من يخبر لنا مكان أحصل فيه مكينة (داكوتا) دوج 6 سلندر

[غيث الحيا]

الفزعة يالربع وتراه (الداكوتا) مهي طيارة سيارة دوج 6 سلندر قير عادي اللون أبيض أدري ماله دخل .. النشمي يدلنا على مكان ألاقي فيه مكينة هالسيارة اللي وقعنا به ... تحياتي لكم .

[غيث الحيا]

ملحوظة ..

لا يجي أحد من الربع ويقول عند الوكالة . لأن وكالة مثل هالسيارة حبيبين مرة ولايزودون بقطع الغيار ومستودعاتهم مليانة بكل أنواع قطع الغيار !! وبعدين عندهم توصيل طلبات لقطع الغيار <<< إيه هين >>> بالمشمش..

[هاوي الصمان]

السلام عليكم

عندك تشليح (ملك الدوج) 100% انشالله انك بتلقى عندهم لأنهم متخصصين بسيارات الدوج وحتى شغلهم بالميكانيكا ممتاز مره

موقع التشليح بالدمام منطقه التشاليح الجديده على طريق ابقيق

[غيث الحيا]

هاوي الصمان أول نشمي يرد على الموضوع

أشكرك يالغالي على هالمعلومة المفيدة وعلى سرعة تجاوبك مع السؤال ..

جميلك يكمل يا طير شلوى لو تعطيني رقم الهاتف للتشليح إن سهل عليك الأمر .. لأني بعيد شوي عن الشرقية

ومشكور طال عمرك مقدما ..

[الكلاسك]

اشتر لك دودج جديد وفك مكينته ازين لك كذا تحصل على مكينه شد بلد وعليها ضمان بعد خلك ذيب ههههههه

[هاوي الصمان]

السلام عليكم

والله الرقم مهوب عندي وانا اخوك بس احاول اني اجيبه لك

[غيث الحيا]

الكلاسك خخخخخخخ ضحكتني وأنا زعلان . تدري وش ميزتك ؟ عدد مشاركاتك زيي على كل شكرا على الاقتراح

هاوي الصمان الله يقويك وبانتظارك لاعدمناك

[غيث الحيا]

بانتظار عودة هاوي الصمان أو إفادة من غيره ..

[أنجشة]

التشليح بتحصل فيه الي تبي بس دور متخصص بالدوج

إذا كنت بالرياض فشف تشليح الحاير او تشليح الشويعر بالشفا

[أبو مسفر]

والله انا اقول ورى ما تحط مكينة جمس 350 ارخص واقوى وقطع غيار متوفرة

[جي ميل]

السلام عليكم

الى عنده رقم تشليح ملك الدوج يرسله لي عبر الخاص لا هنتوووو


تحياتي لك

[Jeep 2005]

كانك تبي المكاين وقطع الدوج .. مالك غير تشاليح الكويت
في منطقه يقالها (امغره)

بإذن الله بتلقى مطلوبك

[ابو سند 2003]

اقرب مكينة لك مكينة الجيب السنة سلندر

[ابوعقيل81]

الموضوع صار له فوق ٧ سنوات