هل فيه فرق بين الباترول الفتك القير العادي والتماتيك تكفووووووون ياأحبابي أشيروا علي أخوكم في حيص بيص
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
هل فيه فرق بين الباترول الفتك القير العادي والتماتيك تكفووووووون ياأحبابي أشيروا علي أخوكم في حيص بيص
الفتك تماتيك مكينة تتحمل ونادر تلقى تماتيك مخبط لانه تمشي 160 والضغط نازل والمكينه مرتاحه والعادي اكثرهن مخبط والدليل ادخل حراج وشف لأنه محشور والضغط مرتفع
والعزم مهنى فرق يذكر
حبيبنا الشمروخي بيض الله وجهك شرفني مرورك وشكرا لك على هذه المعلومات القيمة
العادي افضل واقوى لحقين النفود لانه موتر مايتعب ولا يبرد عزمه وشاد طول الوقت
التماتيك حلو لحقين الطرد والخطوط ولكنه اضعف من العادي
اخوي الشمروخي انا كل مواتري الباترول قير عادي ولا خبطت الحمدلله من 89 الى 2013
محب الجهاد اذا تبي قير عادي وتبي موتر بطل بطل عليك من موديلات 2002 الى 2009
لان كارونه 2010 وفوق اضعف من 2009 وتحت هالكلام بالنسبه للقير العادي
التماتيك جميع الموديلات نفس القير ونفس الكارونه
اذا منت راعي ضلعان ومراقي قويه
فنصيحه خذلك تماتيك
اشوف ان الموتر اذا جاك تبترونك خلاص ماله داعي العادي الا اذا كنت من الناس الي يستمتع فيه بالديره
الموتر عزمه طيب ماشاء الله و يجي تبترونك خلاص وش تبي بالعادي
العادي اذا كان الموتر ضعيف مثل اللاندكروزر 6 سلندر اللي معي تماتيك و ودي احوله عادي عشان عزمه لكن هونت و تحملت عزمه عشان الراحه منتب ساكن بالبر ولا النفود
اخوي التعديل مااتكلم من فراغ انا رجال قعدت ادور فتك شهرين قير عادي وماشي فوق 250 الف 60 بالميه مخبطات وموظبه او مغير مكينه من غلات مكينه الفتك التماتيك ماشفت مخبط لاكن شفت بعضهن مغير قير بسبب جهل وعدم عرف بقير التماتيك للفتك
على العموم العادي مايخبط اذا الواحد مايسرع فيه ويحن على المكينه بالغيار
وحراج اكبر دليل شفه فتك 2002 الى اخره ومليان مواضيع بمكشات عن مشاكل مكينه الفتك وتغير مسامير الثلاجه وغيره اللي له دخل بالتخبيط
مشرفنا القدير الكريم شكرًا على مرورك الكريم وشكرا على معلوماتك الطيبة
اخي الحبيب قناص الأشهب بيض الله وجهك ورحم والديك شرفني مرورك معلومات مفيدة
اخي الحبيب ابو نبيل شرفني مرورك الكريم وبيض الله وجهك حفظك الباري
اخوي
انصحك تجرب الاثنين قبل تشتري
لكن عن نفسي تما تيك وبس
بالخط المكينه مريحه وهادئه والديره قيادته ممتعه
وصدقني انا معي اوتو اطرد فيه في اماكن وعره و ضلعان وجروف وبا الطعوس الطويله استخدم الدبل الثقل ومرتاح للاخر
وباذن الله القير الاوتو انسى اعطال القير او كارونه او ما شابه
ومشكله القير العادي انه المكينه شاده بسبب الكوارين
واذا انت في مدينه مزحومه القير العادي متعب وممل
شكرًا على مرورك اخي الغالي مفضخ الشري ورحم الله والديك وجزاك الله خيرا
لا والله ياخوي خذ قير تماتيك وانصحك به وبقوة وهذا انا اخذت قبل شهرين فتك 2014 قير عادي وتحسفت الصدز .
اللي هاقيه ان التماتيك اريح للمكينه من القير العادي ولاهو محشور
نجد جفتنا وكل دار لنا دار ماهي معافه مير جوع ومداهير
فرق بسيط بين التماتيك والعادي
مثلا العادي تمشي 120 الضغط 3 ونص
والتماتيك يجي اقل من 3 بشوي وتر العادي عزمه اقوى من التماتيك
الذين يشاهدون الموضوع الآن: 1 (0 من الأعضاء و 1 زائر)