يا اخواني بغيت استفسر عن سيارتين لي نظر فيهن الاول فورتشنر v6 او باترول ربع سلقه طبعا كل الاثنين مديل 2008 او 2009 انا راعي طلعات بر ولست راعي خطوط كثيره يعني ابي اقنص عليه وزي هالشغلات ابي ناس مجربه وشكرا
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
يا اخواني بغيت استفسر عن سيارتين لي نظر فيهن الاول فورتشنر v6 او باترول ربع سلقه طبعا كل الاثنين مديل 2008 او 2009 انا راعي طلعات بر ولست راعي خطوط كثيره يعني ابي اقنص عليه وزي هالشغلات ابي ناس مجربه وشكرا
ياالغالي معروف الباترول هو موتر القنص
لكن مشكلة الربع الضيق وصرف البنزين والعزم لك عليه شوي
:
من واقع تجربه للفورتشنر بالبر والقنص
موتر ممتاز وخفيف
ولكن انا كان معي قير عادي والقير العادي ما انصحك فيه لوجود بعض المشاكل فيه
مثل احتراق الكلتش بسرعه وبعض المرات ونه بالخامس وقد تكون مشاكل معي ولكن انقل لك تجربتي
والتماتيك من الفورتشنر ونقلا من مجربين لايشكون منه ماشاء الله
اذا تبي موتر قير عردي خذ ربع باترول
واذا تبي التماتيك خذ الفورتشنر
والوساعه وعدد الركاب من صالح الفورتشنر مع مساحه كافيه للتحميل
وعليك بالاستخاره والله يكتب لك اللي فيه الخير
:
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
كقوة و عزم ومرونة ، الباترول
الخفة وسهولة الصيانه ، الفورتشنر
طربة الراس في المراقى ، الباترول
الخط ، فورتشنر
والاستخارة قبل كل شي
الله يجزاكم خير جميعا ولا يوريكم مكروه انا رغبتي قير عايدي لان التماتيك مايصلح معي هههههه يدي قاسية شوي لكن انا ميلت للباترول اكثر لكن بستخير وعلى الله كل شي .......
الذين يشاهدون الموضوع الآن: 1 (0 من الأعضاء و 1 زائر)