رويال تجي مكان تكايات الراس
سعر الحبتين ٦٠٠ ريال مع التركيب
مع كل شاشه سي دي العاب ٣٢ لعبه ويد لللعب
تركيبها سهل مجرد سلك يشبكه بالفيوز ولكل شاشه فيوز منعزل
:
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
مكشاتي متواصل
أتفق مع اخي المميز
بس لو تكرمت اخي المميز لو تذكر لنا وين متوفره هذه الشاشات؟
المشاركة الأصلية كتبت بواسطة أبوهادي
حياك الله ابو هادي
الشاشات هذي متوفره بالغرابي بالرياض ولها وكيل
واذا انت بغير الرياض تلقاها متوفره بمحلات الزينه
مكشاتي متواصل
ايباد وعلاقة على تكاية الرأس وتكون شاشة
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
