عاجل جعل من جابكم في الجنه يالوجيه الغانمه(سؤال عن الكفرات)

[GMCsieera2011]

السلام عليكم ورحمة الله وبركاته

مسيتم بالخير جميعاً

عاجل جعل من جابكم في الجنة

انا معي جمس سييرا 2011 حجم 1500

وعليه كفرات جنرال وقدها تبي العافيه وتقول فكني جاها من

الجور اللي كفاها ماقصرت وبغيرها ومحتار يالوجيه الغانمة

ابي لي كفرات ممتازة ناس تمدح الهنكوك وناس تمدح

ميشلان وناس تمدح كرافت ولاعاد ادري وش الزين

ياليت يالوجيه الغانمة تدلوني على الشي الممتاز والزين

علماً بأن استخدام الموتر واقف اغلب الصيف والشتاء

مانيب اخلي محل في هالبران اوسع صدري وابي كفرات

تتحمل البر وتتحمل الخطوط وابشروا بدعوة صادقة

اخوكم ومحبكم في الله أبونايف

GMCsieera2011

[رحال7]

اخي اذا جنرال زينه من تجربتك لا أنصحك بالتغيير بس تأكد ان الجديد اصلي اصلي وتاريخه جديد والله اعلم

[salehhd]

السلام عليكم

الميشلان في نظري افضل اطارات موجودة بالسوق ويعيبها سعرها المرتفع

[رحال7]

ميشلان ضعيفه من الجنب والله اعلم

[(هزاع)]

وعليكم السلام ورحمة الله وبركاته
عندي نقطة مهمه جدا جدا قبل ان نقول عن نوع الكفرات
لاتشري الكفرات الا من الوكيل خوف من الغش او سؤ التخزين
انا واعوذ بالله من الكبر منذو عام 98 هجري لا استخدم الابرجستون بقشان مع غلى سعره
ولااخبر اني ولله الحمد واجهت مايسؤني منه
الصيف بالصمان ورى الحبيب الضب ولادخل اكتوبر نشوف المهاجرات مع ملاحضة وزن الهوى على حسب طبيعة الارض
ودائما اغير الطقم كل سنتين مره
دمتم بحفض الله ورعايته

[مسير عليكم]

مشلان وهانكوك جنبها لين
عندك الدانلوب كويس والجنرال اذا مرتاح معها انا ماعرفها
وحط معهن بف قدريش مشت معي لميه الف ماشكيت منها ونا راعي سفر كل اسبوع 300 رايح و300 جاي استعمال سنه ونص والي خلاني افكهن جنوبهن تشققت من رصيف جنب بيتنا ارقاه وخفت منهن
ماتسوي اوفر قرشين ورخص روحي

[GMC89]

جنرال تراها متوفره وسعرها مقارب لسعر الشركات الثانيه مثل هنكوك وغيره
الدنلوب ممتاز ولكن المقاس ما يطابق عندك ١٠٠٪ يكون نازل شوي الموتر لان عرض الكفر اقل
انا انصحك بالماكسس التايلندي مركبه واحد من الربع على غماره ويمدحه ومركبه واخد على هايلكس
ووكارف والديها و ممتازه معه ويمدحها ولكن عليك بالوكيل والتاريخ

[GMCsieera2011]

اخي اذا جنرال زينه من تجربتك لا أنصحك بالتغيير بس تأكد ان الجديد اصلي اصلي وتاريخه جديد والله اعلم

الله يعطيك العافيه اخوي رحال7

اكيد بنحرص على الاصلي وعلى التاريخ

لاهنت وجعل والديك والمسلمين بالجنه

اخوك أبونايف
GMCsieera2011

[GMCsieera2011]

السلام عليكم

الميشلان في نظري افضل اطارات موجودة بالسوق ويعيبها سعرها المرتفع

لاهنت اخوي salehhd على الافادة

والله يوفقنا وياك ويجمعنا والدينا والديك بالجنه والمسلمين

اخوك أبونايف

GMCsieera2011

[GMCsieera2011]

وعليكم السلام ورحمة الله وبركاته

عندي نقطة مهمه جدا جدا قبل ان نقول عن نوع الكفرات
لاتشري الكفرات من الا من الوكيل خوف من الغش او سؤ التخزين
انا واعوذ بالله من الكبر منذو عام 98 هجري لا استخدم الابرجستون بقشان مع غلى سعره
ولااخبر اني ولله الحمد واجهت مايسؤني منه
الصيف بالصمان ورى الحبيب الضب ولادخل اكتوبر نشوف المهاجرات مع ملاحضة وزن الهوى على حسب طبيعة الارض
ودائما اغير الطقم كل سنتين مره

دمتم بحفض الله ورعايته

هلا بمشرفنا العزيز هزاع

عندي كم نقطة بسألك عنها جعلني مبكيك

تقول انت ( مع ملاحظة وزن الهواء على حسب طبيعة الأرض )

انا رجال مانيب راعي تطعيس ومعروف عن الاماكن الرملية ضروري تنقص الهواء

والشعبان واراضي (الحبيب انشهد انه حبيب الضب) واراضي الهاجرات هل تنقص الهواء فيها وكم تنقصه

اتمنى اني ماكثرت عليك ولا على اخواني الباقين واتمنى الموضوع يفيدني

ويفيد اخواني المسلمين بمكشات او خارج مكشات ويجعلها في موازين حسناتكم

وحسناتنا يوم نلقاه وان يجمعنا بوالدينا و والديكم بجنات النعيم

اخوك أبونايف

GMCsieera2011

[GMCsieera2011]

مشلان وهانكوك جنبها لين
عندك الدانلوب كويس والجنرال اذا مرتاح معها انا ماعرفها
وحط معهن بف قدريش مشت معي لميه الف ماشكيت منها ونا راعي سفر كل اسبوع 300 رايح و300 جاي استعمال سنه ونص والي خلاني افكهن جنوبهن تشققت من رصيف جنب بيتنا ارقاه وخفت منهن
ماتسوي اوفر قرشين ورخص روحي

تسلم اخوي مسير عليكم

على الافادة طيب وضعها في الشعبان والبر عموماً هل هي

أمان بعد الله سبحانه وتعالي

لاهنت على المعلومه جعل مورثينك والمسلمين بالجنه

اخوك أبونايف

GMCsieera2011

[GMCsieera2011]

جنرال تراها متوفره وسعرها مقارب لسعر الشركات الثانيه مثل هنكوك وغيره
الدنلوب ممتاز ولكن المقاس ما يطابق عندك ١٠٠٪ يكون نازل شوي الموتر لان عرض الكفر اقل
انا انصحك بالماكسس التايلندي مركبه واحد من الربع على غماره ويمدحه ومركبه واخد على هايلكس
ووكارف والديها و ممتازه معه ويمدحها ولكن عليك بالوكيل والتاريخ

لاهنت اخوي GMC89

على مرورك وطرح ماعندك من معلومات

والله وانا اخوك جنرال كويسه بس يدخل بين نقوشها الحصى ويبهذلك

واشوف انها لاني دخلت مره في احد الشعبان الكبيرة وانا وسط الشعيب او في اخره

ولعت اللمبة بالطبلون حقت الكفر تقول ان الكفر نقص يبي هواء

وبالنسبة للماكسس التايلندي اللي تقول هل الشخص اللي مركبها

وركبها على الهايلوكس مركبها على جمس سييرا ؟ وهل جربها في الشعبان والاراضي الصبخه ؟ ياليت تنقل لنا تجربته

اسف على الإطالة واني كثرت عليك اتمنى تفيدني وتفيد اخواني

أخوك أبونايف
GMCsieera2011

[مسير عليكم]

اخوي ابونايف الامان مافيه شي ينضمن في الحصى والشعبان وكلن علي حسب سواقته يدخل انا ما اخفيك انا من شريته مادخلت به شعبان اغلب طلعاتي نفود ادخل اتقهوى وشوف العالم ورجع

[قايد ألريم]

مر على وكالة القحطاني ماريتايم

تلاقي عندهم كفرات اصلي وبضمان

ولاتشتري من بنشر يمني ضاربتها الشمس ومحبلة

[(هزاع)]

هلا بمشرفنا العزيز هزاع

عندي كم نقطة بسألك عنها جعلني مبكيك

تقول انت ( مع ملاحظة وزن الهواء على حسب طبيعة الأرض )

انا رجال مانيب راعي تطعيس ومعروف عن الاماكن الرملية ضروري تنقص الهواء

والشعبان واراضي (الحبيب انشهد انه حبيب الضب) واراضي الهاجرات هل تنقص الهواء فيها وكم تنقصه

اتمنى اني ماكثرت عليك ولا على اخواني الباقين واتمنى الموضوع يفيدني

ويفيد اخواني المسلمين بمكشات او خارج مكشات ويجعلها في موازين حسناتكم

وحسناتنا يوم نلقاه وان يجمعنا بوالدينا و والديكم بجنات النعيم

اخوك أبونايف

GMCsieera2011


[/center]

حياك الله
البر ونت اعلم انه به مناطق رمليه ومناطق وعر صلبه
والموتر المحمل خفيف والموتر اللي حمله ثقيل ماء وعزب واشخاص
وكل شي وله وزنيه
بالمنطقه الرمليه بالصيف لاينقص عن ال 15 ولايزيد عن ال 25
والمناطق الوعره الصلبه لاينقص عن ال30ولا يزيد عن ال 40