طلب مساعدة من اهل الخبرة تركيب خيمة جانبية ليوكن

[منصور 1]

إرغب في تركيب مظلة جانبية مثبته على تنده وتمتد بجانب السياره آمل مساعدة من لدية خبرة في ذلك المجال و تزويدي بمحل يعمل على تفصيلها على أن تكون لها جوانب يتم تنزيلها عند الحاجة علماً ان سيارتي هي يوكن
فمن لدية معرفه فلا يبخل علينا بمشورته

[سداااااح]

اخوي
منصور لعل الاخوان يفيدونك على الخيمه
اما بالنسبه لي ابفيدك لتانكي ماء لليوكن شفت واحد مركبه بمحل الاستبنه ويشيل 100 لتر
بس بشرط تشيل المرتبه الثالثه وتحط الاستبنه بالخلف وسئلته وين مركب التانكي قال عند المميز والاستبنه ركبها بنفسه

[سداااااح]

والاستبنه مفصل لها قاااعده وركبها بجهة العفريته اللي تجي على اليسار وتارك مجال بين العفريته والكفر لسهوله اخراج العفريته وركب القاعده على نفس فتحات المرتبه الثالثه من جهة العفريته وعجبتني الفكره
وقلت لعل تفيد اخواني المكشا تيين

[منصور 1]

للرفع

لمن لديه المعرفة والمشوره

[منصور 1]

يا شباب

43 زائر ولا واحد يقدم النصيحة

الفزعة يا اهل المكشات

[قير عادي]

اخوي منصور اذا كنت من سكان الرياض عندك ورشة المواهب والمميز وسوافي ، كل ذولا يفصلون قاعدة حقت الخيمة ، وبعد كذا تروح للغرابي عند حقين الشرع وتفصل الخيمة على مزاجك .

[منصور 1]

قير عادي ما قصرت وعساك تسلم

بس ممكن ورشة المواهب وين عنوانها هي للي في صناعية الدائري وسوافي وين عنوانها
وجزاك الله خير على معلوماتك

لكن انا اريد راي الاخوان واقتراحاتهم على طريقة تثبيت و تمديد الخيمه

وجزاكم الله خير

[قير عادي]

هلا اخوي منصور

المواهب سلمك الله مقابل صناعية العويضة اللي على شارع علي بن ابي طالب اول ما يجيك مسجد العويضة اللي بالركن لف يمين وخل المسجد على يسراك وامش قرابة الكيلوين وتبي تلقى الورشة على اليمين وترى المميز يصير على يسراك لكن داخل شوي مهوب على الشارع
ورشة سوافي في صناعية الفوزان مخرج 18

وانا في الخدمة

[منصور 1]

ما قصرت اخوي قير عادي
وتسلم على المعلومات

[s - s]

اخوي منصور :
انا مركب مظله جانبيه على جيب مثبته في السله 2 في 3
عند مصنع الودي في الرس والتكلف 450 ريال

[سداااااح]

اخوى منصور هاه بشرنا

[الصاحب الغالي]

http://www.mekshat.com/pix/upload/im...37;٦.jpg


شغلك كله ممتاز بمرتبه الشرف الاولى
بس فيه تعديل شفه في الرابط المذكور اعلاه