led لاندكروزر 2014

[ب ر ع 4505]

بسم الله الرحمن الرحيم
عيدكم مبارك وكل عام وانتم بخير
ابدخل بالموضوع على طول
ياجماعة الخير انا معي gxr 2013 خليجي
وقبل كم يوم العصر كان يمشي وراي gxr 2014 سعودي
الي لفت انتباهي بالموضوع انه كان مشغل الليد وكان قوي
نفس حق اللكزس 570 ويوم دخلنا تحت الكبري رجع الليد
طبيعي واشتغل النور ويوم طلعنا طفا النور ورجع الليد قوي
واول ما رجعت للبيت بحثت عن الخاصيه ذي ولقيت انهم اضافوا
خاصيه اوتو في 2014 وهي في النهار يكون الليد شغال وقوي
وفي الليل يشتغل النور طبيعي
خلاصة الموضوع اني من زمان وانا ودي اقوي الليد حق موتري
ويوم شفت هذا على الطبيعه واعجبني شكله تحمست زود
فوش رايكم وش الطريقه تتوقعون برمجه مع العلم ان شمعة ال 2014
نفس ال 2013 ولاهمني وضع الاوتو ابي بالنهار الليد قوي
وبالليل يرجع طبيعي وهل ينفع لو رهمت لليد زر منفصل
بحيث اشغل الليد من الزر واذا طفيته يرجع طبيعي مع النور

اعتذر على الاطاله واتمنا تفاعلكم مع الموضوع عشان يستفيد الجميع

[ب ر ع 4505]

ياجماعه مافيه احد عنده حل !!

[أحمد أبوعلي]

ودي أفيدك لكن الشباب بإذن الله يفيدوك

[ابوعبدالرحمنن]

رهملك زر بس اخاف الوكالة تلغي ضمانك اذا شافتك متعبث بالكهرب

[The End]

اخوي على كلم احد الشباب انه غير ممكن تركيب الليد الجديد على الموديلات السابقة
http://www.toyota4arab.com/forum/t287849.html

[ABO AZZAM 123]

ما يمديك يالغالي الا بطرق صعبة جدا جدا تغيير الظفيرة واللاصطبات الأمامية وسالفة طويلة مالها اخر


موترك جديد الله يبارك لك فيه والميزة ذي موجودة عندي في الهدد 2014 يجي زر اوتو في عصا الأنوار حط عليه وبعدين حط الموتر على N وبعدها نزل الجلنط ويشتغل لك على طول


اتمنى اني افتدك والله يوفقك يالغالي

[ب ر ع 4505]

بيض الله وجيهكم وماقصرتوا على الافاده

[Nasser33]

أتوقع شغلت منظم لليد زي الباترول الجديد اذا جيت
تحوله 2014 لازم منظم لليد وسلامتك

[alwali]

وده للوكاله وخلهم يحطولك الاوتو

[ب ر ع 4505]

ماقصرتوا بيض الله وجيهكم اغديه ان شاء الله يصير منظم ليد