تجهيز السيارات

[شباب الحطب]

استفسار
هل أستطيع تحويل المرتبة الوسطانية بالجمس اليوكن الى صندوق عزبة وإرجاع المرتبة كما هي

[شباب الحطب]

السلام عليكم ورحمة الله وبركاته
انا مشترك جديد وحاب أضف معلومات عن البر بحكم أني من المتولعين بطلعات البر والرحلات
فارجوا التعاون معي

[شباب الحطب]

ياشباب يقولون ممكن انك تحول المرتبة الا بالوسط باليوكن الى صندوق عزبة وإرجاع المرتبة كما هي ارجوا الإفادة

[قطب 999]

فك المرتبه وحط الصندوق

[قلايد الخيل]

الي فهمت منك انك تبي تسوي مكان درج تحت المرتبه الثانيه ماانصحك تسويها بتسويلك ازعااج وتحوسك شفلك صندوق بالخلف احسنلك

[المميـز]

:

هلابك اخوي معنا في منتدى مكشات
بالنسبه للصندوق اذكر مر علي مقطع لجيب باترول
راعيه مفصل صندوق خشب تحت المرتبه الوسطيه
ومخليه خاص للعزبه والغطاء حقه ملبس سفنج وقماش
بدلا من المرتبه الاساسيه ولكن الظهر مثل ماهو ماغيره
ولو تمر على نجار فاهم وتشرح له فكرتك يبي يتعاون معك ويعطيك افكار اضافيه
وتطلعون بنتيجه حلوه ان شاء الله
بس لاتنسانا من التصوير والتقرير الحلو لهذه الفكره الحلوه

بالتوفيق ،،،

:

[الشولة]

السلام عليكم أخي الكريم
الصراحه زي ما قالوا لك الأخوان سبق و إنتشر مقطع لصاحب جيب باترول مغير المرتبه كامله و مخليها تحت المقعده عزبه سريه على كلامه و سنادة الظهر تانكي مويه وهذا المقطع لعلك تستفيد منه
http://youtu.be/s3MpZb4Tgss
و فيه حركه ثانيه وهي شركة أمريكية تبيع صناديق على ما أعتقد إنها بلاستيكيه توضع تحت المقاعد في الونيتات الأمريكيه و ممكن تفيدك أو تصنع لك شي مشابه لها في الفكره من مواد أخرى وهذا موقعهم
http://www.du-ha.com
و قد قرأت في أحد المواضيع أنه فيه ورشه أسمها المواهب في الرياض تسوي لك صندوق تحت المرتبه بس ما عندي أي معلومه عنهم و على ما قرأت أنهم أسعارهم عاليه.
على العموم أتمنى لك التوفيق ولا تنسى تورينا شغلك إذا طبقت الشي اللي تبيه.